Аймақтар • 23 Тамыз, 2017

Сарайшықтағы қазба жұмысы барысында алғашқы жәдігерлер табылды

227 рет
көрсетілді
1 мин
оқу үшін

Атырау облысының Махамбет ауданы Сарайшық ауылындағы көне қала орнында қазба жұмыстарын жүргізу барысында алғашқы жәдігерлер табылды, деп хабарлайды ҚазАқпарат

Сарайшықтағы қазба жұмысы барысында алғашқы жәдігерлер табылды

«Біз жылытуға арналған жақсы сақталған пеші бар үйлердің бірін қазуды бастадық. Алғашқы қолға түскен заттар да бар. Ол – 18 ғасырдағы тиындар, оның ішінде күміс, бойтұмар, сүйек пен қыштан жасалған бұйымдар бар», – деді Атырау тарихи-аймақтық музейінің директоры Рашид Харипов.

Еске сала кетейік, Ұлы Жібек жолының бойында орналасқан Сарайшық қаласы «Қазақстанның киелі жерлерінің географиясы» нысандарының тізіміне енген. «Рухани жаңғыру» бағдарламасын жүзеге асыру барысында мұражай биыл қаланы қазу жұмыстарына кірісті. Соңғы рет бұл жерде жұмыстар 10 жыл бұрын жүргізілген. Археологтар қыркүйектің соңына дейін жұмыс жасайды. Сарайшық қаласын зерттеу бағдарламасы келесі жылы да жалғасады.

Соңғы жаңалықтар