Көше саудасы кәсіпкерлерге қолайлы ма?

Жақында ел басылымы Астананың төріндегі қымызхана туралы жазды. Шымкенттік азамат кәдімгі тоғыз қанат киіз үйде ұлттық сусын сатып, қонақтарының ризашылығын алып жүр екен. Керемет! 

Егемен Қазақстан
09.11.2017 13031

Алайда бұл – бас шаһардағы жалғыз қымызхана. Кәсіпкерлердің құлағына алтын сырға, келесі көктемде осындай нысандардың санын көбейтсек, қала ішіндегі ақшаңқан киіз үйлер ажарымызды ашып әрі берекемізді арттырар еді.

Айтпағымыз да осыған ұқсас, қазіргі таңда Астана көшелерінде қоңыр түсті павильондарды көп көріп жүрміз. Фастфуд өнімдерін, самсаның түр-түрін, көкөніс, жеміс-жидек сатады. Гүл саудасын қыздырып, техникалық, тұрмыстық қызмет көрсететіндер де бар. Қала әкімдігінің қолдауымен жүзеге асып жатқан «1000 орын – көше саудасы» жобасы аясында қолға алынған бұл жұмысты нәтижесіз деуге ауыз бармайды, әрине. Шағын кәсіпкерліктің шаруасын ілгерілетуге бағытталған бірден-бір іргелі шара. Тек осындай іргелі шараны орайын тауып қазақы нақышпен қиюластырып жіберсек, құба-құп болар ма еді. Мәселен, қоңыр түсті павильондардың сәулет нобайын ою-өрнектерімізбен безендірсек. Фастфуд, самса өнімдерімен қатар, бауырсақ, қаттама нан, талқан, тары, жент, майсөк, айран, қымыз, қымыран іспетті тағамдарымызды пұлдап жатсақ, несі айып еді?! Ал сапалы өнім сатып алушысыз қалмайтынына күмән кем. 

Осы мақаланы әзірлеу барысында «1000 орын – көше саудасы» жобасымен айналысатын мекеме өкілдерімен ха­бар­ласқанбыз. «Astana» әлеуметтік-кәсіп­керлік корпорациясы» ұлттық ком­паниясы көше саудасын жүргізуге арнал­ған павильондарды орналастыру жоба­сының жетекшісі Сәкен Әділбеков сауал­дарымызға егжей-тегжейлі жауап берді. 

«Елорда әкімдігі былтырдан бері халық арасында «1000 орын – көше сауда­сы» аталып кеткен бағдарламаны жүзеге асырып келеді. Бұл жүйе Еуропа ел­дерінде де, іргеміздегі Қытайда да, басқа да дамыған мемлекеттердің көпші­лігінде бар. Жалпы, жабайы сауда – аудандық әкімдіктердің ерте көктем­нен қара күзге дейінгі проблемасы. Өйт­кені жұрт ішінде заңсыз жолдармен көшеде сауда жасайтындар көп. Бұл – соның заңдастырылған нұсқасы. Бастапқыда мұндай сауда жүйесі Кә­сіпкерлік және өнеркәсіп басқар­масы мен аудандық әкімдіктердің ұйым­дастыруымен болған. Бірақ оның да кемшіліктері аз емес еді. Сауда орындары тек қысқа мерзімге арналған­дықтан арнайы павильондар орнатылмады, электр жүйесі тартылмады, санитарлық талаптар сақталмады, басқа да олқылықтар орын алды», дейді ол. 

Компания өкілінің айтуынша, кейін қалалық әкімдік пен мәслихат бірлесіп ұзақ мерзімді көше саудасын қолға алып, заңдастырған. Жер заңнамасына сәйкес, жерді бес жылдан жоғары мерзімге жалға алу ұзақ мерзім болып саналады. Осылайша «Astana» әлеуметтік-кәсіпкерлік корпорациясына жер жеті жылға арендаға беріледі. Содан кейін ниет білдірген кәсіпкерлерге бизнесін жасау үшін конкурс арқылы субарендаға ұсынылады. 

Осы жерде бір нәрсені ескерген жөн. Жаңа ережеге сәйкес, кәсіпкер қай сауда түрімен айналысатынын, павильон қай нүктеде орналасқанын қалайтынын өзі көрсетіп, корпорацияға өтініш береді. Құжаттар қала әкімдігі мен Сәулет және қала құрылысы басқармасында мақұлданған соң, жер учаскесі «Astana» ӘКК-ке беріледі. Яғни кәсіпкер таңдаған жерге сәйкес тиісті органдардан келісімдерді алу, Жер басқармасынан рұқсат алу, жерге қатысты құжаттар топтамасын әзірлеу тәрізді сансыз жұмыстар – корпорацияның құзырындағы шаруа. Содан кейін мақсатты жер конкурсқа шығарылады. 

«Кейбір кәсіпкер осы тұста, «ол жерді мен ұсындым, енді жер менікі» деп ойлауы мүмкін. Бұл дұрыс емес, иесі төрт түрлі конкурс арқылы анықталады: тікелей, конкурс, аукцион және желілік. Ал конкурстың шарттары мен талаптары «Атамекен» ұлттық кәсіпкерлер палатасының, Астана қаласы әкімдігінің және біздің ресми сайтымызда орналастырылған. Жерді жеті жылға иеленген жалға алушы павильонын талапқа сай тұрғызып, тиісті коммуналдық мекемелермен келісімшарт жасасып, жалға алған жер телімінің көлеміне қарай жылдық ақысын төлеп, кәсібін дөңгелете береді», дейді Сәкен Әділбеков. 

Енді мәселемізге ойыссақ. Әкімдік пен кәсіпкердің арасындағы алтын көпір секілді корпорация өкілінің сөзіне қарағанда, павильон сәулетінің нобайын заңды түрде ресімдеп, өзгертуге болады. Яғни ою-өрнегімізді павильон сыртына бедерлеуге шектеу жоқ. Сол сияқты ұлттық тағамдарымызды саудалауға ниеттенген кәсіпкердің де қолын ешкім қақпайды. Жоба жетекшісінің сөзі мынау: «Жалға алушы Қазақстанда жасалған өнімдердің қай-қайсысын сатса да қарсылық болмайды. Тек жобаның нысандық мақсаты және санитарлық, гигиеналық талаптар заңдық тұрғыдан сақталуы керек. Ондай кәсіпкер табылып жатса, қолдауға әзірміз».

Мамандар берген мәліметке сүйенсек, Астана қаласы бойынша бүгінге дейін 462 көше саудасы орны берілген. Оның ішінде Есілдің жағалауында, «Нұрлы жол» жасыл желек-сулы бульварында орналасқан 88-і – маусымдық. Жоғарыда аталған сайттарда кәсіп жасау үшін берілетін 100-ге жуық жер телімдерінің кезекті тізімі жарияланыпты. Тек үміткер 15 қарашаға дейін өзіне қажет жерді таңдап, құжаттар тізбесін өткізуі қажет. Іске сәт, біз білдірген бұйымтайды ескерсе екен бизнесмендер. 

Асхат Райқұл,

"Егемен Қазақстан"
 

СОҢҒЫ ЖАҢАЛЫҚТАР

19.01.2018

Әсет Исекешев: Астанаға мыңдаған турист тартудың жоспары әзірленіп жатыр

19.01.2018

Елбасы Н.Назарбаевтың БҰҰ ҚК төрағасы ретіндегі мәлімдемесі (толық мәтін)

19.01.2018

Президент Назарбаев әлемнің өзге елдеріне үлгі көрсетті – АҚШ-тың БҰҰ-дағы елшісі Никки Хэйли

19.01.2018

Таяу Шығыста ядролық қарудан азат аймақ құруды жалғастырудың маңызы зор – Елбасы

19.01.2018

Н.Назарбаев Солтүстік Корея мәселесін жылдам әрі конструктивті жолмен шешуге шақырды

19.01.2018

Нұрсұлтан Назарбаев сенім шараларының маңызын атады

18.01.2018

Елбасы адамзат жаппай қырып-жою қаруларынан азат әлем құру үшін лайықты жолдан өте алатынына сенім білдірді

18.01.2018

Елбасы ядролық қаруды таратпауға қатысты бірқатар жүйелі шаралар ұсынды

18.01.2018

Елбасы: Құқық үстемдігіне негізделген қауіпсіз әлемге бірлесе қол жеткізуіміз керек.

18.01.2018

Әзербайжан елшілігінде 1990 жылы Бакудегі қанды оқиғаға арналған көрме өтті

18.01.2018

Иранмен ядролық мәміленің орындалмауы алаңдатарлық ахуалға айналады  - Сергей Лавров

18.01.2018

Польша Президенті: Қазақстан ядролық қауіпсіздікті қолдау жолында маңызды қадамдар жасады

18.01.2018

Елбасы Н.Назарбаевтың төрағалығымен БҰҰ Қауіпсіздік Кеңесінің отырысы басталды (онлайн)

18.01.2018

Айдын Смағұлов Дзюдодан ұлттық құраманың бас жаттықтырушы болып тағайындалды

18.01.2018

Нұрсұлтан Назарбаев Шавкат Мирзиёевке көңіл айтты

18.01.2018

«Шымкент-Ташкент» бағытындағы автобустың жолақысы арзандады

18.01.2018

«Нұр Отан» партиясының фракциясы Елбасы Жолдауын іске асырудың жоспарын қабылдады

18.01.2018

Бейнеу ауданында 188,9 млн теңгеге 8 жоба несиеленді

18.01.2018

ОҚО-да «Оңтүстік қолөнершісі» жобасы жүзеге асырылады

18.01.2018

Ақтауда 2,1 млрд теңгеге экоқалашық салынады

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Қайдасың, менің ертегім?!

Алпысыншы жылдардың басында мектеп табалдырығын аттаған біздің толқынның бала қиялын баураған ғажап – қазақтың ертегілері мен батырлар жыры еді-ау. Сол кезде сол бір ғажайыптар әлемінен санамызға сің­ген сансыз суреттер бұл күнде сағындырып, сабырымызды сарқып ішкендей болады. Сондағы небір керемет сиқырларды көруге көңіл ынтығып, көкірек көзі құмартып, құштарлана ашылғандай күйге енеті­німіз бар.

Дархан ҚЫДЫРӘЛІ, «Егемен Қазақстан»

Тажалды тізгіндеудегі байыпты бітімгерлік

Вашингтондағы кездесулер жоғары деңгейде өтті. Әлемнің белді, белгілі ақпарат құралдары да ол туралы жарыса жазуда. Маңызды кездесулердің өзекті тұсы – Қазақстанның ядролық қаруды таратпау жөніндегі табанды ұстанымы мен байыпты қызметін жоғары бағалау болды. Бұл іс жүзінде Елбасы Нұрсұлтан Назарбаевтың жаһандық бейбітшілікті сақтау мақсатындағы жеке бастамалары мен осы бағыттағы қажырлы қызметіне, әлем­дік деңгейдегі қайраткерлік болмысы­на берілген баға деп пайымдаймыз. 

Бақытгүл САЛЫХОВА, педагогика ғылымдарының кандидаты

Тілді кез келген жаста үйренуге болады

Әлемде қанша тіл болса, адам сол тілдерді үйренуге ұмтыла береді жә­не бұл қызығушылық ешқашан тоқ­тамайды. Әрине кейде бір тіл басқаларына қарағанда маңызды, танымал, оңай, әдемі болып көрі­нуі мүмкін. Дегенмен адамның қы­зығушылығы мен сүйіспеншілігі ой­ға келмеген тілдерді де үйренуге жетелейді.

Александр ТАСБОЛАТОВ, «Егемен Қазақстан»

Дамудың даңғыл жолы

Елімізде жүргізіліп жатқан ірі реформалар нәтижесі қазір өз жемісін бе­руде. Қолға алынған зор мін­дет­тер­дің негізгі мәні – Қазақ­стан­ның жан-жақты дамуы, көр­кеюі болатын. Сондықтан бұл реформалар аяқ астынан пайда бола қойған жоқ. За­ман­ның дидары ө+згеруіне орай, мем­лекеттік салалардың жүгі де, ісі де өзгеруі тиіс еді.

Серік НЕГИМОВ, Қазақстанның еңбек сіңірген қайраткері

Рухсыздық – оқымаудан, тыңдамаудан

Құдірет адамзатты керемет хикметпен, ілтипатпен, мейірбандықпен, көркемдік сұлулығымен қызықтырып, сыңғырлатып жаратқаны мәлім. Ойлау мен қарекет жасау үшін жаралған адамның тұлғасы, таратыңқырап айтқанда, оның қолынан, қиялынан, білімдарлығынан шыққан сәулет, сурет, мүсін, қолөнер, музыка, сөз өнерінің таңғажайып жәдігерлері, телегей-теңіз шынайы жан сырлары, ғылыми-шығар­машылық ғаламат жетістіктері өлшеусіз ғой. 

Тағы да оқу

Пікірлер(0)

Пікір қосу