Бұл туралы ҚР СІМ баспасөз қызметінің басшысы Әнуар Жайнақов өзінің Facebook парақшасында жазды.
«Барселонадағы теракт салдарынан зардап шеккендердің арасында Қазақстан азаматтары жоқ. Бұл – алдын ала мәліметтер. Анықтау жұмыстары жалғастырылуда», – деп мәлімдеді Ә.Жайнақов.
Қазақстанның Барселонадағы Консулдығы жергілікті құқық қорғау органдарының өкілдерімен тығыз байланыста.
Сондай-ақ Қазақстан Президенті Испания Королі VI Фелипеге Барселона қаласында болған террорлық актіге байланысты көңіл айту жеделхатын жолдады.