Кикілжің келіссөз арқылы шешіледі

Бүгінгі таңда әлемді алаңдатқан мә­селенің бірі Корей Халық-Де­мо­­кратиялық Республикасының яд­ролық қаруға қол жеткізу сая­саты болып отыр.
Егемен Қазақстан
17.08.2017 294

Кеңестік жетек­те болған социалистік лагерь мем­ле­кет­терінің арасында бұл ел бір кез­де барынша дамыған, эко­но­ми­касы орнықты, мәдениеті де, ғы­лы­мы да жоғары қарқынмен өр­кен­деп келе жатқан мемлекет саналатын. Жалған тұжырымдамаға негізделген «қоғамдық меншік», «қо­ғамдық сана» деген сияқты со­циалистік мұраттардың беті ашы­лып, басқа елдердің бәрі на­рықтық дамуға бет бұрғанда, бұл ел бұрынғы социалистік жолды ұстанып, билік құ­ры­лым­­дарын өзгертпей қала берген. Сырт­тан кіретін жаңалықтар мен өз­герістерге де есік-терезесін бе­кем жау­ып, алыс түгіл өзінің оңтүс­тік­тегі қандастарымен де қарым-қатынасын барынша шектеген. 

Ескі әдістен айырылғысы келмеген би­лік демократиялық өзгерістерді қа­лаған озық ойлы адамдарды да қу­ғынға ұшыратты. Соның кесірінен де­мократиялық құндылықтарды қор­ғаушы елдер мен халықаралық ұйым­дар тарапынан қысымшылықтар жа­са­ла бастады. Оның ең басында өзі­нің қандастары, демократиялық құ­ры­лыстың арқасында дамудың даңғыл жолына түскен Оңтүстік Корея тұр... 

Бас­қарушы партия мен оның басын­да отыр­ған билеуші топ ядролық қару жасауға және оны күннен-күн­ге жетілдіруге елдің барлық әлеу­етін жұмылдырып отыр. Осыған қарсы сыртқы күштердің араласуы­мен, халықаралық ұйымдардың те­геу­рі­німен жасалған экономикалық сан­кция­лар бұл елдің ресурстарын барынша азайтып, дамуын тежеуде. Халықтың әлеуметтік-экономикалық ахуалы да алаңдатарлық жағдайда. Бі­рақ оған қарап жатқан КХДР би­лігі жоқ, соңғы бір айда екінші рет бал­лис­тикалық зымырандарын сы­нақтан өт­кізді. Бұл әлемдік қоғам­дас­тықтың ашу-ызасын туғызып, БҰҰ Қауіпсіздік Ке­ңесі экономикалық санкция жасау жө­нінде кезекті қарарын қабылдады. 

Бұл – бұрынғы санкциялардың үс­тіне жаңа экономикалық қысым жа­сауды көздейтін шешім. Бүгінгі таңда КХДР-мен сауда-экономикалық байланысы ең жоғары мемлекет – Қытай Халық Республикасы. КХДР экспортының 90 пайызы осы елге тиесілі. Сол экспорттың 40 пайыздайы кок­стық көмірге жатады. Қытайдың құ­рыш қорыту кәсіпорындары осы шикізатты пайдаланатын. Бірақ үстіміздегі жылдың сәуір айынан бері халықаралық санкцияларға қосылған Қытай КХДР көмірін алуын тоқтатты. Бұл − Пхеньян жыл сайынғы экс­портының 1 млрд долларынан айырыл­ды деген сөз. Алайда, бұл шара­лар да КХДР-ды тоқтата алған жоқ. Жо­ғарыда айтқанымыздай, ол соңғы бір айда баллистикалық зымырандарын екі рет сынақтан өткізді.

Енді БҰҰ Қауіпсіздік Кеңесінің кезекті отырысында КХДР-ға  қарсы санкцияларды күшейте түсу мәселесі қаралды. Оған БҰҰ ҚК тұрақты емес мүшесі болып табылатын Қазақстан өкілі де қатысып, кезекті санкцияларды қолдайтынын мәлімдеді. «КХДР-дың зымырандық және ядролық бағ­дар­ламаларының қаупі барлық мүд­де­лі тараптарға өзара қолайлы ше­шім­дерді келіссөздер процесі арқылы табу жолын тез арада және белсенді жүр­гізуге мәжбүр етеді. Қазақстан дипло­матиясы қалыптасқан жағдайдың проблемасынан күшпен емес, тек   үнқатысу арқылы шығуға болады деп санайды» делінген Қазақстан өкілінің мәлімдемесінде. 

Отырыс қорытындысы бойынша БҰҰ ҚК-нің Пхеньянға қатысты кезекті, 2371 нөмірлі қарары бір­ауыз­дан мақұлданды. Бұл құжат Солтүстік Корея­ның барлық экспортына тыйым са­луды көздейді. Сөйтіп, енді КХДР көмірге қоса өзінің темірін, темір рудаларын, қорғасын мен қорғасын рудаларын, теңіз өнімдерін де сыртқа шы­ғара алмайтын болды. Сонымен қа­тар, шектеу тізіміне КХДР-дың бұ­рын­­ғы санкцияларының бұзылуына қа­тысы бар делінген жеке адамдар мен заңды тұлғалар да енгізілді. 

Бұрын қолданылып көрмеген мұн­дай санкциялар КХДР-дың ядролық бағ­дарламасының іске асуына қар­жы­лық жағынан қысым тудырып, тоқ­тау салар деген үміт бар. Өйткені, бұл шара Солтүстік Кореяның сырттан енетін табысын үштен бірге азайта­ды. Бүкіл халқының тағдырын та­разыға салып отырған мұндай тығырықтан тек бейбіт келіссөз арқылы ғана шығуға болады.   

Жақсыбай САМРАТ,

«Егемен Қазақстан» 

СОҢҒЫ ЖАҢАЛЫҚТАР

20.07.2018

МҰЗ ҮСТІНДЕГІ ШОҚ ЖҰЛДЫЗ...(ДЕНИС ТЕНГЕ АРНАЛАДЫ)

20.07.2018

Қоғамдық даму вице-министрі тағайындалды

20.07.2018

Үкімет басшысы Бәсекеге қабілеттілік жөніндегі сараптама кеңесінің отырысын өткізді

20.07.2018

Шымбұлақта ІІІ Халықаралық тау және спорт фестивалі басталды

20.07.2018

Әлемдегі ең ауқатты командалар қайсы?

20.07.2018

Мектеп түлектері ауылдастарына ойын алаңын сыйға тартты

20.07.2018

Токио Олимпиадасының бағдарламасы бекітілді

20.07.2018

Астанада «Ұлы Дала рухы» фестивалі аясында іріктеу сындары жалғасады

20.07.2018

Елбасы Денис Теннің қазасын қатты күйзеліспен қабылдаған

20.07.2018

Семейде  «Күміс сиқыры» атты  көрме ашылды

20.07.2018

Бердібек Сапарбаев мәжіліс депутаттарымен кездесті

20.07.2018

Астанада қазақ күресінен Азия чемпионаты өтеді

20.07.2018

Елбасы Денис Теннің өліміне байланысты қылмысты бақылауда ұстауды тапсырды

20.07.2018

Шымкентте «Оңтүстік» арнайы экономикалық аймағын дамыту мәселелері талқыланды

20.07.2018

Денис Теннің өліміне қатысты екінші күдікті іздестіріліп жатыр

20.07.2018

Гомерден қалған мұра

20.07.2018

Көкшетауда көшпелі көрменің тұсаукесері өтті

20.07.2018

«Астана» – келесі кезеңде

20.07.2018

Астанада ертеңнен бастап жолақы 180 теңге болады

20.07.2018

Суға түскенде сақтық керек

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу