ЭКСПО: Университет таңдаған жобалар

ЭКСПО халықаралық көрмесінде көрсетілген жаңа технологиялар мен инновациялық жобаларды елімізідің университеттері де қолданып, тәжірибе жүзінде енгізе бастамақ. Бұл туралы Үкіметте өткен баспасөз мәслихатында жан-жақты айтылды.

Егемен Қазақстан
09.10.2017 11187
2

Журналистермен кездесуде Білім және ғылым министрлігі жоғары және жоғары оқу орнынан кейінгі білім департаментінің директоры Гүлзат Көбенова ЭКСПО кезінде жоғары оқу орындарының ғалымдары, оқытушылар құрамы шетел павильондарында өткен көптеген семинарға қатысып, әріптестерімен ынтымақтастықты дамыту жөнінде меморандумдарға қол қойғанын айтты. Олардың ішінде жаңғырмалы энергияны тиімді пайдалану, әлемдік білім саласындағы оқыту тәсілдері мен әдістемелерді тәжірибеге енгізу секілді жобалар бар.  

Баспасөз мәслихатына бірнеше университеттің басшылары да қатысып, нақты қандай жобалар таңдалып алынғанын, шетелдік әріптестерімен қандай мәмілеге келгендерін тарқатып айтып берді. Мысалы, Қарағанды мемлекеттік техникалық университетінің бірінші проректоры Аристотель Исағұловтың айтуынша, бұл университет Анхальт қолданбалы ғылымдар университетімен арнайы меморандумға қол қойыпты. Алдағы уақытта оқу орындар өзара бірлесіп, баламалы энергия саласында бірлескен зерттеулер жасамақ.

Сондай-ақ, қарағандылық университеттің «Энергетика, автоматтандыру және телекоммуникация» факультеті кафедраларының меңгерушілері Францияның павильонында ұйымдастырылған «Болашақ энергиясы үшін таланттарды дамыту» атты дөңгелек үстел жиынына қатысып, шетелдік сарапшылардың ой-пікірлерімен танысып қайтқан. Енді осы жиында көтерілген мәселелер бойынша білім ордасы биылғы 26 қазанда «ЭКСПО көрмесінің энергетика саласындағы мамандарды даярлауға әсері» атты өңірлік ғылыми-практикалық конференция өткізуді жоспарлап отыр.  Бұған қоса, болашақ энергетиктер үшін баламалы энергетиканың жетістіктерін пайдалану перспективалары, Германияның күн энергиясын жеткізу жүйелерін қолдану тәжірибесі, Еуропа елдеріндегі энергетика саласы мен оның дамуы және «ЭКСПО-2017» көрмесінде ұсынылған энергияны үнемдеудің заманауи технологияларын қолдану тақырыптарында дәрістер сериясын өткізу көзделуде.

Ал М. Әуезов атындағы Оңтүстік Қазақстан университетінің ректоры Жұмахан Мырхалықов ЭКСПО көрмесі ғалымдардың өзара тәжірибе алмасуына үлкен мүмкіндік жасағанын айта келіп, жаһандық алаңда 6 мыңнан астам әртүрлі іс-шара ұйымдастырылғанын жеткізді. «Соның ішінде атақты ғалымдар қатысқан  Бүкіләлемдік инженерлік форум, «Болашақ энергиясы» тақырыбындағы халықаралық форумы, «КазЭнерджи» еуразиялық  форумды атап өтуге болады. Мұндай үнқатысу алаңдары ғалымдар мен оқытушылардың әрі қарайғы жұмысына ерекше серпін берді. Алдағы уақытта білім мен ғылым саласында көптеген отандық тың жобалар пайда болатынына сеніміміз мол» дейді ректор.

Оңтүстік Қазақстан универистетінің де ЭКСПО-ның арқасында қолжеткізген табыстары аз болмапты. Оқу ордасы Германия, Қытай, Түркия, Украина, Ресей, Белоруссия ғалымдарымен бірлескен жобаларды жүзеге асыру жөнінде бірқатар меморандумға қол қойған. Нақтырақ айтқанда, Германиямен күн энергетикасын дамыту жөнінде келісімге келген. Неміс ғалымдары университетке арнайы келіп,  осы саладағы отандық ғалымдардың еңбектерімен танысқан. Соның нәтижесінде шалғай өңірлердегі фермерлік қожалықтарды баламалы энергия көздерімен қамтамасыз ету үшін мобилді гелио-құрылғылар жобасы дайындалған. Бұл жоба Білім және ғылым министрлігі ұйымдастырған конкурсқа жіберіліп, МОРЕВА Европалық бағдарлама бойынша қаржыландырылуға ұсынылған. Болашақта аталған жоба негізінде отандық гелио-құрылғылар өндірісі  басталуы мүмкін. Бұл өндіріс орны еліміздің өзге өңірлерінен де жоғары сұранысқа ие болып, экспорт потенциалына да ие болуы әбден мүмкін, дейді ректор.  

Оңтүстік Қазақстан университеті ұсынған жобалардың біріне қытай ғалымдары да ерекше қызығушылық танытыпты. Олар биогаз бен серіктес газдарды аулау бойынша технологияны ЭКСПО көрмесінде таныстырған. Міне, осы жобаға байланысты білім ордасының ғалымдары Қытайға арнайы шақыртумен барып, Солтүстік-Қытай энергетикалық университеті мен Пекин мұнай университетінің өкілдерімен кездесіп қайтқан. Екіжақты кездесудің қорытындысы бойынша бірлескен жобалар жасау жөнінде меморандумға қол қойылып, арнайы үйлестіру кеңесі құрылған.

Баспасөз мәслихатына С.Торайғыров атындағы Павлодар мемлекеттік университетінің ректоры Гауһар Ахметова да қатысып, өздері таңдап алған жобалар жөнінде айтып берді. Ректордың айтуынша, университет ғалымдары табиғи ресурстарды тиімді пайдалану және экологиялық тазалықты сақтау тақырыбында 15 инновациялық жұмыс ұсынған. Ал  ЭКСПО көрмесін аралап шыққан университеттің өкілдері Павлодар облысында жүзеге асыруға болатын 4 жобаны таңдап алыпты. Олар: Германияның желэнергетикалық және Түркияның жел генераторы құрылғылары, биоотын негізінде жұмыс істейтін  құбырлы қондырғы мен «көгілдір көмір» технологиясы. Келешекте университет үндістандық күн батареясымен жұмыс істейтін автономды шамдар жобасын жүзеге асырмақ. Сонымен қатар, білім ордасының ғалымдары адам аяғы жүрген сайын энергия жинақтайтын «ақылды жаяу жүргіншілер жолағын» да Павлодарда енгізуді ұсынып отыр.  

Қымбат ТОҚТАМҰРАТ,

«Егемен Қазақстан»

СОҢҒЫ ЖАҢАЛЫҚТАР

17.11.2018

Amazon мен Google-де жұмыс істейтін қазақстандықтарды елге шақыру керек - Атамекен ҰКП

17.11.2018

Павлодар облысында 370 жүргізуші мөлшерден артық жүк тасыған

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу