«Астана» сырт алаңда «Селтиктен» ірі есеппен ұтылды

Глазгодағы ірі ұтылыс немесе үміттің сөнгені ме?..
Егемен Қазақстан
18.08.2017 1725

Обалы нешік, елорданың футболшылары «Селтик Парк» стадионына жиылған 50 мыңнан астам көрерменнің есті шығарған қиқуына қарамастан, матчтың 30-минутына дейін алаң иелерімен терезесі тең ойнады. Тіпті, қақпаға қарай бағытталған доп саны жағы­нан да басымдық білінбеді. Бірақ, «Астананың» қауқары осыған ғана жеткен еді. Матчтың 32-минутында «Селтиктің» жартылай қорғаушысы Рогичтің оң қанат­тан тепкен добын кері қайта­рамын деген Евгений Постников өз қақпасына тура бағыттады. Міне, осыдан кейін-ақ «Астананың» қорғанысы көбесінен сөгілді де жүре берді.

Арада он минуттай уақыт өткен­де таяуда ғана елорда клубының қатарына қосылған легионер Ласло Кляйнхайслердің өрескел қателігін шебер пайдаланған Скотт Синклер қақпашы Мокинді қапы қалдырды. Сөйтіп, бірінші тайм біткенде таблодағы есеп 2:0 болып жанып тұрды...

Үзілістен кейін алаң иелері шабуылды үсті-үстіне үдете түсті. «Ас­тана» болса, абдырап қалған. Бей-берекет жүгіріс, ойыншылар арасындағы байланыстың нәзік жібі бырт-бырт үзілген. Мықты қар­сыластың мысы басса керек, біздің футболшылар аяқтарын матап тастағандай шарасыз күйге түсті де қалды...

Көп ұзамай Синклер өзінің осы ойындағы екінші голын соқты. Басқа болса осы есептің өзі­не тоқ­мейілсіп, босқа тер төк­пес те ме еді? Бірақ, «Селтик» жал­пақшешей клуб емес. Таб­лодағы есеп 3:0 болып тұрса да өршелене алға ұмтылды. Сон­­дағысы – қарымта матчта қар­­сылық көрсетуге қау­қары қал­масын деген қарекет қой!

Алаңда толығымен үстемдік құрған «Селтик» аясын ба, сол арынмен барып тағы да екі гол соқты. Бұл жолы кельттіктер сапынан Форрест (79) мергендігімен көз­ге түссе, матчтың 88-минутында Гриффитстің тепкен добы Игорь Шитовтің аяғына тиіп барып қақ­паға енді де, бесінші гол ретінде хаттамаға жазылды.

Қақпасына бес бірдей гол жібер­ген қақпашыда қандай қадір болсын. Салы суға кеткен Александр Мокиннен өткен мұңды адам жоқ еді бұл күні. Мүмкін, осыдан төрт жыл бұрын, осы «Селтик Паркте» қақпасына үш гол жібергені де есіне түсті ме екен, кім білсін? Ол кезде Мокин «Шахтердің» қақ­пасын қорғаған еді...

Несін айтасыз, «Селтикпен» ойында біздің футболшылардың бәсе­кеге қабілетті еместігі көзге шұқы­ғандай көрініп тұрды. Ста­нимир Стойлов «қырық үш күн кемдіктің» қыры мен сырын табуға тырысар-ақ. Бірақ, бәрі де кеш сияқты. Қарымта матчта кельт­тіктердің қақпасына бес немесе алты гол соғу дегеніңіз... ол бір қиял-ғажайыптың әңгімесі. Ал енді, ПСЖ-дан 0:4 болып жеңіліп, қарымта ойында 6:1 қылып жеңген «Барселонаның» былтырғы ерлігін қайталаса, онда «Астанаға» алтыннан ескерткіш тұрғызу керек шығар...

Қарымта матч тамыздың 22-сі күні «Астана Аренада» өтеді. Екі ойын қорытындысында жеңіске жеткен клуб УЕФА Чемпиондар лигасының топтық кезеңіне жолдама алса, жеңілген ұжым өз бағын Еуропа лигасында сынайтын болады.

16 тамыз. Глазго. «Селтик Парк» стадионы. 54016 көрермен.

Төреші – Овидиу Алин Хэцеган (Румыния).

 

«СЕЛТИК» – «АСТАНА» – 5:0 (2:0)

Евгений Постников, 32 – өз қақ­пасына (1:0). Скотт Синклер, 42 (2:0). Скотт Синклер, 60 (3:0). Джеймс Форрест, 79 (4:0). Игорь Шитов, 88 – өз қақпасына (5:0).

«Селтик»: Гордон, Тирни, Ши­мунович, Биттон, Лустиг, Нчам, Браун, Синклер, Рогич (Макгрегор, 63), Форрест (Армстронг, 82), Гриффитс.

«Астана»: Мокин, Шомко, Лог­виненко (Бейсебеков, 66), Пос­тников, Шитов, Маевский, Кляйн­хайслер, Мужиков (Граховац 82), Томасов (Мұртазаев, 77), Твумаси, Кабананга.

 

Қайрат ӘБІЛДА,

«Егемен Қазақстан»

СОҢҒЫ ЖАҢАЛЫҚТАР

16.07.2018

Астана перзентханасында тағы бір әйел қайтыс болды

16.07.2018

Үкіметте Қазақстанның Үшінші жаңғыруын жобалық басқару мәселелері жөнінде кеңес өтті

16.07.2018

Ұлы Дала Еліне саяхат: Алтайдан Жібек жолына дейін

16.07.2018

Атырауда жылжымайтын мүлік нарығында баға төмендеуі мүмкін

16.07.2018

Нұрсұлтан Назарбаев қоғам қайраткері Олжас Сүлейменовті қабылдады

16.07.2018

Жолдағы жемқорлықты болдырмау жолындағы шара

16.07.2018

Мемлекет басшысы Ұлттық банк төрағасы Данияр Ақышевті қабылдады

16.07.2018

Оқушылар Курчатов қаласындағы қасиетті жерлерді аралады

16.07.2018

ИДМ Техникалық реттеу және метрология комитетінің төрағасы тағайындалды

16.07.2018

Хантәңірі шыңына медиа экспедиция аттанды

16.07.2018

Оралда «Қазақстанның үздік тауары» республикалық байқауының өңірлік іріктеу көрмесі өтті

16.07.2018

Қостанай диқандары «Алқап күнін» өткізді

16.07.2018

Өскеменде «Ізгі жүрек» сыйлығы тапсырылды

16.07.2018

Павлодарда әнші Майраға ескерткіш орнатылды

16.07.2018

Актердің алып ескерткіші бой көтерді

16.07.2018

Асықтан өрілген арғымақ

16.07.2018

GGG белбеулері экспозицияға қойылды

16.07.2018

Айрықша аквасаябақ

16.07.2018

Жаһан жаңалықтары. Роналдудың жейдесі минут сайын сатылып жатыр

16.07.2018

Елдің атын шығарған Ержан балуан

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

Жолдыбай БАЗАР, «Егемен Қазақстан»

«Қарты бар ел – қазыналы ел»

Осыдан 4 жыл бұрын Еңбек және халықты әлеуметтік қорғау министрлігі елімізде 2030 жылға қарай егде жастағы адамдардың үлесі (2014 жылы – 6,9 пайыз) 11,2 пайызға жетеді деп болжам жасаған болатын. Алайда, бүгінгі жағдай жоғарыдағы көрсетілген жорамалды теріске шығарғандай. Өйткені Қазақстанда қазірдің өзінде жасы 60-тан асқан тұрғындар саны 12 пайызға көбейіп, өмір сүрудің орташа ұзақтығы 72 жасты көрсетіп отыр.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу