Кеше Мексика ұлттық күнін атап өтті (ЭКСПО жаңалықтары)

ЭКСПО-2017 халық­ара­лық көрмесі қала­шы­ғында Мексика Құ­ра­ма Штат­та­рының ұлт­тық күні өтті. Ме­ре­кеде сахна төріне сом­бреро киіп шыққан ги­та­рашылар мен мариачи стиліндегі музыкант­тар төл өнерлерін көрсет­ті. Сонымен қатар қазақ­стан­дық қобызшы Ақерке Тәжібае­ва мен «Preciado Ballet» би тобы­ның орын­дау­ларын­да­ғы туындылар көрермен көңілінен шықты. Концерттік бағдарламадан кейін екі елдің делегация­лары Латын Америкасы плазасына мерекелік шеру­мен барып, Мексика пави­льо­нын аралады. 

 

Егемен Қазақстан
29.08.2017 1054
2

Соңғы он жыл ішінде жылдам қарқынмен өскен Мек­сиканың энергетикалық сек­торы едәуір инвестициялар тартқан. Өткен жылы Мек­си­када өндірілген электр энер­гиясының 18 пайызы жаң­ғырмалы энергия кө­з­де­рі­нен өндірілген және ел мұ­­ны­мен тоқтамақ емес. Мем­ле­кет­тің сыртқы істер мини­стрі­­­нің орынбасары Де Икаса Гон­залез Карлостың айтуынша, Мексика ШЫҰ, ЕАЭО, ЭЫДҰ, ДСҰ сияқты өңірлік жә­­не халықаралық ұйымдарда Қазақстанның өсіп келе жат­қан беделін қолдайды. «Бола­шақтың энергиясы» тақы­ры­бы елде ЖЭК жобаларын ілгерілету, сондай-ақ, осы сек­торға инвестициялар тарту бой­ынша жүргізіліп жатқан сая­сат­пен тығыз байланысты», деген ол бұдан бөлек, Мексика энергетика реформасын өзгерту процесін жүзеге асырғанын мә­лімдеді.

«Біздің үкіметіміз энергетика реформасын өзгертудің өте маңызды процесін алға шыға­рып, жүзеге асырды десек, ар­тық айтқандық емес. Өзгеріс же­ке инвестициялар, жаңа техно­ло­гиялар мен халықаралық бәсе­ке­лестікке сектор ашу үшін конс­титуциялық негіздерді жа­ңартуға бағытталған. Мек­сика энергетикалық сек­то­ры­ның ашылуы шетелдік инвес­тор­лар­дың газ және мұнай жобаларына ғана емес, сонымен қатар ЖЭК жобаларына да назарын аударуға мүмкіндік берді», деді Де Икаса Гонзалез Карлос.

Ұлттық күннің ресми бө­лі­мінде Қазақстан тарапы­нан сөз сөйлеген Сыртқы істер министрінің орынбасары Ержан Ашықбаев Мексика сияқ­ты Латын Америкасы ел­де­рінің жаңғырмалы энергия көз­­дері саласындағы сая­саты мен жетістіктері басқа энер­ге­ти­ка нарықтары үшін өте құн­ды тәжірибе екенін жеткізді. «2004 жылдан бастап Латын Америкасының осы өңі­рінде жаңартылатын энергия көздеріне инвестициялар 11 есе өскен. Мемлекеттің жаңғырмалы энергия көздері саласындағы сая­саты мен жетістіктері басқа энер­гетика нарықтары үшін өте құн­ды тәжірибе болып табылады. ЭКСПО-2017 көрмесінде осы ба­ғыт­тағы тәжірибені көрсету оны қажет ететін елдер үшін аса маңызды», деді министрдің орын­басары.

«Қытайдың мейірімді жүрегі»

Шанхай ынтымақтастық ұйымының павильонында Қытай кәсіпкерлерімен ба­лалар үйі және аз қамтылған отба­сы­лардың балалары кездесті. 

Осы күні бас­талған қайы­рым­­дылық апталығы ая­сында күн сайын 20 отбасы ЭКСПО-ға барып, мектепке қажетті құ­рал-жабдықтарға ие болады. «G-Global», «EXPO-Women» ха­лықаралық ұйымы мен ШЫҰ ұйым­дастыру комитеті баста­ма­сымен қолға алынған «Қы­тай­­дың мейірімді жүрегі» атты шара өзара достықты дамытуды мақсат етеді.

«Акция барысында онко­ло­гиялық диспансер­де тір­кел­­ген көп балалы және аз қамтылған отбасылар бала­ла­ры­на көмектесеміз. ЭКСПО көр­месі ау­м­ағына экскурсия өткізіліп, ыстық та­мақ бері­ліп, мектепке қажетті құ­рал-жаб­дықтар үлестірілді. Қай­ыр­ым­дылық ап­талығында 125 жеткіншекті қуантсақ деген жоспарымыз бар. Шараға Қазақ­стан мен Қытайдың іс­кер әйел­де­рі белсенді атсалыс­уда», дей­ді «G-Global» халық­ара­лық хатшылығының төрағасы Се­­рік Нөгербеков. Ол 2019 жы­лы Қы­тайда өтетін ЭКСПО көр­месінде ұйым­дас­тырылатын дәл осындай шараға Қазақ­с­тан кә­сіп­керлері жіберілетінін айт­т­ы.

«Yufit» Қытай ғылыми-тех­ни­калық компаниясының бас ди­ректоры Лин Вэй Цзянь өз кезегінде бірлескен қайы­рым­дылық адамзаттың бейбіт дамуына септігін тигізетінін жеткізді. «Біз де осы шараға өзіміздің үле­сімізді қос­қа­нымызға қуа­намыз. Компаниямыз Жібек жо­лы елдерінің халықаралық қо­­рына 10 млн теңге бөлді. Біз Қазақ­с­тан балаларына кө­мек көрсетуді жал­ғас­тырып, дос­тық­тың тереңдей түсуіне мү­д­деліміз», деді мәртебелі мейман.

Аустрияның «ақылды қалашығы»

ЭКСПО-2017 халық­ара­лық көрмесінде өзін өзі жаң­ғырмалы энергиямен то­лықтай қамтамасыз ете­тін тұр­ғын үй кешені та­ныс­тырыл­ды. Жаңа қа­л­ашық­тың нобайы аус­трия­лық де­ле­гацияның арнайы сапары кезінде көрсетілді. Себебі, жо­­ба осы мемлекеттің ком­па­­ниясымен бірлесіп жүзе­ге асы­рылған.

Көрме жанынан бой кө­те­ретін қалашықта еуро­па­лық дизайн мен инженерия не­гізінде жасалған 200 үй тұр­ғызылады. Әр ғимаратта күн және жел энергиясын пайдалану арқылы барлық жы­луды қамтамасыз ете­тін «ақылды жүйе» енгі­зі­леді. Ал құрылыстың гео­мет­риясы энергиялық шы­ғын­­дарды барынша қыс­қар­­туға бағытталған. «Тіп­ті эко­­логиялық үйлер Астана­ның қа­қа­ған аязында да өмір сү­руге өте жайлы болады», дей­ді мамандар.

Аустрияда барлық энер­гия­ның үштен бір бөлігі жаң­ғырмалы қуат көздеріне тие­сілі. Вена қаласының «ақыл­ды шаһарлардың ондығына» енуі соған дәлел.

Топжарғандардың тосынсыйы

ЭКСПО-2017 халықаралық көрмесі қалашығындағы амфитеатрда Құрманғазы атындағы Қазақ ұлттық консерваториясы ұжымының гала-концерті өтті. Мәдени шарада көрермен көңіліне терең әсер қалдырған үш музыкалық кеш ұйымдастырылды. Халықаралық деңгейде мойындалған музыканттар мен консерваторияның жас дарындарының орындауындағы симфониялар легі, хор, рухани әрі халықтық музыка түрлері меймандарды ерекше тебірентті.  

Кофе отанының озық жобалары

ЭКСПО-2017 халықаралық көрмесі қалашығында Эфиопия Федеративтік Демократиялық Республи­кас­ы­ның ұлттық күні өтті. Кофенің отаны саналатын мемле­кет Астана қаласында өздерінің мәдениеті мен сауда-эко­номикалық әлеуетін таныстырды. Экономикасы аса да­мымаған елдің халқы негізінен өнеркәсіппен және егіншілікпен айналысады. Экспортының 90 пайызы – ауылшаруашылық өнімдері. Олардың ішіндегі ең маңыздысы – кофе. Оның басым бөлігі елдегі жабайы ағаштардан жиналады.

Эфиопия – көгілдір Ніл мен Омо өзендерінің бойында орналасқан. Сондықтан судың күшін кәдеге жаратып, гидроэлектрстансаларын орнатқан. Оның қуаты 12 мың мегаватты құрайды. «Бүгінгі таңда онда қосымша екі су электрстансасының құрылысы басталған. Сон­дай-ақ, жел электр стансасының жобасы әзірлену үстін­де. Өйткені Эфиопияда негізгі қуат көздері – су мен жел. Олардың жалпы көлемі 20 мың МВт-ны құ­райды. Эфиопия энергияны Джибути, Сомали, Судан си­яқты көр­ші елдерге экспорттайды», дейді павильон қыз­мет­кері Юлия Окружнова.

Елордаға әуе көлігімен келушілер көп

Астана қаласындағы Нұрсұлтан Назарбаев әуежайында халықаралық бағыттар бойынша жолаушылар тасымалы 49 пайызға артқан. ЭКСПО халықаралық мамандандырылған көрмесінің 10 маусымнан 10 тамызға дейінгі аралығында Астана-Киев (өсім 28 пайыз), Астана-Ыстанбұл (өсім 23 пайыз), Астана-Париж (өсім 21 пайыз) халықаралық бағыттары бойынша жолаушылар ағынының өскені байқалады. 

2017 жылдың маусым-шілде айларында, өткен жылдың сәйкес кезеңімен салыстырғанда, ішкі бағыттар бойынша жолаушылар ағыны 107 мың жолаушыны құрап, 35 пайызға өсіпті. Инвестициялар және даму министрлігі Азаматтық авиация комитетінің хабарлауынша, биылғы есепті кезеңде халықаралық бағыттар бойынша қазақстандық тасымалдаушылар тасымалдаған жолаушылардың жалпы саны 381 420 адамға жеткен, орташа жүктеме 75 пайызды құраған. Бұл көрсеткіш өткен жылдың сәйкес кезеңінде 228674 жолаушы болса, орташа жүктеме 30 пайызға артқан.

«Эйр Астана» (Астана қаласын­да­ғы негізгі әуе тасымалдаушы) әуе ком­паниясының ақпараты бойынша, би­ыл маусым-шілде айларының де­ма­лыс және мереке күндерінде ең жоғары жүктеме Астана-Алматы (90 пайызға дейін), Астана-Атырау (86 пайызға дейін) және Астана-Шымкент (80 пайызға дейін) ба­ғыт­тарында болған. Нұрсұлтан Назарбаев әуежайының дерегіне сүйен­сек, халықаралық бағыттар бой­ынша маусым-шілде айларында, өткен жылдың сәйкес кезеңімен са­лыс­тырғанда, жолаушылар ағыны 49 пайызды және ішкі бағыттарда 25 пайызды құрапты.

Топтаманы әзірлеген

Асхат РАЙҚҰЛ,
«Егемен Қазақстан»

суреттерді түсірген

Ерлан Омар,
«Егемен Қазақстан»

СОҢҒЫ ЖАҢАЛЫҚТАР

18.11.2018

Солтүстік Қазақстанда өткен ел біріншілігінде Н. Жарылғапов «түйе палуан» атанды

18.11.2018

Солтүстік Қазақстанда «Қозыбаев оқулары» халықаралық ғылыми-тәжірибелік конференция өтті

18.11.2018

Қор нарығы ел экономикасына серпін береді

18.11.2018

Қостанайда Батырбек Байназаровтың «Қобыз – аңыз» атты жеке концерті өтті

18.11.2018

Мәулен Әшімбаев ауыл шаруашылығы қызметкерлерін кәсіби мерекелерімен құттықтады

18.11.2018

Элизабет Тұрсынбаева Мәскеудегі турнирде үздік алтылыққа енді

18.11.2018

Қызылорда облысында МЖӘ бойынша екі спорт кешені ашылды

17.11.2018

Amazon мен Google-де жұмыс істейтін қазақстандықтарды елге шақыру керек - Атамекен ҰКП

17.11.2018

Павлодар облысында 370 жүргізуші мөлшерден артық жүк тасыған

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу