Байқаудың өте тартысты өткеніне қарамастан, 10 елден қатысқан 280-ге жуық мың бұралған бишілер арасынан 5 жүлдені олжалап, бұған қоса күзде Сочи қаласында өтетін халықаралық бишілер форумына шақырту алды.
– Бізден үш жұп тамаша өнер көрсетіп, қазылар алқасынан ең жоғары баға алды. Көрермендер де ерекше қошемет көрсетті . «Жаса, Қазақстан!» деп уралағанда төбеміз көкке жеткендей болды, – дейді ансамбльдің көркемдік жетекшісі Ольга Ростовщикова көңіл толқынысын жасыра алмай.
Оның тәрбиеленушілері еуропалық, латынамерикалық, қазіргі хореография аталымдары бойынша сынға түсіп, Вена вальсі, испан биін, тангоны нақышына келтіре орындап берген. Ал «Театр өнері» аталымы бойынша алғаш қатысып отырғандарына қарамастан жүлделі орынға қол жеткізген.
Иә, құлағы нашар еститін солтүстікқазақстандық ұл-қыздар ым арқылы би қимылын жан-жақты меңгеріп, әуенге лайықты қойылымдарды жоғары деңгейде ұсыну арқылы «Розы Обзора» халықаралық фестивалінен ең жоғары марапат – Гран-примен оралуы ерекше талантты екендіктерін айғақтаса керек.
Өмір ЕСҚАЛИ,
«Егемен Қазақстан»
Солтүстік Қазақстан облысы
