Ерлер арасында жалпы командалық есеп бойынша І.Жансүгіров атындағы Жетісу университеті мергендері алдына жан салмай, жарыс тұғырының жоғары биігіне көтерілді. Екінші орында – М.Әуезов атындағы Оңтүстік Қазақстан мемлекеттік университеті спортшылары. Үшінші орынды Оңтүстік Қазақстан мемлекеттік педагогикалық институты мергендері иеленді.
Әйелдер арасында өткен жалпы командалық есепте І.Жансүгіров атындағы Жетісу университеті нәзік жанды спортшылары Универсиада чемпионы атанды. Екінші орынды М.Әуезов атындағы Оңтүстік Қазақстан мемлекеттік университеті спортшылары иеленді. Үшінші орында – Оңтүстік Қазақстан мемлекеттік педагогикалық институты мергендері.
Марапаттауларды І.Жансүгіров атындағы Жетісу университеті дене шынықтыру және өнер факультетінің деканы Е.Қ.Өтегенов. ҚР БҒМ Ұлттық ғылыми-практикалық дене тәрбиесі орталығы оқу-спорт жұмыстары зертханасының бас жаттықтырушысы М.Аділбеков, жарыстың бас төрешісі Н.М.Сайдиев және жарыстың бас хатшысы Е.Дроздовалар жүргізді.
Командалар Универсиада дипломдарымен, медальдарымен және кубокпен марапатталды.
