Барселонадағы теракт: анықталған жайттар

Каталония билігі Барселонда болған теракт кесірінен 13 адамның мерт болғандығын растады, деп хабарлайды bbc.com.
Егемен Қазақстан
18.08.2017 2080
Сурет: bbc.com

Жүк көлігі туристер көп қатынайтын алаңдағы көше бойымен 530-дан астам метр қашықтықты жүріп өткен. "Ислам мемлекеті" террорлық тобы лаңкестік актіге жауапкершілікті өз мойнына алып отыр. Каталония басшысы Карлес Пучдемон 100 адамның зардап шеккендігін жеткізді. Құқық қорғау органының өкілдері бұл қайғылы оқиғаны теракт деп сипаттады. Ал биліктегілер зардап шеккендердің қатары әлі де артатынын айтты.

Қылмыстық әрекетті жасады деген күдікпен екі азамат ұсталды. Олар мароккалық және Милилья (Солтүстік Африканың испандық анклавы) тұрғындары. Бірақ ұсталғандар минивэннің жүргізушілері болмай шықты. Әзірге белгілі болғандай, қашып құтылған көлік жүргізушісіне іздеу салынды.

Ал жұмаға қараған түні испаниялық полиция тағы бір лаңкестік шабуылдың алдын алды. Барселонадан 100 шақырым жерде орналасқан Камбрильс қаласында 5 күдікті мерт болып, біреуі жарақат алды. Шабуылдаушылар 7 адамды жарақаттады.

Оқиға қалай болды?

Жергілікті уақыт бойынша 16:50-де (Астана уақыты бойынша 20:50) шабуыл жасалды. Жүк көлігі Каталония алаңы жақтан адам толы Рамбла бульварына шықты. Орталық бульвардың ұзындығы 1,2 км. Бұл алаң туристер арасында өзінің базар дүкендері мен шағын ресторандарымен танымал.

Минивэн адамдарды басып өтіп, 80 км/сағ жылдамдықпен 500 метрдей жол жүрді.

Құрбан болғандар мен жарақат алғандар

Қазіргі таңда 13 адам қаза тауып, жүзден астам адам жарақат алған, оның 15-і ауыр хәлде. Испаниялық ресми өкілдердің хабарлауынша, Барселонада өткен терактіде 18 елдің азаматы жарақат алып, соның ішінде көз жұмғандар да бар.

Олардың ішінде: Германия, Франция, Испания, Нидерланд, Аргентина, Венесуэла, Белгия, Аустралия, Венгрия, Перу, Румыния, Ирландия, Греция, Куба, Македония, Қытай, Италия және Алжир.

Кім бұл әрекетке барды?

Полиция екі күдіктіні ұстағанын хабарлаған болатын.

Басында полиция Магреби Дрисс Укабира есімді азаматты «фиаттың»  жүргізушісі ретінде іздеуге салды.

Кейін БАҚ көзінде ол азамат құжаттарын жоғалтып алғандығы жарияланды. Ұрланған құжат арқылы лаңкестер көлікті жалға алғандығы белгілі болды.

Екінші лаңкестік

Көшеде жүргізіліп жатқан полициялық әрекеттерге байланысты Каталония билігі Камбрильс қалашығының тұрғындарын көшеге шықпауын өтінді.

Шабуыл жасағандардың нақты саны белгісіз болып отыр. Испания прокуроры Хавьер Сарагоса мырзаның хабарлауынша, ұсталған күдіктілер террорлық актіге байланысты бұған дейін сотталмаған.

Билік қалай әрекет жасады?

Түрлі құрылымдардың полицейлері бірнеше ауданды қоршауға алып, әр үйді тінтіп шықты.

Метроның екі жолы жабылып, орталық станциялар құлыпталды.

Биліктегілер ұялы желілерге жүкті азайту мақсатында тұрғындарға ұялы телефон қолданбай, әлеуметтік желі арқылы байланысуларын сұрады. Сонымен қатар, полиция теракт болған орыннан фото, видео таратпауды өтінді.

Жауапкершілікті кім алды?

Билік болған оқиғаны теракт деп бағалады, ал «Ислам мемлекеті» экстремистік тобы шабуылға кінәні өз мойнына алды. Алайда сарапшылар ИМ-нің хабарламаларына күдікпен қарауға шақырды.

Жұрт қалай әрекет етті?

Шабуыл басталған кезде адамдар жақын маңда орналасқан дүкен, кафе мен офис орталықтарында жасырынатын жер іздеп жүгірді. Кейін оларды полиция өкілдері эвакуациялап, қауіпті аймақтан алып шықты.

Куәгерлердің айтуынша, бульварда әдеттегідей адам көп болды. Такси қызметі адамдарды орталықтан тегін алып кетіп жатты.

«Мен адамдардың бір мезетте шыңғырғанын естідім. Бұрылып қарасам, ақ минивэн кетіп бара жатыр екен. Басында мән бермедім. Кейін оның тым жылдам жүріп, жан-жаққа бұрылып кетіп бара жатқанын байқадым. Ол жол жиегінде жүрген адамдарды әдейі тапайын деген пиғылын сол кезде білдім», деді атын жасырын ұстауға сұраған америкалық турист.

Әлем не деді?

Әр мемлекетте орналасқан Испания елшіліктерінің алдына жергілікті тұрғындар гүл шоқтарын қойып, ал саясаткерлер көңілхаттарын жолдап жатыр. Испания үкіметі елде үш тәулік аза тұту күнін жариялады. Париждегі Эйфел мұнарасы да Барселонадағы теракт құрбандарына тағзым етіп, жарығын өшірді.

Дайындаған 

Айгүл ШЕРНИЯЗ, 
«Егемен Қазақстан»

СОҢҒЫ ЖАҢАЛЫҚТАР

16.07.2018

Астана перзентханасында тағы бір әйел қайтыс болды

16.07.2018

Үкіметте Қазақстанның Үшінші жаңғыруын жобалық басқару мәселелері жөнінде кеңес өтті

16.07.2018

Ұлы Дала Еліне саяхат: Алтайдан Жібек жолына дейін

16.07.2018

Атырауда жылжымайтын мүлік нарығында баға төмендеуі мүмкін

16.07.2018

Нұрсұлтан Назарбаев қоғам қайраткері Олжас Сүлейменовті қабылдады

16.07.2018

Жолдағы жемқорлықты болдырмау жолындағы шара

16.07.2018

Мемлекет басшысы Ұлттық банк төрағасы Данияр Ақышевті қабылдады

16.07.2018

Оқушылар Курчатов қаласындағы қасиетті жерлерді аралады

16.07.2018

ИДМ Техникалық реттеу және метрология комитетінің төрағасы тағайындалды

16.07.2018

Хантәңірі шыңына медиа экспедиция аттанды

16.07.2018

Оралда «Қазақстанның үздік тауары» республикалық байқауының өңірлік іріктеу көрмесі өтті

16.07.2018

Қостанай диқандары «Алқап күнін» өткізді

16.07.2018

Өскеменде «Ізгі жүрек» сыйлығы тапсырылды

16.07.2018

Павлодарда әнші Майраға ескерткіш орнатылды

16.07.2018

Актердің алып ескерткіші бой көтерді

16.07.2018

Асықтан өрілген арғымақ

16.07.2018

GGG белбеулері экспозицияға қойылды

16.07.2018

Айрықша аквасаябақ

16.07.2018

Жаһан жаңалықтары. Роналдудың жейдесі минут сайын сатылып жатыр

16.07.2018

Елдің атын шығарған Ержан балуан

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

Жолдыбай БАЗАР, «Егемен Қазақстан»

«Қарты бар ел – қазыналы ел»

Осыдан 4 жыл бұрын Еңбек және халықты әлеуметтік қорғау министрлігі елімізде 2030 жылға қарай егде жастағы адамдардың үлесі (2014 жылы – 6,9 пайыз) 11,2 пайызға жетеді деп болжам жасаған болатын. Алайда, бүгінгі жағдай жоғарыдағы көрсетілген жорамалды теріске шығарғандай. Өйткені Қазақстанда қазірдің өзінде жасы 60-тан асқан тұрғындар саны 12 пайызға көбейіп, өмір сүрудің орташа ұзақтығы 72 жасты көрсетіп отыр.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу