Қазақстан • 10 Қыркүйек, 2017

Нұрсұлтан Назарбаев Иран Ислам Республикасының Президенті Хасан Руханимен кездесті

274 рет
көрсетілді
1 мин
оқу үшін

Қазақстан Президенті Ислам ынтымақтастығы ұйымының ғылым және технологиялар бойынша саммиті аясында Иран Ислам Республикасының Президенті Хасан Руханимен кездесті, деп хабарлайды akorda.kz.

Нұрсұлтан Назарбаев Иран Ислам Республикасының Президенті Хасан Руханимен кездесті

Мемлекет басшысы кездесуде Х.Руханиді өткен сайлауда жеңіске жетіп, Иран Ислам Республикасының Президенті лауазымына қайта сайлануымен құттықтады.

– Бұл бізге бұған дейін басталған диалогымызды жалғастыруға зор мүмкіндік береді. Біздің арамызда сенім мен түсіністік бар. Бұл екіжақты қарым-қатынасты қарқынды дамыту үшін аса маңызды, – деді Нұрсұлтан Назарбаев.

Иран Ислам Республикасының Президенті саммитке қатысуға шақырғаны үшін Қазақстан Президентіне алғыс айтты.

– Көптеген халықтың ойында Астана бейбітшілік қаласы ретінде сақталған. Ол алдағы уақытта да сол кейіпте қала береді. Астанадағы саммит Таяу Шығыстағы тұрақсыз өңірге бейбітшілікті орнықтыруға үлес қосады деп үміттенемін. Саммит өткеннен кейін Қазақстанның елордасын ғылым мен технологияның қаласы деп те атауға болады, – деді Х.Рухани.

Соңында Қазақстан Президенті Ислам ынтымақтастығы ұйымының ғылым және технологиялар жөніндегі саммитіне қатысқаны үшін Х.Руханиге ризашылық білдірді.