Шара барысында әлеуметтік желі қолданушылары экологиялық идеяларды арнайы хэштегтермен бөліседі. Малайзияда бұл науқан басталған екен. 20 миллионнан астам адам #MyButterflyEffect, #Wattif хэштегтерімен жазба жариялап үлгерген.
1963 жылы Едвард Лоренз «Көбелек әсері» принципін ашыпты. Оның айтуынша, жер шарының бір бұрышында ұшып жүрген кішкентай көбелектің қанат қағысынан пайда болған жел әлемнің екінші бұрышындағы мұхит толқынына себеп болады. Яғни кішкентай көбелектің болмашы қанат қағысы үлкен нәтижеге жетелейді. Жоғарыдағы акция да бүкіл әлемге «жасыл» даму туралы идеяны насихаттау үшін «көбелек әсерін» тудыруға бағытталған.
Шараның салтанатты жағдайдағы ашылуына Малайзияның Селангор штатының мұрагер ханзадасы Тенгку Әмір Шах Ибн Сұлтан Идрис Шах арнайы келді. «Бұл апталық таза энергия өндірісіне жаңа қарқын береді, Қазақстан мен Малайзия жастары жасыл экономика идеясынан шабыт алып, «көбелектің әсерін» арттырады. Біздің науқан болашақтың энергиясы мен климаттың өзгеруі туралы маңызды тақырыпты көтеріп отыр және жастарға әлеуметтік желіде үн қатуға мүмкіндік беруде. Апта бойы әлеуметтік желіде «жасыл энергия» туралы жазбалардың көбеюіне атсалысамыз», еді ол.
Жиында қазақстандық «MOST» жас кәсіпкерлердің бизнес-инкубаторы мен «Future Innovation Council» малайзиялық үкіметтік емес ұйымдар желісі арасында өзара түсіністік туралы меморандумға қол қойылды. Құжатқа сәйкес, екі ұйым инновациялар мен өнімділікті арттыру бойынша бастамалар саласында бірге жұмыс істейтін болады. Сондай-ақ, «MOST» бизнес-инкубаторы малайзиялық «Techstars» жаңа стартап-инкубаторымен келісімге келді.
