Ұялы байланыс: ұтқан кім, ұтылған кім?

Бүгінде ұялы телефонды пайдалан­байтын адам кемде-кем. Олай болса осынау ертелі-кеш қолымыздан тастамай «рахатын» көріп жүрген игілік үшін кімдерге қанша ақша санап береді екенбіз?

 

Егемен Қазақстан
19.10.2017 118

Сөйтсек, қазақстандықтар ұялы теле­фонға, SMS пен интернетке бұрын­ғыға қарағанда көбірек төлейтін болыпты. Бұл туралы ұялы байланыстың 1200 або­нентінің арасында сауалдама жүргізген 4Service Group компаниясы хабарлап отыр.

Зерттеулер нәтижесінде шығындары 1000-нан 2000-ға дейін және 2000-нан 3000-ға дейінгі аралықты құрайтындар үлесі тиісінше 7 және 5 пайызға артқаны анықталған. Үлестің қайта бөлініске түсуі шығындары 1000 теңгеден аспай­тындардың есебінен орын алған, ал ол оператор қызметі құнының өскендігімен түсіндірілетін көрінеді.

Ұялы байланыс рыногындағы клиенттік «ядро» байланыстың осы түрі үшін айына 1000 теңгеден 2000 теңгеге дейін жұмсайды екен. Tele2-де мұндай пайдаланушылар үлесі ең көп болып шыққан, яғни 69 пайыз. Ал Altel, Activ және Beeline-да абоненттердің 47-52 пайызы шамамен 1000-2000 теңге шығын шығарады. Абоненттерінің 55 пайызының шығындары айына 2000 теңгеден асатын Kcell ең «қымбат» оператор болып табылады екен. 

Ай сайын 6 ГБ-дан астам интернет-трафик қолданатын абоненттердің үлесі 1 ГБ-дан аз интернет-трафик қолда­на­тындардың үлесін 8 пайызға қысқар­та отырып 5 пайызға өсіп шық­қан. Осылайша бүгінгі күні Altel клиент­терінің 52 пайызы 6 ГБ-дан астам ұялы мәліметтерді қолданатын болса, Tele2 мен Activ-те бұл көрсеткіш тиісінше 41 және 33 пайызды құрайды екен. 

Бүгінгі күні операторлардың бар­лығы дерлік сұранысқа ие 1000-2000 теңгелік баға диапазонында неғұрлым көбірек тарифтер жасауға тырысады, деп атап көрсетілген зерттеуде. Altel «Expert» тарифтік тұрғыда күн және түн деп бөлместен барынша үлкен қызмет көлемін көрсетіп келеді. Бірақ қызметтің ең қымбат түрі де осы болып табылады. 

Сауалдама көрсеткендей, құны шамамен 1200 теңге тұратын Tele2-нің ұсынатын тарифтік жоспары мейілінше үнемді және тиімді болып есептеледі екен. Мәселен, «ПРОСТО Старт» тарифтік жоспарының бағасы айына 1190 теңге ғана. Сонымен бірге оған 600 SMS қосылған, бұл өзгелермен салыстарғанда саны жағынан ең көбі болып саналады.

Ал трафиктің базалық көлемі 5 ГБ болса, өзге операторларға қоңырау шалу лимиті айына 80 минут болып отыр. 400 МБ интернет-трафик үшін күніне 27 теңге белгілеу арқылы Tele2 жылдық пакеттің ең төменгі бағасын ұсынуда. 1 МБ үшін Activ, Kcell (0,06 теңге/МБ) және Tele2 (0,07 теңге/МБ) ең төменгі баға ұсынса, Beeline (0,11 теңге/МБ) операторы ең жоғары бағаны ұсынып отыр.

Жыл ішінде ұялы байланыстың бұл сияқты абоненттерінің саны тағы да 4 пайызға артқан. Бұл тұрғыда «симкасын» 5 жылдан астам уақыттан бері өзгертпей келе жатқан Kcell көш бастаушы болып табылады. 2016 жылдың тиісті кезеңімен салыстырғанда оның клиенттерінің «ядросы» 16 пайызға көбейген. 

Ал, Activ операторында бүгінде мұн­дай клиенттер 80 пайызды құрайды, Beeline-да 75 пайыз. Tele2 абоненттерінің негіз­гі бөлігі байланыс операторының қы­з­метін 1 жылдан 3 жылға дейінгі ара­лықта ғана пайдаланады, бұл 2016 жыл­дың тиісті кезеңімен салыстырғанда 2 пайызға төмен. 

Сондай-ақ зерттеу нәтижелері барлық операторлардың 75 пайыздан астам клиенттерінің «көнбіс» (оператор ауыстыруды ойластырмаған) екенін көр­сеткен. Дауыстың естілуі мен мобиль­ді интернет сапасының төмендігі, қызмет бағасының жоғарылығы, қызмет көрсету сапасы және басқа себептер абоненттердің бәсекелес респонденттерге ауысуына басты себепкер болып отыр.

Сөз соңында еліміздің ұялы байла­ныс рыногында бәсекелестіктің әлі де көңілдегідей емес екенін айта кету қажет. Жоғарыда келтірілген цифрлардан аңғар­ға­нымыздай, операторлар арасын­дағы баға айырмасы соншалықты үлкен емес, шамамен алғанда ол 200 теңге деңгейінде ғана. Клиенттердің оператор ауыстыруға асықпауының бір сыры да осында жатса керек.

Біздің білуімізше, өркениетті елдерде ұялы телефонмен кәдімгі АТС-қа жалғанған телефонға қоңырау шала беруге болады, яғни тариф оған мүмкіндік береді. Ал, бізде ұялы телефоныңмен үйіңдегі телефонға қоңырау соғып 5-10 минут сөйлессең балансыңдағы ақшадан жұрдай боласың. Сондықтан Қазақстанда ұялы телефонмен тек екінші ұялы телефонға ғана батыл түрде қоңырау шала аласың. Оның өзінде де операторлардың ортақ болғаны тиімді. Өйтпеген күнде артық шығын шығаратыныңа еш күмән жоқ. 

Баршамыз да «қызығы» мен «шыжы­ғына» тоймай жүрген ұялы байланыс қызметіне қатысты кейбір керек деректер міне, осындай. 

 

СОҢҒЫ ЖАҢАЛЫҚТАР

16.01.2018

Үкімет басшысы онкологиялық жабдық шығаратын компанияның басшысымен кездесті

16.01.2018

Еңбек және халықты әлеуметтік қорғау вице-министрі тағайындалды

16.01.2018

Ауыл шаруашылығы вице-министрлері тағайындалды

16.01.2018

Дональд Трамп бүгінгі жұмыс кестесін жариялады

16.01.2018

Ғалияның қолында бұйда пышақ...

16.01.2018

ОҚО-да «Қарашаңырақ – Қарасора, құтты мекен Сайрамсу» атты кітаптың тұсаукесері өтті

16.01.2018

Әз-Жәнібек ханның дулығасы Нью-Йорктегі музейде сақталған

16.01.2018

ОҚО-да 90 мың адам жұмыспен қамтылмақ

16.01.2018

Атырау қаласында жатақханасы бар жаңа спорт кешені ашылды

16.01.2018

Ақын, жазушы Серік Қапшықбайұлы қайтыс болды

16.01.2018

«Атамекенім» акциясы бойынша мүгедектерге кәсіп ашуға мүмкіндік бар

16.01.2018

Трамп пен Н.Назарбаевтың кездесуі: Ынтымақтастықтың жаңа сатысы - The Hill

16.01.2018

The Merkle: Қазақстан Президенті G-Global деп аталатын жаһандық криптовалютаны ұсынып отыр

16.01.2018

Жамбыл облысының Жуалы аудандық соты жаңа ғимаратқа көшті

16.01.2018

Қостанай облысында АӨК сүт зауыттарының жұмысын жандандырды

16.01.2018

Атырау тұрғындары жол құрылысын қадағалайды

16.01.2018

ОҚО-да төтенше жағдайлардың алдын алу шаралары талқыланды

16.01.2018

Trend: «Назарбаевтың Трамппен кездесуі Қазақстанның аймақтағы негізгі ойыншы екенін көрсетеді»

16.01.2018

Б.Сағынтаев: Мемлекет басшысының жекешелендіру жүргізу бойынша тапсырмасы 2018 жылы орындалуы тиіс

16.01.2018

Елбасы Жолдауын іске асыру аясында өзін-өзі жұмыспен қамтығандардың мәртебесі реттелді — Т. Дүйсенова

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Рухсыздық – оқымаудан, тыңдамаудан

Құдірет адамзатты керемет хикметпен, ілтипатпен, мейірбандықпен, көркемдік сұлулығымен қызықтырып, сыңғырлатып жаратқаны мәлім. Ойлау мен қарекет жасау үшін жаралған адамның тұлғасы, таратыңқырап айтқанда, оның қолынан, қиялынан, білімдарлығынан шыққан сәулет, сурет, мүсін, қолөнер, музыка, сөз өнерінің таңғажайып жәдігерлері, телегей-теңіз шынайы жан сырлары, ғылыми-шығар­машылық ғаламат жетістіктері өлшеусіз ғой. 

Думан АНАШ, «Егемен Қазақстан»

Ұжымдық ұстаным

Ұжымдық рух ұлы жеңістерге қол жеткізеді. Қазақ айтады: «Үш адамның басы қосылса – қауым». Қауым­дасқаннан бері адамзат сан түрлі қоғамдық құрылысты өт­кер­ді. Ал қазіргі нарықтық қоғам­ның кілті – табыс. Яғни биік мүдде жолында ұжымдасу және белгілі нәтижеге қол жеткізу.

Әлисұлтан ҚҰЛАНБАЙ, «Егемен Қазақстан»

Қазақстанның жаһандық қауіпсіздік бастамалары

Еліміз егемендіктің бастапқы ке­зінде-ақ өңірлік және жаһандық қауіпсіздік Қазақстанның сырт­қы саясатының негізгі басым­дық­тарының бірі болатынын төрт­күл дүниеге жария еткен еді. Содан бері еліміз халық­аралық аренада сол бағытты берік ұстанып, оны бел­сенді түрде жүзеге асырып келеді.

Айнаш ЕСАЛИ, «Егемен Қазақстан»

Жарнамаланғанның бәрі жақсы ма?

Әрине, жарнама – әрқашан өн­діріс пен бизнестің қозғаушы күші болып келе жатқанына ешкім дау айта алмас. 

Анар ТӨЛЕУХАНҚЫЗЫ, «Егемен Қазақстан»

Жаңсақ ойдың жетегінде...

Шетелде іссапарда жүрміз. Қасымызда Сыртқы істер ми­нис­тр­лігінің өкілі Ержан есімді жас жігіт бар. Жүріс-тұрысы, сөйлеген сөзі сондай жатық, сыпайы. Ізетті жігіттің болмысында қалада өскен баланың қалыбы да байқалады. Бір күні екеуміздің орнымыз қатар келіп қалған. 

Тағы да оқу

Пікірлер(0)

Пікір қосу