Біртанов МӘМС бойынша жиын өткізді

С.Асфендияров атындағы Қазақ Ұлттық медицина университетінде міндетті әлеуметтік медициналық сақтандыру мен жекеменшік денсаулық сақтау ұйымдары үшін кедергілерді төмендету мәселесін қайта реттеуге байланысты өткен жиында Денсаулық сақтау министрі Елжан Біртанов ел ішіне енді енгізілген реформаның қазіргі аяқ алысы туралы егжей-тегжейлі әңгімеледі. 

Егемен Қазақстан
21.09.2017 7159

Жиынды өткізуге биылғы жылдың 4 қыркүйегіндегі Парламент сессиясының ашылуы кезінде Президенті Н.Назарбаевтың міндетті әлеуметтік медицианалық сақтандыруды енгізуге байланысты туындаған өзекті мәселелерді шешуге орай жүктеген міндеттері себеп болды.  «Дөңгелек үстел» деп аталғанымен, кең ауқымда ұйымдастырылған басқосуға Денсаулық сақтау министрлігінің Қоғамдық кеңесінің мүшелері, «Атамекен» Ұлттық кәсіпкерлер палатасының, медицина университеттерінің, Ғылыми-зерттеу институттарының, аймақтық денсаулық сақтау басқармаларының, «Міндетті әлеуметтік медициналық сақтандыру қорының» өкілдері қатысып, қоғамға жаңадан енгізіліп жатқан жүйенің артықшылығы мен кемшілігін бірге отырып саралады.

Сақтандыру жүйесін енгізу мәселелеріне орайластырылған жиында «Әлеуметтік медициналық сақтандыру қоры» коммерциялық емес АҚ басқарма төрайымы Елена Бахмутова баяндама жасап, «Қорға осы уақытқа дейін қанша қаржы келіп түсті? Ол қаржыны кім және қайда сақтайды? Қаржы қалай реттеледі?» деген сияқты халықты толғандырып келе жатқан өткір сауалдарға нақты жауап берді. Е.Бахмутованың мәліметіне қарағанда, қазақстандықтар 15 қыркүйекке дейін Қорға 8 100 000 000 теңге аударып үлгерген. МӘМС Қоры медициналық қызметті тұтынушылардың саны мен түскен қаржы туралы әр апта сайын есеп беріп отырады. Қазір сақтандырылған медицина қызметін пайдаланатындардың саны 3,9 миллионға жеткен. Бұлар жарна төлеп отырғандар саны. Бұл көрсеткіш әзірге Денсаулық сақтау министрлігінің алдын ала жобалаған жоспарымен сәйкес келеді. «Міндетті әлеуметтік медициналық сақтандыру  туралы» Заң бойынша Қор активтерінің сақталуына мемлекет кепілдік береді. Жиналған қаржы тек Ұлттық банкте сақталады және осы банк арқылы басқарылады. Олармен сенімді басқару туралы келісім шарт жасалған» деді Е.Бахмутова. 

Сондай-ақ, денсаулық сақтау саласындағы жеке меншік секторды дамыту мен оның қызметіндегі кедергілерді төмендету мәселесін қайта реттеуге байланысты да баяндама жасалып, аймақтан келген медицина ұйымдарының басшылары, осы саланың кәсіби жетекші мамандары жеке меншік клиникалар төңірегіндегі мәселелерді талдады.

 Медициналық сақтандыру қорына 2018 жылы мемлекеттік тапсырыс негізінде қызмет көрсету жөнінде өтініш берген ұйымдардың жартысына жуығы – жеке меншік клиникалар.  2018 жылы медициналық көмек көрсетуден үміткер денсаулық сақтау субъектілерінің дерекқорына барлығы 1519 денсаулық сақтау мекемесі өтініш берген. Оның 45 пайызы, яғни 686-сы жеке меншік медицина мекемесі болып табылады. Реформаны тиімді жүргізуге байланысты алғаш рет жасалып отырған дерекқорға медициналық көмектің негізгі көлемін көрсететін жеткізушілер де, медициналық қызметтің жекелеген түрімен айналысатын қосалқы денсаулық ұйымдары да енгізіліп отыр.

Дерекқор тұрақты түрде жаңартылып отырады. Сондықтан белгілі бір себептермен базаға қосу туралы өтініш беріп үлгермеген денсаулық сақтау мекемелері де алдағы уақытта тиісті құжатын тапсырып, дерекқорға қосыла алады. Қор кепілдендірілген тегін медициналық көмек пен міндетті әлеуметтік медициналық сақтандыру шеңберінде пайда болған қызмет көлемін дерекқорға жариялайды.

Азаматтарды емдеу мекемелеріне тіркеу науқаны – алдағы жылдағы медициналық қызметтерді сатып алу үдерісінің заңды жалғасы. Тұрғындар бастапқы медициналық-санитарлық көмек көрсететін ұйымдарға биылғы қыркүйек айының 15-і мен қарашаның 15-і аралығында тіркеле алады. Тіркелу кезінде азаматтар емхананы еркін таңдау құқығын пайдалана алады. Ал медицина ұйымдары әр дәрігерге қанша жүктеме түсетінін және алдағы жылы жан басына шаққанда түсетін қаржы көлемін айқындау үшін осы екі айда тіркелген халық санын нақтылап алуы тиіс.

Министр Е.Біртанов жиын басталмас бұрын алдын-ала тілшілерге берген сұхбатында, медициналық сақтандыру жүйесі енгізілгенімен, мемлекет азаматтар алдындағы өз жауапкершілігінен ешқашан бас тартпайтынын айтып, көңіл демдеді. Өйткені Ата заңда әр азаматқа тегін медициналық көмек көрсету кепілдігі берілген. МӘМС жүйесіне сәйкес болмаса да,  әр азаматқа тегін медициналық көмек беру жоспарланған. Ол: біріншіден, жедел жәрдем көмегі, екінші, иммунизация және қосымша сырқатына орай диагностика мен емдеу. Министр онкология, туберкулез, психиатриялық сырқатқа шалдыққан азаматтар бүгін де, келешекте де мемлекет көмегінен тысқары қалмайтынын жеткізді.  МӘМС негізінде сақтандырылмаған тұрғындарға екі жылға дейін тегін алғашқы амбулотриялық жәрдем, түрлі диагностикалық көмек және дәрі-дәрмекпен қамтасыз етуді де Үкімет өз міндетіне алуды жоспарлап отыр.  МӘМС-тің негізгі қаржы көзі жұмыс беруші мекемелер мен жеке кәсіпкерлер болғандықтан, алғашқы кезеңнің жұмысы толығымен жоспарға сәйкес жүргізіліп келеді. Жыл соңына дейін 25 млрд теңге сақтандыру қорына келіп түсуі тиіс. Бұл қаржы тек азаматтардың денсаулығын жақсартуға бағытталады. Е.Біртанов Елбасының МӘМС-ті жетілдіру мәселесіне байланысты берген нақты тапсырмалары мен талаптарын орындауды басты міндеті ретінде белгілеп, жүйенің кемшін тұстарымен жұмыла жұмыс істеп жатқанын жеткізді. Президент айтқандай, елімізде экономикалық жағынан белсенді, жұмыс істеуге қабілетті, өзін-өзі жұмыспен қамтып отырған тұрғындар саны басым. Олар мемлекеттің дамуына үлес қосып, салық төлеп отырғандықтан, осы топтың мүмкіндігінше міндетті әлеуметтік медициналық сақтандыру әлеуетін жетілдіруге байланысты барлық түйінді мәселелерді шешу жолдары қарастырылып жатыр. Әзірге нәтижесіз емес.

Айгүл АХАНБАЙҚЫЗЫ,   

«Егемен Қазақстан»

АЛМАТЫ

СОҢҒЫ ЖАҢАЛЫҚТАР

18.07.2018

Қызылордада қалалық аурухана жаңа құрылғылармен толықты

18.07.2018

Жалағаш ауданында күн электр станциясының құрылысы басталды

18.07.2018

Елімізде жеңіл автокөліктердің саны артты

18.07.2018

Ұлттық ұланның «Шығыс» өңірлік қолбасшылығы жас офицерлермен толықты

18.07.2018

Ханшалар киген қасаба

18.07.2018

Степ­ногорск қалалық тарихи-өлкетану музейі ашылды

18.07.2018

Алматыда Кореямен бірлескен клиника ашылды

18.07.2018

Шекара туралы толғау

18.07.2018

Қытай елінің айшықтары

18.07.2018

Тұманды сейілткен «Талан

18.07.2018

Мағжанның «Батыр Баяны»

18.07.2018

Жеткіншектер сауықтыру лагерінде өз-өзін жетілдіре түсті

18.07.2018

Жетісайдағы Бауыржан Момышұлы атындағы №6 мектеп-гимназия үздіктері көп үлгілі мектеп

18.07.2018

Семейлік оқушылар дін тарихын оқиды

18.07.2018

«Цифрлы Қазақстан» үлкен мүмкіндіктер сыйлайды

18.07.2018

Батыс Қазақстан облысында екі мектеп пайдалануға беріледі

18.07.2018

Жауын жастана жантайған Жабағы батыр

18.07.2018

Сынақтар шежіресінен сыр шертеді

18.07.2018

Әліпби – жазуымыздың іргетасы

18.07.2018

Малдәрігерлік қызмет уақыт талабына сай ма?

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

ҰҚСАС ЖАҢАЛЫҚТАР

Тағы да оқу

Пікірлер(1)

Assem Igisheva (23.09.2017 11:28:34)

Мен өзге ақпарат құралынан МӘМС туралы бір мақаладан Казахстан халқының 20% -ы ешқандай салаға тартылмағанын оқыдым, тіпті салықта төлемейді екен. Оған қарамастан, олар денсаулық сақтау қызметтерін пайдаланады, тегін білім алуға құқылы. Яғни, олар үнемі салық төлейтін азаматтар үшін қол жетімді барлық жеңілдіктерге қол жеткізе алады. Бір жақтан ойлансақ, неліктен біз - жұмыс істейтін азаматтардың көпшілігі, еңбектенбейтін, арамтамақ, ең бастысы сау адамдарды алға өз арқамызда сүйреуіміз керек? Олар мүгедек емес. Менің ойымша, олар да еліміздің өркендеуіне өз үлесін қосу керек . Медициналық сақтандыру қағидасы - осындай топтағы адамдарды көлеңкеден шығарып, сақтандыру жүйесіне қатысу үшін қабылдау. Жақсы бастама

Пікір қосу