Астанада Ермек Серкебаевқа арналған концерт өтті

ЭКСПО-2017 халықаралық көрмесінің аясында көзі тірісінде аты аңызға айналып, алтын даусымен алты құрлыққа танымал болған опера әншісі Ермек Серкебаевқа арналған гала-концерт өтті. «Қазақстан» Орталық концерт залында ұйымдастырылған мәдени шарада әлемдік опера жұлдыздары әуелетіп ән салды.
Егемен Қазақстан
15.08.2017 632

Ермек ағамызды ауызға алсақ, марқұмның өзін ғана еске алмай, Серкебаевтар әулетін түгендеп кететін әдетіміз бар. Алмас Сер­кебаев, Байғали Серкебаев сынды бірі композитор, бірі музыкант ұлдары мен жазушы қызы Ирина Серкебаева, інісі Мұрат Серкебаев, оның скрипкашы қызы Жәмила Серкебаева осы үлкен әулеттің мақтанышына айналған жандар. Әкесін еске алу кешіне Мәскеуде тұратын ұлы, атақты «А’Студио» тобының продюсері Байғали Серкебаев қатысты. 

Концерттің ашылу сал­тан­а­тында сахнаға көтерілген Бай­­ғали Серкебаев өз сөзінде концертке Метрополитен, Ла Скала, Мария театрларының көрермендерін тәнті еткен әйгілі әртістердің қатысып жатқанын, бұл әкесіне көрсетілген үлкен құрмет екенін айтса, Мәдениет және спорт министрі Арыс­танбек Мұхамедиұлы 1967 жы­лы Канадада өткен дүние­жүзілік көрме аясында Ермек Серкебаевтың Қазақстан даңқын асқақтатқанын мәлімдеді. «Біздің атақты Ер ағамыз – Ермек Сер­кебаев Монреальда еліміздің өне­рін әлемге танытып еді. Енді, міне, араға 50 жыл салып біз ЭКСПО халықаралық көрмесі ая­сында Ермек Серкебаевты еске алу кешін өткізіп отырмыз», деді ол.

Барқыт үнді баритон дауыстың иесі, КСРО халық әртісі, Мемлекеттік сыйлықтың иегері, Социалистік Еңбек Ері, ұлағатты ұстаз Ермек Серкебаевты еске алуға арналған кеште әлемнің үздік бас дауыс иесі, Грэмми сыйлығының екі дүркін иегері, Метрополитен-опера, Мария театры және Париж операсының солисі Ильдар Абдразаков, Мария театрының солисі, Opera Awards сыйлығының лауреаты Асмик Григорян, Мәскеудегі Үлкен театр­дың жетекші солистері Игорь Головатенко мен Агунда Кулаева, Мария театрының солисі Сергей Скороходов сынды саңлақтар сахнаға шықты. Сондай-ақ, өз елімізден «Астана Опера» театры­ның солистері Сүндет Байғожин, Азамат Жылтыркөзов, Салтанат Ахметова сынды танымал өнерпаздар ән шырқады.

Бұл кеште әлемдік опера классикасының жауһарлары Дж. Россини, Дж. Верди, Ж.Бизе, Дж. Пуччини, А.Жұбанов, Л.Хамиди операларынан ариялар айтылды. Ресейдің еңбек сіңірген әртісі, Татарстанның халық әртісі Ренат Салаватовтың жетекшілігімен «Ас­тана Опера» театрының симфониялық оркестрі әншілерді сүйемелдеді.

Концертке Ермек Серкебаевпен жеке таныс болған әйгілі кино, өнер, опера қайраткерлерінің де қатысқанын айта кеткен жөн. Бейнемониторда Лев Лещенко, Армен Джигарханян, Бибігүл Төлегенова, Иосиф Кобзон, Тамара Синявскаялар атақты әншінің сирек таланты жайында сөз етті.

Айгүл СЕЙІЛ,
«Егемен Қазақстан»

СОҢҒЫ ЖАҢАЛЫҚТАР

19.06.2018

Парламентте балалар денсаулығына қатысты заң жобасы қаралды

19.06.2018

ОҚО-ның әкімшілік орталығы Түркістан қаласына көшіріледі

19.06.2018

Елімізде газ нарығында үлкен өзгерістер болады

19.06.2018

Энергетика министрі халық алдында есеп берді

19.06.2018

Асхат Аймағамбетов: «Алтын белгі» төсбелгісіне үміткерлердің 98,4%-ы білімдерін растады

19.06.2018

Ақсуда Қымызмұрындық мерекесі өтті

19.06.2018

Мемлекет басшысы Түркістан облысын құру туралы Жарлыққа қол қойды

19.06.2018

Қ. Тоқаев сарапшылар алдына жаңа міндеттер қойды

19.06.2018

Бүгін Үкімет отырысында қандай мәселелер талқыланды?

19.06.2018

Павлодарда казактар мәдениеті мен өнері күні өтті

19.06.2018

Гүлшара Әбдіқалықова «Ұлы Дала» гуманитарлық ғылымдар форумына қатысты

19.06.2018

Головкинге The Ring журналының белбеуі табысталды

19.06.2018

Чемпиондар лигасы. «Астананың» іріктеу кезеңіндегі қарсыласы белгілі болды

19.06.2018

Астанада Дүниежүзілік тау-кен конгресі өтіп жатыр

19.06.2018

Сенаторлар валюталық реттеу туралы заң жобаларын талқылады

19.06.2018

«Жетісу көктемі» атты республикалық форум: жас қаламгерлер не дейді?

19.06.2018

СҚО-ның Бостандық ауылында қуғын-сүргін құрбандарына арнап ескерткіш-тақта орнатылды

19.06.2018

Мемлекет басшысы Қайрат Мәмиді қабылдады

19.06.2018

Бурабайда «Қазақтану» ғылыми-ағартушылық жобасының тұсауы кесілді

19.06.2018

Солтүстік Қазақсанда жаңа мешіт ашылды

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Әр қазаққа қажет ұстаным

Қазіргі өмір барысына ой жіберіп қараған кезде ақыл-ойымыздың тереңдігіне малданып, сезімтал аңғарғыштығымызды артықшылыққа балайтын жөніміз бар ма? Аға ұрпақ санатына қосылған ендігінің ақсақалы біздер қазақ сөзіне әкелген жаңалығымыз, яғни бейнелі тіркес­теріміз кәне дегенге кесімді жауап беру қиын-ау. Ұлғайыңқы тартқан осынау шағымызда қазақ қарияларының сөз саптау мәдениетін жиі-жиі еске алып, жадыда жаңғыртуға тырысатын дертке шалдықтық. 

Анар ТӨЛЕУХАНҚЫЗЫ, «Егемен Қазақстан»

Арайланған, абаттанған Астанам!

Махамбет «Еділдің бойы ен тоғай, ел қондырсам деп едім» деп жалынды жырына қосқандай, бүгінде еңсесі биіктеген елорда көз алдымызда қанатын жайып, өсіп-өркендеп, сары даланың сәніне сән қосқан керім қалаға айналғаны анық.

Қарашаш ТОҚСАНБАЙ, «Егемен Қазақстан»

Ән мен күйдің бұлағы – Астананың құрағы 

Жақсыбай САМРАТ, «Егемен Қазақстан»

Басынан бағы таймасын - Жақсыбай Самрат

Ақмолаға бақ ерте қонды, оның аумағы тіпті патша заманында облыс болған. Орталығы Омбы қаласы болғанымен облыстың Ақмола атануының өзі оның ерте танылғандығының белгісі. Әйтпесе осы облыс құрамында сол кездегі Ақмола­дан үлкен Омбы, Қызылжар, сәл кішірек Көкшетау, Атбасар қалалары болған, бірақ соған қарамай облыс атауын Ақмо­ла иемденген.

Жарқын ШӘКӘРІМ, Қазақстанның еңбек сіңірген қайраткері

Нағыз қазақ...

 Домбыра – қазақтың жаны, қазақтың көзі, терең тамырлы тұңғиығы, сан ғасыр­лық серігі, ағыл-тегіл күйі. Сандаған ғасыр­­лардан жеткен Қорқыттың қобы­зы үніндей інжу-маржан сазды әуені. Домбыра күй күм­безін көкке өрлеткен кө­ненің көзі, тәңірдің құдіреті. Кетбұғаның күй күңіренісі, Ноғайлының зар заманы, Сы­пыра жырау, Асан Қайғы, Қазтуған, Дос­панбет, Шалкиіз­дердің жыр арқауы, қанаты. Байжігіт пен Абы­лай ханның күй төгілткен жан серігі. Күні кешегі Нұрғиса мен Қаршығалардың дүл­дүл күйшілігі. Бүгінгі музыка өнері бәйте­регінің тамырлы шежіресі. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу