Жүлдегерлерге жоралғы жасалды

Бокстан әлем чемпионатында бар қарсыласын жапырып өтіп, финалға жетіп, атағы алты құрлыққа асқан әзербайжандық Магомедрасул Меджидовпен тең дәрежеде айқасып, күміс жүлде олжалаған Қамшыбек Қоңқабаев Қызылордасына келді. Халық батыр ұлын әуежайдан патшадай күтіп алды. Құрмет-қошеметін аямай, алақанында аялай ұстады.

Егемен Қазақстан
05.09.2017 4715
2

Айтпақшы, өткен айда Қытайдың Тайбэй қаласында 29-шы Бүкіләлемдік Жазғы универсиада өткен. Осы жарыста біздің зілтемірші Рүстем Сыбай екінші орын алған еді. Әлемдік аренада ел намысын қорғап жүрген қос ұланды облыс әкімі Қырымбек Көшербаев арнайы қабылдады. Екі жігітке елдің ықыласын жеткізген аймақ басшысы «алдағы жарыстарыңда күмістерің алтынға айналсын» деп тілек білдірді. Сонымен қатар, қос спортшының да болашақта алтын алатынына, ел намысын абыроймен қорғайтынына сенетінін айтты.

– Енді құрмет пен қошемет, мақтау мен марапат көбейеді. Әрине, елдің ықыласын шектеу қоя алмайсың. Бірақ соған малдануға, болдым-толдым деуге болмайды. Алтын уақыттарыңды зая кетіріп аласыңдар. Сол себепті дайындықтарыңды одан сайын үдетіп, алдағы Олимпиадада топ жаруға күш салыңдар,– деп ағалық ақылын айтты Қырымбек Елеуұлы.

Жиын соңында облыс әкімі Қамшыбек Қоңқабаевқа автокөліктің, Рүстем Сыбайға 2 миллион теңгенің, ал олардың бапкерлеріне 500 мың теңгенің сертификаттарын табыстады.

– Еңбексіз жеңіс те болмайды. Қос спортшының жүлдесі жастардың жігерін жанып, жаңа биіктерге жетелейді. Көптеген жасөспірімдер спортқа қызығатын болады. Сіздер біздің еліміздің халықаралық спорттағы мәртебесінің жоғары екендігін дәлелдеп, жаттықтырушылар мен жанкүйерлердің ғана емес, барша қазақстандықтардың үмітін ақтадыңыздар,– деді Қырымбек Елеуұлы.

Қос спортшымен сөйлестік. Қамшыбектен «Меджидовпен жұдырықтасар сәтте көңіліңде бір үрей болған жоқ па?» деп сұрадық.

– Жоқ, ешқандай қорқыныш та, үрей де болған жоқ. Қарсыласымнан ығатын болсам, онда несіне бокспен шұғылданып жүрмін? Тек ел үмітін ақтай алмай қаламын ба, алтын жүлдеге қол жеткізе аламын ба, деген уайым ғана болды. Жалпы, жарысқа тыңғылықты дайындықпен бардық. Соның арқасында осындай жетістікке жеттік»,– дейді ол. Токио Олимпиадасында Қоңқабаев 28 жасқа келеді екен. Соны да сұрадық. «Аса ауыр салмақтағы спортшылар басқаларға қарағанда ұзақ пісіп-жетіледі. Мен өзімді енді пісіп, бабыма келіп жатырмын деп ойлаймын. Бұйыртса, екі Олимпиадаға қатысамын»,– деп жауап қатты.

Мынадай қызық жәйтті білдік. Әлем чемпионатының финалының алдында Қамшыбектің бапкері Ғалымжан Байғұндиевке Қырымбек Көшербаев телефон шалыпты. «Қамшыбек қарсыласының қатты соққысына тап болмасын. Оңға-солға қашып, ойнап жүріп бокстассын. Бір орнында тұрып қалмасын»,– деп кеңес айтыпты. Бұрын өзі боксшы болған Қырымбек Елеуұлының жанашырлық сөзін Ғалымжан бапкер финалдың алдында Қамшыбекке жеткізіпті. Солайша, Қоңқабаев елде өзі үшін тақым қысып отырған миллиондаған адамның барын сезініп, шаршы алаңға шығыпты.

Рүстем Сыбай Бүкіләлемдік Универсиадаға алтын алу үшін барғанын айтады. «Дайындығым да, бабым да келісіп тұр еді. Жаттығу кезінде белімді ауыртып алдым. Соның салдарынан бір келіге кем көтеріп, алтынға іліге алмай қалдым. Алда жарыс көп. Басты мақсат – Токио Олимпиадасы. Қамшыбек екеуміз қатар топ жарамыз деген сенімдемін»,– дейді зілтемірші.

Жыл басынан бері Қызылорда облысының спортшылары ел біріншіліктерінде 563 медаль жеңіп алса, Азия, Әлем чемпионаттарында 53  медаль иеленді. Еліміздің ұлттық құрама командаларына аймақтан 420 спортшы енген.

 

Ержан БАЙТІЛЕС,

«Егемен Қазақстан»

ҚЫЗЫЛОРДА.

СОҢҒЫ ЖАҢАЛЫҚТАР

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселелері шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

23.02.2019

Мақсат- әр тұрғынға отыз шаршы метр баспана беру

23.02.2019

Қызылорда  облысы Полиция департаментінің жеке құрамы үшін гарнизондық жиын өтті

23.02.2019

Павлодарда  «Ұзақ өмір сүру орталығы» ашылды

23.02.2019

Ұлттық нейрохирургия орталығында түрлі науқастар  тегін қаралды

23.02.2019

Кетіп жатқан әкімге «кетпе» деді 

23.02.2019

Полиция департаменті тұрғындарға арналған кеңсе ашты

23.02.2019

Майқайың кентінде өрт сөндірушілер газ толы баллондарды алып шықты

23.02.2019

ҚХЛ: Тұрақты біріншілік аяқталды

23.02.2019

Михаил Кукушкин жартылай финалға шықты

23.02.2019

Еуропа лигасының жеребесі тартылды

23.02.2019

Павлодардағы «Мұнай-химия зауыты» ЖШС-да өткен жиынға  технологиялық жабдықтарды өндірушілер қатысты

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу