Хат қоржын

Оқырман жақсылығын жеткізеді

Егемен Қазақстан
14.09.2017 6022
2

Жаңа мектептің жөні бөлек

Алматы облысында былтыр 900 орындық мектеп пайдалануға берілген болатын. Жаңа нысан Кербұлақ ауданындағы Сарыөзек 
ауылында бой көтерген. Оқушыларға арналған білім ордасы «Нұрлы жол» бағдарламасы бойынша салынып отыр. Ғимарат құрылысы мен жабдықтарына ұлттық қордан және жергілікті бюджеттен 1,5 млрд теңгеге жуық қаражат бөлінді. 12 мыңнан астам тұрғыны бар елді мекенде осы уақытқа дейін 3 мектеп жұмыс істеді. Жаңадан ашылған білім шаңырағына кезінде 30 сынып жинақталып, 750 оқушы қабылданды. Ал оларды 60 мұғалім білім нәрімен сусындатқан болатын.

 Мектеп ғимаратының сыртында 2752 шаршы метрді құрайтын жаңа үлгідегі жасанды көгал төселген футбол және волейбол мен баскетбол ойындарына арналған алаңдар салынды. Бұл жақсы істің шарапатын ауыл тұрғындары биыл да көрмек. 

Самал ҚАБЫШЕВА

Алматы облысы


...жаңалығын бөліседі

Жаңбырлатқыш жүйе қашықтан басқарылады

Біздің «Актеп» ЖШС ұжымына «Бизнестің жол картасы-2020» бағдарламасының қаржылай қолдауы шапағатын тигізгенін ризашылық сезіммен айтқым келеді. Соның арқасында радиусы ауқымды 7 жаңбырлатқыш машина сатып алдық. Оның суару аясы  440,5 гектар аумақты қамтиды. Бірегей құрылғы тыңайтқыш қосу кешенімен жарақтанған. Оның қашықтан басқару жүйесі онлайн тәртібімен жұмыс істеуге өте ыңғайлы. 
 Тиімді технологияның көмегімен келер жылы 5 мың тонна картоп жинауды жоспарлап отырмыз. Бұл облыс тұрғындарының көкөністің осы түріне деген қажеттілік мөлшерінің алтыдан бірі. Сөйтіп, біз осынау теңдесі жоқ жаңбырлатқыш жүйені іске қосу арқылы жергілікті өнімді көбейтуге мүмкіндік алып отырмыз. 

Боранбек АҚТАЙЛАҚОВ,

жоба жетекшісі

Ақтөбе облысы,

Қарғалы ауданы 


...ой қозғайды

Ұстазды ардақтай білейік

«Ұлт болашағы – ұрпақ десек, ұрпақтың болашағы ұстаздардың қолында» екені қай кезде де белгілі. Баспасөз ұстаздың қоғамдық өмірі туралы жазады, кейбірінің сабақ беру әдісі мен тәжірибесін насихаттайды. Ал бүгінгі ұстаз тегін қоғамдық жұмыс күшіне айналды. Сен­біліктер де, түрлі әлеуметтік-көпшілік жұмыстар да солардың күші­мен атқарылады. Дегенмен, қазіргі заманда ұстаз дегеніміз кім жә­не дәрежесі қандай деген сұраққа нақты жауап беретін уақыты келді.

 Бұрын ұстаз – беделі биік және өмірлік тәжірибесі бай, жоғары сауатты маман еді. Ұстазды қадірлеу және жоғары бағалау – болашақ ұрпақты тәрбиелеуде маңызды екенін ата-аналарымыз түсінген болатын. Осындай тәрбие алған біз ұстаздарды қадірлеп, дәрежесін одан әрі көтере түсуіміз қажет еді. Керісінше, біз ұстаздарды тиісті дәрежеде қадірлей алмайтын болдық. Бұған не себеп? Тәрбие мәселесінде олқылық жіберіп алдық па, әлде ардақты атқа кір келтіретін ұстаздар көбейді ме? Жоқ, болмаса ұстазды менсінбейтін шәкірттер, ұстаздың кім екенін танығысы келмейтін ата-ана көбейді ме? Шынтуайтына келгенде, мұның барлығы біздің ұстаздарымыздың жан-дүниесін түсініп, тиісті дәрежеде тану мүмкіндігін жіберіп алуымызда. Қазір мектепке не жоғары оқу орындарына барып сабаққа қатысып көрсеңіз, ұстаздың жоғары білімді және кәсіби маман екенін көруге мүмкіндігіміз бар. Ұстаз туралы ақпарат жетіспеушіліктен оларды тиісті дәрежеде сыйлай білу жетіспейтіні белгілі. Сондықтан қоғамда ұстаз мәртебесін өзгеше танытудың уақыты келді. Олқылықтардың орнын толтырып, мұғалім беделін көтерудің нақты жолдарын көп болып ойластырсақ дейміз. 

Темірхан ӘБДІКОВ, 

Ж.Байғұттиев атындағы өнер мектебінің мұғалімі

Оңтүстік Қазақстан облысы,

Арыс қаласы 


...өкініш білдіреді

Әкеме дұрыс көңiл бөле алмадым...

Әкелер де өз сәбиiн анасынан артық сүймесе, кем сүймейдi. Әкемнiң денсаулығы нашар болғандықтан, анам әрдайым әкемнен көп еңбек ететiн. Есейе келе анамның жұмыстан шаршап келгенiн көргенде ашуланып, әкеме ауыр сөздер айтатынды шығардым. «Неге анамды жұмыс iстетiп қойып, өзiңiз үнемi үйде жатасыз?» деп ашуланатынмын. Мен қанша көңiлiне келетiн сөз айтсам да, әкем маған еш дауыс көтерген емес. Қазiр ойласам, ол кiсiге де оңай болмаған екен ғой... 

Жоғары оқу орнына түскеннен кейiн мен де анама қолғанат болайын деп, отбасылық кәсiпке араласа бастадым. Көп ұзамай кәсiптiң қыр-сырын ұғынып, iсiмiздi алға дөңгелете бастадым. Сол кезде анамның айтқанын сабырмен тыңдап, ал әкем ақыл айта бастаса бiрден ашуға булығып шығатынмын. Жұмыстан басқа өмiрлiк, тәрбиелiк ақыл-кеңестерiн тыңдайтынмын. Дегенмен, анама қарағанда әкеме көп көңiл бөлмеген екенмiн. Iсiмiз ілгерілеп, жағдайымыз ендi жақсарып келе жатқанда әкемнiң жүрегi ұстап, тiлге келмей бақилық болды. Сол сәтте кезiнде айтқан ауыр сөздерiм үшiн, дауыс көтергенiм үшiн әкемнен кешiрiм сұрап үлгермей қалғаныма қатты өкiндiм... 

Ашу мен ызаға, асығыстық пен ақымақтыққа бой алдырып әкемдi көп ренжiткен екенмiн. Бар махаббатым мен қамқорлығымды анама сыйлап, әкеме дұрыс көңiл бөлмегенiме өкiнемiн. Тiрiсiнде қуанышқа бөлей алмаған әкеме қазiр Құран бағыштап, аруағына дұға қылудан басқа ешбiр шарам жоқ...

Бауыржан МАҚСАТҰЛЫ

Қарағанды 


...әсерін айтады

Өмірің – мақпал өңіндей 

Төкпе жырдың дүлдүлі Ұзақбай Қазжанұлының туғанына 120 жыл толуына орай Сайын Шапағатов елді мекенінде «Өмірің – мақпал өңіндей» атты еске алу жыр кеші өтті. Танымдық шарада ауыл əкімдігінің бас маманы Рай Аманғалиұлы мен мектебіміздің директоры Ғалия Іздібайқызы мектебімізге ат басын арнайы бұрған Амандық Көмекұлына алғысын айтты. Мəдениет қайраткері, жырау, профессор Амандық Көмекұлы даңғайыр жырау жайында ағыла сөйлеп, төгілте жырлады. Мектебіміздің мақтанышы, халықаралық, республикалық сайыстардың жүлдегері, жас талант иесі Меруерт Рахметова Ұзақбай ақынға арнауын оқып, жыраудың «Ел – қоныстан ауғанда» термесін тартып, Амандық Көмекұлының батасын алды. Сондай-ақ, «Қазақстан-Ақтау» телеарнасының «Сөз бен саз» бағдарламасының жүргізушісі Бердіхан Əлмен Ұзақбай ақын-жыраудың өз қолжазбаларымен таныстырып, тың ақпараттардан құлағдар етті. 


Гүлмира ҚАЛМЕНОВА,

№1 мектеп-лицейі қазақ тілі мен әдебиеті пәнінің мұғалімі

Маңғыстау облысы,

Түпқараған ауданы

СОҢҒЫ ЖАҢАЛЫҚТАР

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

21.09.2018

Тұрмыстық қатты қалдықтарды өңдеу бойынша жоба әзірленді

21.09.2018

Кәрім Мәсімов терроризмге қарсы орталықтың отырысын өткізді

21.09.2018

Қостанайлықтар жарықдиодты шыны жолмен жүреді (ВИДЕО)

21.09.2018

Қанат Ислам мақтааралдық жас боксшыларға мастер-класс өткізді

21.09.2018

Алексей Луценко: «Алматы турын» апталық жарыс қылса керемет болар еді

21.09.2018

Бурабайда жаңа мешіт ашылды

21.09.2018

Онкологиялық қызметтің атасы Сәкен Нұғмановтың 100 жылдығы атап өтілді

21.09.2018

Дзюдошы Ерлан Серікжанов жартылай финалға шықты

21.09.2018

Қайрат өз құрамын жария етті

21.09.2018

Асқар Жұмағалиев Үндістанның АТ және телекоммуникациялар министрімен кездесу өткізді

21.09.2018

Шетелдік мамандар ауылдық мектеп оқушыларына ағылшын тілін оқытуды бастады

21.09.2018

Шыңғырлау ауданында төрт емдеу нысаны күрделі жөндеуден өтті

21.09.2018

Рани Мукерджидің қазақтарға сәлемі

21.09.2018

Елбасы «Қазатомөнеркәсіп» ҰАК» АҚ басқармасының төрағасын қабылдады

21.09.2018

Даниал Ахметов Зырян ауданын Алтай деп атау туралы ұсынысты қолдады

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу