Назарбаевтың төрағалығымен Жаңғырту жөніндегі ұлттық комиссия жұмысының мәселелеріне арналған кеңес өтті

Қазақстан Президентінің төрағалығымен Жаңғырту жөніндегі ұлттық комиссия жұмысының мәселелеріне арналған кеңес өтті. Бұл туралы akorda.kz хабарлады.

Егемен Қазақстан
25.08.2017 1084

Кеңеске Премьер-Министр Б.Сағынтаев, Мәжіліс төрағасы Н.Нығматулин, Президент Әкімшілігінің Басшысы Ә.Жақсыбеков, Үкімет мүшелері, орталық мемлекеттік органдар мен ұлттық компаниялар жетекшілері қатысты.

Кеңес барысында Мемлекеттік қызмет істері және сыбайлас жемқорлыққа қарсы іс-қимыл агенттігінің төрағасы Қ.Қожамжаров, Президент Әкімшілігі Басшысының орынбасары Т.Донақов, Ұлттық экономика министрі Т.Сүлейменов, Президент Әкімшілігі Басшысының бірінші орынбасары М.Тәжин, Сенат төрағасының орынбасары Б.Бекназаров баяндама жасады.

Мемлекет басшысы жұмыс тобы жетекшілерінің есептерін тыңдап, Бес институционалдық реформаның жекелеген бағыттарының іске асырылу барысына тоқталды.

– Бірінші реформаға тоқталайық. «Б» корпусының басшылықтағы қызметкерлерін аттестациялау қорытындысында көптеген министрлік пен әкімдіктерде жұмыс істейтіндердің стратегиялық және бағдарламалық құжаттарды білу деңгейі төмен екені анықталды. Ең алдымен, бұл ауыл шаруашылығы, денсаулық сақтау, білім және ғылым министрліктеріне, сондай-ақ барлық әкімдіктерге қатысты болып отыр. Мемлекеттік қызметкерлердің қызмет бабында өсу жағдайы жақсарды. Сонымен бірге, бірқатар мемлекеттік органдарда «командалық ауыс-түйіске» байланысты басшылық құрамның ауысу деңгейі жоғары екені байқалады, – деді Елбасы.

Нұрсұлтан Назарбаев «өз еркімен» босаған лауазымдарға түрлі кезеңде басшылармен бірге жұмыс істеген адамдар тағайындалып жатқанын айтты, сондай-ақ бұл мәселелерді ретке келтіру жөнінде қосымша шаралар қабылдауды тапсырды.

– Заңдылық пен құқықтық тәртіптің бұзылуы туралы халықтың Президент Әкімшілігіне арыз-шағымы азаймай тұр. Сотқа дейінгі сатыда нақты жарыспалылық жоқ. Қорғаушылар мен құқық қорғау органдары қызметкерлерінің біліктілігі жеткіліксіз. Айқын әрі болмашы бұзушылықтар жөніндегі рәсімдерді мейлінше жеңілдету қажет. Адамдар қарапайым істер бойынша шешімді айлап күтпеуі керек. Сот және құқық қорғау органдарының шешімдері жинақы әрі адамдарға түсінікті болуға тиіс, – деді Қазақстан Президенті.

Сондай-ақ, Мемлекет басшысы жергілікті полиция қызметіне тоқталып, шұғыл жағдайларда оларды басқарудың және әрекет ету жеделдігінің төмендемеуіне жол бермеу қажеттігіне тоқталды.

– Жергілікті полиция ішкі істер органдарының біртұтас жүйесінде болған және солай болып қала береді. Алайда, әкім полиция алдына жергілікті маңызы бар құқықтық тәртіпті қамтамасыз ету және құқық бұзушылықтың алдын алу жөнінде міндеттер қоюға құқылы, – деді Елбасы.

Нұрсұлтан Назарбаев Бес институционалдық реформаның үшінші бағытына қатысты 50 қадамның 13-і іске асырылғанын, ал қалғаны бойынша жұмыстардың жүргізіліп жатқанын атап өтті.

Сонымен бірге, Қазақстан Президенті жаңа Салық кодексі жобасынан тиімсіз жеңілдіктер мен артықшылықтарды алып тастау қажеттігін тағы да ескертіп, бұл мәселе жөнінде ауқымды түсіндіру жұмыстарын жүргізуді тапсырды.

Бұдан бөлек, Мемлекет басшысы өңірлік электр жүйелері компанияларын ірілендіру жөніндегі заңды орындаудың маңызды екеніне назар аударды. Оның нәтижесінде тұтынушылар үшін электр энергиясының бағасы төмендеуге тиіс.

– Экспорттық тауарлар жасау және әлемдік нарыққа шығу үшін қайта өңдеу секторына кемінде 10 трансұлттық компанияны тарту міндеті қойылған болатын. Былтыр «Тенарис», «ЭФКО» және «Кока-кола» компаниялары іске асырған 3 бірлескен жоба ғана іске қосылды. Бұл ретте, кока-кола шығаратын компания елімізде өткен ғасырдан бастап жұмыс істеуде, – деді Елбасы.

Нұрсұлтан Назарбаев «ірі инвесторлардың» қатысуымен экономиканың басым секторларындағы жобаларды іске асыру тұрғысынан соңғы 2 жылда айтарлықтай ілгерілеушілік болмағанын айтты.

– Бұл жөнінде жыл сайын айтып келеміз. Әлі күнге дейін стратегиялық инвестормен бірге осы салада бірде-бір жоба іске асырылған жоқ. Арнайы «Kazakh Invest» ұлттық компаниясын құрдық. Оған айрықша мәртебе беріп, барлық өңірде өкілдіктерін аштық. Жарты жыл өтті, нәтижесі қайда? – деді Қазақстан Президенті. Сондай-ақ, Премьер-Министрге инвесторлар тарту жөніндегі жұмыстарға жауапкершілік белгілеу жүктелді.

Сонымен қатар, Қазақстан Президенті «Астана» халықаралық қаржы орталығы мен оның институттарының бұдан арғы жұмыс жоспары мен перспективаларына тоқталды.

Мемлекет басшысы Үкімет қабылдаған шараларға қарамастан, жер қойнауын пайдалану секторында орын алып отырған сыбайлас жемқорлық мәселелеріне тоқталып, бұл саладағы заңнаманы қайта қарастыруды тапсырды.

Соңында Нұрсұлтан Назарбаев Ұлт жоспарын одан әрі іске асыру үшін биліктің барлық тармағының алдында тұрған ауқымды жұмыс көлемін айқындап берді.

– Конституциялық реформа аясында Үкіметтің Парламент пен оның палаталары алдындағы есептілігі мен бақылануы күшейтілді. Кез келген басшы жауапкершілікті басқаға аудармай, мәселені өз деңгейінде жедел әрі біліктілікпен шешуге тиіс. Ағымдағы мәселелерді Президенттің деңгейіне шығарудың қажеті жоқ, – деді Елбасы.

СОҢҒЫ ЖАҢАЛЫҚТАР

23.06.2018

Ұлттық бірыңғай тестілеудің Қазақстан бойынша орта көрсеткіші - 83 балл

23.06.2018

Серік Түсіповтың отбасы әрдайым назарымызда - семейлік құқық қорғаушылар

23.06.2018

Семейде үйін су шайып кеткен отбасылар баспаналы болды

23.06.2018

Ақтөбеде тұңғыш рет пантеон орталығы бой көтерді

23.06.2018

Семейде қала әкімі полиция қызметкерлерін кәсіби мерекелерімен құттықтады

23.06.2018

Бүгін - Мемлекеттік қызметші күні

23.06.2018

Қызылжарда Мағжан Жұмабаевқа ескерткіш орнатылды

23.06.2018

Семейде суға кеткен Бобровка тұрғындарының үйлері жөнделіп жатыр

23.06.2018

Дипломаттар халықаралық күн тәртібінің өзекті мәселелерін талқылады

22.06.2018

«Нұр Отан» Маңғыстау облыстық филиалы мемлекеттік және полиция қызметкерлерін марапаттады

22.06.2018

Қазақстан мен Ресейдің парламентаралық ынтымақтастығы нығая түспек

22.06.2018

Қазақстанның Ауыр атлетика федерациясы 2020 жылы Азия чемпионатын өткізуге ниет білдіргенін растады

22.06.2018

Маңғыстау облысында «Нұрлы жер» және «Қолжетімді баспана» бойынша отырыс өтті

22.06.2018

Астанада медиабілімнің даму мәселелері талқыланды 

22.06.2018

Солтүстік Қазақстанда бұршақ жаууы мүмкін

22.06.2018

Астана қаласы маңындағы орман көлемі 100 мың га дейін кеңейтіледі

22.06.2018

«Ақтау Теңіз Порты» АЭА мен DP World инвестициялық жобаларды жүзеге асырмақ

22.06.2018

Қызылорда облысында «Жасыл» технологияларды енгізу бойынша меморандумға қол қойылды

22.06.2018

Сыртқы істер министрлігінде Қазақстанның Польшадағы Елшісінің брифингі өтті

22.06.2018

Кіші Аралда желкенді кемелер жүзе бастады

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Бас ауырып, балтыр сыздағанда...

Халықты әлеуметтік тұрғыда қолдау ісі мемлекеттік саясаттың басым бағыттарының бірі екені дау тудырмайды. Дегенмен қолға алынған әлеуметтік шаралардың ойдағыдай жүзеге асуына кейбір келеңсіз жағдаяттардың кедергі келтіріп, тұрғындардың көңіл-күйіне кері әсерін тигізіп жататыны жасырын емес.

Александр ТАСБОЛАТОВ, «Егемен Қазақстан»

Ақты ақ, қараны қара деген ұтады -Александр ТАСБОЛАТ

Сотқа жүгінбейтін адам жоқ. Бірақ солардың дені «Мен сүттен ақ, судан тазамын» дейді. Яғни «Мен кінәлімін, мен ұры­мын, мен парақормын» деп ешкім айта қоймайды. Және тараптардың қай-қай­сының да сотта келтірген уәждері сенім­ді көрі­неді. 

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

Жұмабай ШАШТАЙҰЛЫ, «Егемен Қазақстан»

Әр қазаққа қажет ұстаным

Қазіргі өмір барысына ой жіберіп қараған кезде ақыл-ойымыздың тереңдігіне малданып, сезімтал аңғарғыштығымызды артықшылыққа балайтын жөніміз бар ма? Аға ұрпақ санатына қосылған ендігінің ақсақалы біздер қазақ сөзіне әкелген жаңалығымыз, яғни бейнелі тіркес­теріміз кәне дегенге кесімді жауап беру қиын-ау. Ұлғайыңқы тартқан осынау шағымызда қазақ қарияларының сөз саптау мәдениетін жиі-жиі еске алып, жадыда жаңғыртуға тырысатын дертке шалдықтық. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу