Астанада Ататүрік фотокөрмесі ашылды

Бүгін бауырлас ел Түркия Республикасының негізін қалаған және оның тұңғыш президенті болған ірі реформатор қайраткер Мұстафа Кемал Ататүріктің дүниеден озған күні. Осыған орай, Л.Н.Гумилев атындағы Еуразия ұлттық университетінде Ататүрікке арналған фотокөрме ашылды.

Егемен Қазақстан
10.11.2017 2130

Көрменің ашылу рәсіміне Парламент Мәжілісінің депутаты Мұхтар Ерман, Түркияның Қазақстандағы Төтенше және өкілетті елшісі Невзат Уянык, Халықаралық түркі академиясының президенті Дархан Қыдырәлі, Л.Н.Гумилев атындағы ЕҰУ-дің халықаралық байланыс және инновациялар жөніндегі проректоры Баубек Сомжүрек, Юнус Эмре атындағы түрік мәдени орталығы директорының міндетін атқарушы Алмагүл Исина және басқа да көптеген ғалымдар мен студенттер қатысты.

Мәжіліс депутаты Мұхтар Ерман аталған шараның қос елдің мәдени байланыстарын нығайта түсуде маңызы зор екенін, туысқан түрік елі тарихи бастауында тұрған тұлғаны «ұлы Ататүрік» деп ұлықтайтынын, Елбасымыз да өз сөзінде Мұстафа Кемал Ататүрік тұлғасының бауырластықтың нышанына баланатынын әр кез айтып жүретінін жеткізді.

Ататүрік фотокөрмесі

Ал Халықаралық түркі академиясының президенті Дархан Қыдырәлі екі елдің арасындағы ынтымақты қарым-қатынастың кеңейе беретіндігіне тоқталып: «Бүгін біз XXI ғасырдың ұлы тұлғасын және түрік тарихының тұғырлы тұлғасын еске алу үшін жиналып отырмыз. Алаштың ардақтысы Мұстафа Шоқайдың «Біз бәріміз Мұстафа Кемал Ататүрікке қолдау білдіруіміз керек. Соның жанынан табылуымыз керек. Себебі Түркия жеңіске жетсе, онда түркі әлеміне үлкен жол ашылады» деп айтқан сөзі бар. Шын мәнінде, Атүрік самұрық сияқты күн астында жаңа мемлекет құрып қана қойған жоқ, бүкіл шығыс халықтарына, мұсылман әлеміне, түркі дүниесіне үлкен үміт сыйлады. Ататүрік жаңадан құрылған мемлекетке түрік атауын берді. Құрылған күннен бастап түркі әлеміне деген өзінің үлкен ықыласын білдірді. Мұстафа Шоқай, Зәки Уәлиди Тоған, Мамед Эмин Расулзаде және өзге де көптеген қайраткерлер сияқты ортақ тарихи сана қалыптастыруға ұмтылды. Латын әліппесін қабылдап, түркі әлемін жақындастыруға әрекет жасады. Сондықтан Түркия ұлы мәжілісі де «Ататүрік – түркілердің атасы» деген ат берді», деді.

Көрмеге қойылған фотолар Ататүріктің өзі негізін қалаған екі ұйымның бірі «Түрік тарихы ұйымының» архивінен алынған екен. Астаналықтар мен қала қонақтарына көрмеде тарихи маңызы зор 40 фото ұсынылды. Фотосуреттер арасында көпшілікке таныс емес сирек суреттер де қойылған. Әсіресе, 1928 жылы 20 қыркүйекте Кайсериде түсірілген Гази Мұстафа Кемалдің жаңа латын әліпбиін тақтаға жазып, халыққа үйретіп тұрған фотосы көпшілік назарына ілікті.

Шара соңында Юнус Эмре орталығында түрік тілін үйренушілер Ататүрік туралы қазақ және түрік тілінде жыр оқып, қайраткердің қарындашпен салынған портретін мәртебелі қонақтарға тарту етті. Юнус Эмре атындағы түрік мәдениет орталығы бастамашы болған айтулы шараға Түркияның Қазақстандағы елшілігі қолдау көрсетіп отыр.

Ататүрік өзі құрған Түркия мемлекетін заманауи және зайырлы ұлттық мемлекетке айналдыру мақсатымен үлкен саяси, экономикалық, әлеуметтік және мәдени реформаларды жүзеге асырды. Соның ішінде араб әліпбиінің орнына латын әліпбиіне көшу реформасы өте қысқа мерзімде Ататүріктің басшылығымен жүзеге асырылған болатын. Бұдан бөлек мыңдаған ақысыз мектептер ашылып, әйелдер тұңғыш рет азаматтық және саяси құқықтармен бірге сайлау және сайлану құқына ие болған себепті жеңіске бастаған реформатор ретінде Түркия халқы ерекше құрмет тұтады.

Ая ӨМІРТАЙ,

Суреттерді түсірген Ерлан ОМАР,

«Егемен Қазақстан»

 

СОҢҒЫ ЖАҢАЛЫҚТАР

22.04.2018

Мектеп оқушылары «Егеменде» болды

22.04.2018

Бақытжан Сағынтаев Қырғызстанның жаңа тағайындалған премьер-министрімен телефонда сөйлесті

22.04.2018

Астанада тұрғын үйлерді басқарудың онлайн–жүйесі әзірленуде

22.04.2018

Оралда төртінші мәрте «Ашық әкімдік» шарасы өтті

22.04.2018

Алматыда дәстүрлі қайырымдылық марафон өтуде

22.04.2018

Әзербайжан парламенті елдің жаңа үкімет басшысын бекітті

22.04.2018

Астанадағы сенбілікке 140 мыңнан астам қалалық қатысты

22.04.2018

Қостанайда мемлекеттік қызмет аллеясы болады

22.04.2018

Мақтарал аудандарында абаттандыру жұмыстары жүріп жатыр

22.04.2018

Қостанайда болашақ жаңа қаланы дамыту ісі қаралды

22.04.2018

Оралда өрт қауіпсіздігін сақтамаған ойын-сауық және сауда орталығы бір айға жабылды

22.04.2018

Қостанай облысында 21-ші цифрлы  технологиялық IT кабинет ашылды

22.04.2018

Қырғызстанда жаңа премьер-министр сайланды 

20.04.2018

«Smart Zholy» бағдарламасының үздік стартап жобалары анықталды

20.04.2018

23-26 мамыр күндері Астанада «KADEX - 2018» көрмесі өтеді

20.04.2018

Денсаулық сақтау министрі Орал қаласында

20.04.2018

Заңнамаға архив ісі мәселелері бойынша өзгерістер қаралды

20.04.2018

Дубайдағы инвестициялық кездесуде ОҚО-ның инвестициялық өсу драйвері зерттелді

20.04.2018

Ақтөбеде зиянды қалдықтар тасқыны толастар емес

20.04.2018

ТҮРКСОЙ Шыңғыс Айтматов жылын ашты

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Кісілік әліппесі

Жер бетінде сонау да сонау көз жеткісіз, көңіл сенгісіз небір ықылымдардан бері жасап келе жатқан заты адам баласының ең зарлы мақсаты не десе, ол – адам болу дер едік. Түр-сипатыңмен, тәніңмен ғана емес, жаныңмен, алпыс екі тамырыңдағы қаныңмен, бүкіл болмыс-бітіміңмен. 

Сейфолла ШАЙЫНҒАЗЫ, «Егемен Қазақстан»

Ауылдарды сақтаудың амалы қайсы?

Ауыл халқы азайып барады. Неге? Ешкім­ге ештеңенің керегі жоқ болып кеткен бүгінгідей заманда ол жағын ойлап бас қатырып жатқан да бірде-бір жан жоқ. Бар айтатын уәждері – урбанизация. Бір есептен ол да дұрыс шығар. Қалаларға қарай жа­қындаса ауыл қазақтары да өркениетті өмір­ге араласады, өзгелермен бірге қазіргі за­ман­­ның игіліктеріне ортақтасады. Бірақ... 

Жақсыбай САМРАТ, «Егемен Қазақстан»

Қайырымдылық көмектің қайыры болады

Табиғат апатына немесе соғыс, қарулы қақтығыс салдарынан күйзеліске ұшырап, аштыққа, босқыншылыққа тап болған елдерге қайырымдылық көмек көрсету – халықаралық қоғамдастықтың игі шарала­ры­ның бірі. БҰҰ-ның Халықаралық соты ондай көмектердің азық-түлік, киім, дәрі-дәрмек түрінде болуын, қару-жарақ түрінде берілмеуін қатаң бекіткен.

Бақытгүл САЛЫХОВА, педагогика ғылымдарының кандидаты

Тағам сыры: аурудың алдын алу мүмкін бе?

«Ас – адамның арқауы» деп кішкен­тай­ымнан естіп өскен адам ретінде, та­мақ жемесе адамның күші болмайды, жұ­мыс істеуге, өмір сүруге энергиясы жетпейді деп ойлайтынмын.  Бірақ ас­тың да асы бар, оның пайдасы мен зияны туралы шы­найы да, өтірік те, ойдан құрас­ты­рыл­ған да әңгімелерді көп естіп, кейде білмегендіктен сеніп те қалып жүреміз.

Талғат СҮЙІНБАЙ, «Егемен Қазақстан»

Алматы: Шағын ауданның астарлы ақиқаты

Алматыда аты жоқ, бірақ, нөмір­­­лен­­ген 12 шағын аудан бар. Шын­туай­­тында, олар 12 емес, барлығын қос­­қанда – 13. Қала сәулетіне билік жүр­гізуші партия қызметкерлері, сірә, жобалау үстінде «шайтанның 12-сін» сес­ көрген-ау, ақырғы шағын ауданды – 10 «А» деп белгілепті. 

Тағы да оқу

Пікірлер(0)

Пікір қосу