Өскемендегі Достық үйі жаңа ғимаратқа көшеді

Осыдан 25 жыл бұрын Өскеменде Елбасы Нұрсұлтан Назарбаевтың қатысуымен еліміздегі тұңғыш Достық үйі ашылған болатын. 

Егемен Қазақстан
30.09.2017 18700

Өңірдегі түрлі ұлт пен ұлысты бір мақсат, бір тілекке ұйытқан осынау мекен жақында 25 жылдық мерейтойын кең көлемде атап өтті. Екі күнге созылған мерейтойлық шараларға Парламент Мәжілісі төрағасының орынбасары Владимир Божко, Қазақстан халқы Ассамблеясы хатшылығы меңгерушісінің орынбасары Сергей Прокопенко бастаған, Сенат және Парламент Мәжілісінің депуттары Сергей Плотников, Ирина Унжакова, Светлана Ферхо қостаған мәртебелі қонақтар қатысты.

Достық үйі - қоғамдық келісім орталығының ширек ғасырлық мерейтойына арналған шаралар Сәрсен Аманжолов атындағы Шығыс Қазақстан мемлекеттік университетінде «Қазақстандағы және шекаралас аумақтардағы этнодемографиялық үрдістер» атты халықаралық ғылыми-тәжірибелік конференциядан басталды. Конференцияның ашылу салтанатында сөз алған Владимир Божко республикадағы алғашқы Достық үйі елдің жағдайы әрі-сәрі болып, ұлтаралық қарым-қатынастар ушығып тұрған елең-алаң шақта Елбасының бастамасымен құрылғанын еске алып, бүгінде татулық пен тұрақтылықтың, ынтымақ пен ырыстың ордасына айналып отырғанын ерекше атап өтті. «Тоқсаныншы жылдардың басында Өскеменде ҰҚК департаментін басқардым. Сол кездегі облыстағы қоғамдық-саяси ахуал өте күрделі еді. «Енді бізді қазақ тілін үйренуге мәжбүрлейді, балаларымыздың бұл елде болашағы жоқ» деп менің алдыма келген адамдар да болды. Достық үйі осындай аса ауыр тұста ашылып, ұлтаралық қарым-қатынастарды ушықтырмауға үлкен үлес қосты. Кейін Қазақстан халқы Ассамблеясы құрылды. Сондықтан Өскемендегі Достық үйінің маңызы, алар орны айырықша», - деді ол.

Жиында баяндама жасаған облыстық ішкі саясат басқармасының басшысы Нелли Краснобаева қоғамдық келісім орталығының мерейлі мерейтойы Елбасының «Рухани жаңғыру» бағдарламасы аясында аталып өтіп отырғанына тоқталып, татулық мекені ширек ғасыр мұғдарында көптеген игі істерге мұрындық болғанын тілге тиек етті. Облысты мекен еткен ұлттар мен ұлыстардың мәдениеті мен салт-дәстүрін таныстыратын этноауыл, қоғамдағы саяси-әлеуметтік мәселелерді талқылайтын Қоғамдық келісім кеңестері және өзге де бастамалар Өскемендегі Достық үйінен бастау алғанын айтты.

Екінші күнгі мерейтойлық шаралардың шымылдығы Достық үйі – қоғамдық келісім орталығының 25 жылдығына арналған форуммен түріліп, еліміздің әр аймағынан келген Достық үйінің директорлары Елбасының «Болашаққа бағдар: рухани жаңғыру» мақаласындағы міндеттерді жүзеге асыру жайын жан-жақты талқылады. Семейдегі Достық үйінің директоры Берік Көпбаев Президенттің пәрменімен қоғамдық келісім орталығы деп атауы өзгертілген Достық үйлері шын мәнінде елді татулыққа шақырып, береке-бірлікке үндейтін тағылымды орталыққа айналғанын атап өтті.

Еліміздегі ең алғашқы Достық үйінің 25 жылдығына арналған мерейтойлық шаралар облыс орталығындағы драма театрда аймақ басшысы Даниал Ахметов, Парламент Мәжілісі төрағасының орынбасары Владимир Божко, Қазақстан халқы Ассамблеясы хатшылығы меңгерушісінің орынбасары Сергей Прокопенко, Сенат және Парламент Мәжілісінің депуттары Сергей Плотников, Ирина Унжакова мен Светлана Ферхоның қатысуымен өткен мерекелік гала-концертпен түйінделді. Салтанатты рәсімде сөз алған облыс әкімі жұртшылықты қоғамдық келісім орталығының ширек ғасырлық мерейтойымен құттықтап, бірқатар этномәдени бірлестіктердің жетекшілері мен мүшелеріне Достық үйінің 25 жылдығына арналған мерекелік медалдарды табыс етті. Сонымен қатар бұған дейін ескі ғимаратта отырған Достық үйі қызметкерлері жақын күндері Металлургтердің Мәдениет сарайына көшетіндігін жеткізіп, мерейтой иелерін бір қуантты.

Азамат ҚАСЫМ,

«Егемен Қазақстан»

ӨСКЕМЕН

СОҢҒЫ ЖАҢАЛЫҚТАР

18.07.2018

Қызылордада қалалық аурухана жаңа құрылғылармен толықты

18.07.2018

Жалағаш ауданында күн электр станциясының құрылысы басталды

18.07.2018

Елімізде жеңіл автокөліктердің саны артты

18.07.2018

Ұлттық ұланның «Шығыс» өңірлік қолбасшылығы жас офицерлермен толықты

18.07.2018

Ханшалар киген қасаба

18.07.2018

Степ­ногорск қалалық тарихи-өлкетану музейі ашылды

18.07.2018

Алматыда Кореямен бірлескен клиника ашылды

18.07.2018

Шекара туралы толғау

18.07.2018

Қытай елінің айшықтары

18.07.2018

Тұманды сейілткен «Талан

18.07.2018

Мағжанның «Батыр Баяны»

18.07.2018

Жеткіншектер сауықтыру лагерінде өз-өзін жетілдіре түсті

18.07.2018

Жетісайдағы Бауыржан Момышұлы атындағы №6 мектеп-гимназия үздіктері көп үлгілі мектеп

18.07.2018

Семейлік оқушылар дін тарихын оқиды

18.07.2018

«Цифрлы Қазақстан» үлкен мүмкіндіктер сыйлайды

18.07.2018

Батыс Қазақстан облысында екі мектеп пайдалануға беріледі

18.07.2018

Жауын жастана жантайған Жабағы батыр

18.07.2018

Сынақтар шежіресінен сыр шертеді

18.07.2018

Әліпби – жазуымыздың іргетасы

18.07.2018

Малдәрігерлік қызмет уақыт талабына сай ма?

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу