Кеше Орталық Африка Республикасы ұлт­тық күнін мерекеледі (ЭКСПО жаңалықтары)

ЭКСПО-2017 халық­ара­лық мамандан­дырылған көр­месі аясында Орталық Африка Республикасы ұлт­тық күнін мерекеледі. Шара барысында елдің Сау­да және индустрия ми­ни­стрлігінің бас сауда инспекторы Джоахим Коя­газомо сөз сөйледі. Ол қа­зіргі кезде мемлекет бала­малы энергетиканы дамы­ту саласында белсенді жұмыс жүргізіп жатқанын әңгімеледі. Онда жақын арада үлкен күн батареялар паркі салынады екен.
Егемен Қазақстан
25.08.2017 1510
2

Джоахим Коягазомо эко­жүйені сақтау үшін жаңғыр­ма­лы энергия көздерін енгізу мен да­мы­тудың маңыздылығына тоқ­талды. «Орталық Африка Рес­публикасы экожүйені қор­ғап, оны дұрыс басқаруды көз­дейді. Мемлекетіміз 5,4 млн гек­тар экваторлық ылғалды қалың орманға ие, оның 3,5 миллион гектары арнайы бақы­ла­нады. Жаңғырмалы энергия көздерін енгізу еліміздің дамуы мен ормандарды сақтауға қа­жетті. Тұрақты прогресс ірі қалалар жанындағы орманды аудандардың қысқаруына әкелді. ЭКСПО-2017 көрмесі жасыл энергетика саласында тәжірибе алмасуға мүмкіндік берді», деді ол.

Жиынның ресми бөлімінде Қазақстан тарапынан Білім және ғылым министрлігінің жауапты хатшысы Арын Өрсариев ЭКСПО-2017 көрмесіне қа­тысушы мемлекеттердің жоба­лары мен жетістіктері Қазақ­стан үшін пайдалы әрі әлемдік эко­номиканың дамуына және қор­шаған ортаны сақтауға ық­пал ететіндігіне сенім біл­дірді. «Бо­лашақ энергиясы» та­қы­ры­бындағы көрме энер­ге­тикалық ресурстардың жойылуы және қоршаған ортаның ластануы мәселелерін шешуді мақсат еткен халықаралық қауымдастық үшін маңызды. 2013 жылы Қазақстан жасыл экономикаға көшу тұжы­рым­дамасын қабылдады. Жыл сай­ын ІЖӨ-нің 2 пайызы кө­ле­міндегі қаражатты «жасыл жаңартуды» инвестициялауға ниеттіміз», деді министрлік өкілі. Ол өз сөзінде еліміздің Орталық Африка Республикасымен мақ­сат­ты экономикалық ынты­мақ­тастықты дамытуға мүдделі екендігін атап өтті.

«Болашақтың энергиясын» қолдайды

Біріккен Ұлттар Ұйымы қор­шаған ортаны қорғау кү­­ні­не орай «Бола­шақ­ты таза энер­гиямен қам­та­­масыз ету­дің мүм­кін­дік­­тері мен ше­шім­дері» та­­қырыбында жи­ын өт­кіз­ді. ЭКСПО-2017 ха­лық­­аралық көрмесіндегі Шве­й­цария павильонын­да ұй­ымдастырылған бас­қо­су­­да әлемдегі алғашқы күн энер­­гиясынан қуат алатын «Solar Impulse» ұшағының бі­рінші ұшқышы Бертран Пикар сөз сөйледі. Ол өз жетістігімен, ұшақтың ар­тық­­шылығымен бөлісті. Қа­­зіргі таңда 20 мың метрлік би­­іктікті бағындырған «тоқ­­тамайтын» ұшақпен қа­лаған жеріңізге аялдау­сыз баруға болады. бұл тех­ника күн энергиясынан қу­ат алып, күндіз-түні ұша бе­реді екен. 

«Мен бұл жолды 2002 жылы бастадым, жетістікке жетуіме 12 жыл уақытым кетті. Осы уақы­тым­ды қажырлы команда, қай­та­рымсыз қаржы, тоқтаусыз мүм­­кіндік үшін ғана жұмсадым. Нә­­тижесінде әлемге жаңа мүм­кін­дік сыйладық. Соған рухымыз жеткеніне қуанамын. Шын мәнісінде біз барлығын нөлден бас­таған едік», деген Бертран Пи­кар алғашқы сапары Әбу-Да­бидан басталғанын, енді дүние жү­зін тағы бір аралап шығуды мақсат ететіндігін айтты.

Осы жиында БҰҰ Қоршаған орта жөніндегі бағдарлама жетек­ші­сі Эрик Солхейм Қазақстанның «Бола­шақтың энергиясы» жобасын қолдауға дайын екендіктерін мәлімдеді. «Қазіргі уақытта Қазақстанның энергетикалық әлеуетін көтеріп отырған – көмір. Өкінішке қарай, оның қоршаған ортаға, денсаулыққа, ауаға келтіретін шығыны мен зияны көп. Соның салдарынан көмірден түс­кен қаржы өзін ақтамайды. Бұл мәселені шешудің бір жолы осы­дан екі жыл бұрын ойлап та­былған. Мысалы, Данияда энергия 100 пайыз жел генераторлары арқылы алынады. Сонымен бір­ге, қытайлар да жаңғырмалы энер­гия көздерін пайдаланады. Сол секілді, Қазақстанның да бұл салада мүмкіндіктері үлкен. Сондықтан біз осында келіп, Қазақ елінің «Болашақтың энергиясы» жобасын қолдауға дайын еке­німізді жеткіздік», деді Эрик Солхейм.

Оның айтуынша, ешкім өзі­нен бастамаса, экономика да, әлеуметтік мәселе де ешқа­шан өздігінен өзгермейді. Ал әлде­нені өзгерту қай кезде де оңай болмайды. Әсіресе, энергия мен экологиялық мәселеде өз­ге­лердің көзқарасын өзгерту қи­­ын. «Көмір шахталарында қыз­­мет ететін кеншілерге бұл мә­­се­лені түсіндірудің өзі оңай емес. Дегенмен, бұл мәселені те­зі­рек шешу экономикаға да, эко­логияға да оң әсерін тигізеді. Мен Малайзияда болғанымда, онда да дәл қазіргі Қазақ­стан­да­ғы­дай жағдай орын алып отыр­ғанын көрдім. Біз көптеген көмір өндіруші ком­паниялардың өкілдерімен кез­дестік. Олардың өзі қазіргі кез­де көзқарастарын өз­­ге­рте бас­таған, таза энергияға бет бұр­ғылары келеді», деген БҰҰ өкілі қор­шаған ортаны қор­ғау мәселесінде елі­міздің Арал, Кас­­пий теңіздері аумақ­тарында да ойланарлық проблемалар бар еке­нін айтты.

«Нұр әлемнің» миллионыншы  мейманы 

ЭКСПО-2017 халық­ара­­лық көрмесі қала­шы­­ғының қақ орта­сын­дағы Қазақ­стан­­ның «Нұр Әлем» пави­ль­о­ны­на келген миллионыншы қо­нақ тіркелді. Бұл ны­­­сан көрме басталғалы бе­­рі көрермен ең көп баратын павильондардың көшін бас­­тап тұр. Алып сфера күн сай­ын 10 мың­нан 28 мыңға дей­ін адам қабылдайды. Көр­­ме кезінде, яғни жаз ай­­ларында онда елуге тар­та мем­лекет және үкі­мет басшылары барды.

Қазақстанның ұлттық павильоны – «Нұр әлем» – ЭКСПО-2017 көр­ме­сінің сәу­лет­тік символы. Әлемдегі ең үл­кен сфе­ралық нысанның диа­метрі – 80 метр, ал биік­ті­гі 100 метрге тең. Құ­рылымның қас­бетінде күн энергиясын электр қуатына түр­лендіретін фо­товольтаикалық эле­мент­тер­дің бірігуі ойлас­ты­рыл­ған. Сонымен қатар, сфе­ра­ның жоғарғы жағында 2 жел генераторы орнатылған.

Ханзададан сыйлық алған қыз

ЭКСПО-2017 халықаралық көр­месіндегі Малайзия па­ви­льонының 450 мыңыншы қона­ғы анықталды. Ол – алты жас­тағы Элвира Маратова. Әже­сімен бірге Астанадағы көр­меге келген жет­кіншек мем­ле­кеттің мұрагер хан­задасы Тенгку Амир Шахтың қо­лынан бағалы сыйлық алды.

«Мен Малайзия павильонына бірінші рет келдім. Өз дос­тарымнан осы павильон көңіл­ді әрі қызықты екенін естіп, әжем­ді осында келуге көндірдім. Бі­рақ, мен бұл жерден Малайзия хан­задасын кездестіремін және оның қолынан сыйлық аламын деп ойлаған жоқпын. Сондықтан, Малайзия павильонына барудың өзі мен үшін керемет болды», деді Элвира қуанышын жасыра алмай.

Малайзия павильонының жас­­тарға арналған апта­лы­ғына ар­найы келген ханзада Тенгку Амир Шах павильон ұжымына нә­тижелі жұмыстары үшін ал­ғысын айтты.

Әлемдегі ең жүйрік көлік елордада

ЭКСПО-2017 халықаралық көрмесіндегі Ұлыбритания павильонына әлемдегі ең жүй­рік автокөліктің нобайы жеткізілді. Ерекше техниканы құрастырған «Bloodhound SSC» компаниясының өкілі Джесвандт Сингх Санди машинаның үш қозғалтқыштан тұ­­ра­тынын айтты. Олар – зы­мы­ран­дық, ұшақтық турбо-қоз­ғал­тқыш және әдеттегі ав­то­мобильдік. 

«Зымырандық қозғалтқыш шаш бояу үшін қолданылатын тотыққан қышқылдармен жұ­мыс істейді. Те­же­гішті басқанда ма­ши­нан­ың аэро­­мо­би­льдік ерек­шеліктері секундына 70 ми­льде тоқтауға мүмкіндік береді. Содан кей­ін автомобиль қалыпты режімге ауы­сады», деген ол көліктің сағатына 200 ми­ль жылдамдықпен жүре алатынын жет­кізді.

«Біздің команда сағатына 1000 миль жыл­дам­дықтағы рекор­дты бұзғысы келеді. Бұл жо­баны өткен жылы іске қостық, қазірдің өзінде жылдамдықты 200 миль/сағаттан асырдық. Қазан айында Оңтүстік Африка Рес­­публикасына аппаратты тес­тілеуге барамыз және он­да кө­лікті 800 миль/сағат жыл­дам­дық­пен айдап көргіміз келеді. Бір жылдан кейін 1000 миль/сағат рекордын өзгертуге тырысамыз», деді Д.Санди.

Автокөлік бензинмен жүреді екен. «Бізден баламалы энергия­мен жүретін машина құ­рас­­тыр­дыңыздар ма деп жиі сұрай­ды. Ал бұл жобаның басты мақсаты – білім беру. Біз барша әлем­дегі жас ұрпақтың назарын ғы­­лымға, инженерияға, жаңа тех­нологияларға аударғымыз ке­леді», деді компания өкілі.

Топтаманы әзірлеген

Асхат РАЙҚҰЛ,
«Егемен Қазақстан»

Суреттерді түсірген

Орынбай Балмұрат,
«Егемен Қазақстан»

СОҢҒЫ ЖАҢАЛЫҚТАР

24.01.2019

«Жетісу» мемлекеттік қызмет мектебінде сабақ басталды

24.01.2019

Қызылордада кәсіпкерге артық салық салынған

24.01.2019

Евгений Егембердиевтің Грозныйдағы турнирдегі қарсыласы анықталды

24.01.2019

Білім гранты - жарқын болашақ кепілі

24.01.2019

Нью-Йорк Таймс: Тұйықсу мұздығы түгесіліп барады

24.01.2019

Абылайхан Қайроллаев: Жастар жылында іргелі міндеттер белгілеп отырмыз

24.01.2019

Бақыт Сұлтанов «Қамқор» әлеуметтік қызмет көрсету орталығында болды

24.01.2019

Надежда Ногайға «допинг қолданды» деген айып тағылды

24.01.2019

Дзюдодан еліміздің әйелдер құрамасы Токиода жаттығып жүр

24.01.2019

Арайлым ЕСІМБЕКҚЫЗЫ: Флеш-моб, форумдарды азайтып, нақты жұмыстарды қолға аламыз

24.01.2019

Швецияда допты хоккейден әлем чемпионаты басталады

24.01.2019

Алматы облысының полицейлері телефон «лаңкесін» анықтады

24.01.2019

Жастарды қолдау – болашақты бағамдау

24.01.2019

Маңғыстауда онкологиялық аурулар салдарынан көз жұмғандар саны азайған

24.01.2019

Атыраудағы мигранттар неге заңды менсінбейді?

24.01.2019

Боинг компаниясы алғашқы әуе таксиін таныстырды

24.01.2019

Маңғыстауда «Protecting Business and investments» жобасы аясында кәсіпкерлерден 29 өтініш түскен

24.01.2019

Алматы облысында Нұрғиса Тілендиев ауылында ІТ сынып ашылды

24.01.2019

Саран қаласында жаңа күн электр стансасы іске қосылды

24.01.2019

Қостанайда ауыр атлетикадан жасөспірімдер арасындағы чемпионат басталды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу