Көрмедегі көрермен саны – 2,5 миллион

Одан әрі Тайланд – 566 711, Үндістан – 557 480, Ресей – 515 321, Өзбекстан – 469 575, Жапония 461 772 көрермен тар­тқан екен. Алғашқы он­дық­ты түйіндеген Сауд Арабиясының көр­месін 419 285 адам тамашалап үлгеріпті. Келіп-кетушілер саны 800 мың­нан асқан «Нұр Әлем» павиль­о-
ны өткізуші мемлекет ретін­де тізімнен орын алмапты. Бұл де­ректер халықаралық көр­ме ор­та­лығының екі айлық қоры­ты­н­дысына арналған жиында мәлім болды. 

«Астана ЭКСПО-2017» ҰК» АҚ басқарушы директоры Бейбіт Қарымсақовтың айтуынша, көрменің екінші айында алғашқы отыз күнмен салыстырғанда 1,4 есе көп адам келген. «Нұр Әлем» сферасына 746 мың адам кір­ді. Мұнда да өсім – 1,4 есе. Шара басталғалы бері мемлекет­тер мен халықаралық ұйым­дар­дың 60-тан аса ұлттық күні ұй­ым­дастырылған. Енді 30-ға жу­ық осындай шара өтеді. 160-қа жуық тақырыптық жиын ұйымдастырылды. Көрмені көп­теген елдің мемлекет және үкімет бас­шылары мен сыртқы істер ми­нистрлері арнайы аралады», деді ол. 

Ұлттық компанияның қауіп­сіз­дік бойынша департамент д­и­­рек­торы Рүстем Шәкенов кө­р­­­меде ең көп жоғалатын, яғ­­ни келушілер жоғалтып алатын зат құжаттар екенін айтты. «Бәл­­кім, салақтығынан, бәл­кім нем­құрайдылығынан ке­лушілер арасында киім-ке­шегін тастап ке­тетіндер де жет­кі­лік­ті. Сөм­ке­лерін отырған же­рінде ұмытып кететіндер де бар. Екі ай ішінде 867 зат табыл­ды, олардың 273-і иесіне қайтарылса, 594-і сақтауда тұр», деген ол қауіп­сіздікті қам­тамасыз ету орта­лығының же­лісі бойынша 1789 жағдай тір­келгенін, оның 26-сы ұсақ ұр­лық қылмысы екенін мәлім­де­ді.

Көрме басталғалы бері ЭКСПО қалашығына орнала­с­қан қо­нақ­­тар саны – 15416 адам. Дәл қазіргі уақытта онда 5181 адам тұрып жатыр. Сонымен қатар, есепті мерзімде 4864 адам медициналық көмекке жүгінсе, 49-ы аллергия, дене қызуының көтерілуі және қан айналым жүйесінің бұзылуы дерт­терімен ауруханаға жат­қы­зылды. «Екі айда жал­пы сома­сы 131 767 992 теңгені құ­рай­тын 84 495 дана лицен­зия­лық өнім сатылды. Және 537,8 тонна өнім әкелінді. Қо­ғам­дық тамақтану орындары­н­да 558,7 мың келушіге қыз­мет көр­сетілді. Тауар айна­лы­мы­ның жалпы сомасы 905,7 млн теңгені құрады», деді коммерцияландыру депар­т­а­ментінің директоры Дәу­лет Еркінбаев.

10 маусымнан 14 тамызға дей­ін байланыс орталығына 44 242 адам жүгінген екен. Оның ішін­де 26 261 қоңырау ша­лу болса, 965-і – өзге байла­ныс түрлері. Ақпарат дү­ң­гіршектеріне жүгін­ген азамат­тар саны – 17 016. Логис­ти­калық қызмет көрсетулер бой­­ынша халықаралық павиль­он­дар­­ға 5 298 тонна жүк жеткізілді.

18 тамыз күні ЭКСПО-2017 көр­­месі аясында елордаға Эйкон, Джон Ньюмэн сияқты әлем жұл­дыз­дары қатысатын му­зы­калық фестиваль өтеді. 19 тамызда Эрос Рамазоттидің кон­­церті болады. Ал 29 тамыз к­ү­ні әйгілі Дэвит Гетта келіп, өнер көрсетеді.