Астанада «Соғымға дайындық» жобасы қолға алынды

Елорда тұрғындары санының артуына байланысты азық-түлікке сұраныс та ұлғая түскен. Әсіресе қыста құнары мол ет өнімдеріне деген қажеттілік жоғары. Осыған орай жақында «Соғымға дайындық» жобасы қолға алынды. Астананың азық-түлік белдеуі бағдарламасы аясында оған Ақмола облысы Целиноград, Ерейментау, Шортанды және Аршалы аудандарының 37 жеке шаруашылығы жұмылдырылып, еліміздің бас қаласына соғымға сойылатын малдарды әзірлеп те қойған.

Егемен Қазақстан
15.11.2017 9965

Қосшы елді мекенінің бүйі­ріндегі аумағы алты гектарды алып жатқан «Алтын таға» базары облыста алғашқылардың бірі бо­лып «Соғымға дайындыққа» қа­тысуға келісім беріпті. Тек сау­да сөрелері ғана емес, сонымен қа­тар қасапхана, шұжық цехы және тоңазытқыш камерасы бар базар бүгінгі таңда аяғынан нық тұрып келеді. Мұнда мемлекеттік ветеринарлық зертхана да жұмыс істейді. Сондай-ақ көкөніс пен жеміс-жидек сақтайтын қоймасы, мал бордақылауға арналған 15 мал қорасы да бар. Енді елорда тұрғындары ветеринарлық тексерістен өткен соғымды төмен бағамен сатып ала алады. Базар басшысы әрі құрылтайшы Айдар Нығметов осыдан екі жыл бұрын базарды сатып алудағы себебін бизнестерін әртараптандырумен байланыстырды. Бұл жерде,­ сойысқа негізінен қазақтың ақбас сиыры бордақылануда. Жаңа жылға дейін толық қуатына кө­шетін базарда 120 жұмыс орны құрылып, жеке шаруа қожалықтарымен кооперативтену мәселесі де күн тәртібіне шы­ғарылып отыр. 

Ақмола облыстық ауыл ша­руа­шылығы басқармасының басшысы Мұрат Балпан облысқа қарасты 17 аудан Астана қаласының азық-түлік белдеуі аумағына кіретіндігін айтады. Мемлекет басшысының тапсырмасына сәйкес нақты жобалар қолға алыныпты. Атап айтқанда, 2017 жылы құны 10,5 миллиард теңгелік 12 жоба жүзеге асырылуда. Бүгінгі таңда соның 7-уі толық іске қосылса, қалған 5-уі жыл соңына дейін аяқталады деп күтілуде. Соның бірі – Целиноград ауданында ешкі өсірумен байланысты жоба. Емдік қасиеті бар ешкі сүті үлкен сұранысқа ие екен. 

Жоба бойынша іске қосылған кәсіпорындар өз өнімдерін тұ­тынушы сұранысы бойынша сүрленген ет немесе ысталған ет, шұжық, сүт пен сүт өнімдері кү­йінде ұсынады. Мәселен, жоғарыда айтылған «Алтын таға» базар кешені «Соғымға дайындық» жобасы бойынша 200 жылқы, мыңға тарта ірі қара мал және 3 мыңдай қой бордақылап, қажет болса, өз өнімдерін кез кел­ген күйде тұтынушысына жеткізіп бере алады екен. Базар басшысы Иран мен Қытайға өз өнімдерін экспорттауды көздеп отырғанымен де бөлісе кетті. Қорғас халықаралық сауда орта­лығына апта сайын 1,5-2 тонна шұ­жық жеткізуге дайын екен. 

Бұл орайда қолжетімді бағаға сапалы өнім ұсыну мақсатында Ақмола облысы елордада «Ақ­мол» сауда желісін ашуды көз­деп отыр. Биылғы жылдың соңы­на қарай Астананың ша­ғын аудандарында 3 сауда нүк­тесі ашылса, келесі жылдың соңына дейін олардың қатарын жиырмаға жеткізу жоспарлануда.

Астана қаласының ет және ет өнімдеріне деген сұранысы жылына 78 мың тоннаны, ал сүт және сүт өнімдеріне 300 мың тоннаны құрайды екен. Облыстық ауыл шаруашылығы басқармасы басшысының мәліметіне қара­ғанда, жыл соңына дейін Астана қаласына 25 мың тонна ет және 102 мың тонна сүт пен сүт өнімдері жеткізілетін болады. Бұл аталған өнімдерге деген қажеттіліктің 33-34 пайызы ғана. Ал 2021 жылға қарай оны 48 пайызға жеткізу жоспарланған. 

Тіпті жеңсік ас саналатын қоян еті де астаналықтардың сұ­ра­­нысын қанағаттандырып отыр екен. Өзіміз арнайы барып көрген «Астана Микро» асыл тұқымды шаруашылық» ЖШС Ресейден, одан қалса Оңтүстік Қазақстан облысынан қоян әкеліп, санын көбейтіп отыр. Қазір мұнда «Кеңестік шиншилла», «Күміс», «Ақ алып» тұқымды қояндардың саны 1520-ға жетіпті. Мүмкіндік болса екі есеге дейін көбейту жоспарда бар көрінеді. Аталған серіктестіктің бас мал дәрігері Мейрам Әбі­шевтің «Ірі қара мал­дікімен салыстырғанда, қоян еті қымбаттау. Тұрақты тұты­нушыларымыз арқылы ғана пайда тауып отырмыз. Олардың арасында Астана қаласындағы бірқатар мейрамханалар мен дәмханалар, сауда орындары және дүкендер бар», деді ол. Жалпы, жыл сайын 4 тоннадан астам қоян еті өндіріледі екен. 

Астананың азық-түлік бел­­деуі бағдарламасы аясында биыл пайдалануға берілген «Аян» сауда таңбасымен өнім шығаратын макарон фабрикасына да бас сұқтық. Аталған кәсіпорын тәулігіне 200 тонна ұн өңдей алады. Сонымен қатар жарманың 11 түрін шыға­рады. Италиялық желімен жабдық­талған фабрика жоғары сапалы өнімдерін Астана қаласы мен Қа­рағанды облысының Осакаров ауда­нына жеткізіп тұратын болады.

Асқар ТҰРАПБАЙҰЛЫ,
«Егемен Қазақстан»

Ақмола облысы

СОҢҒЫ ЖАҢАЛЫҚТАР

22.07.2018

Елорда тұрғындары кітап алмасты

22.07.2018

«Цифрлық Қазақстан»: Үкімет басшысы отандық АТ-компаниялармен мемлекеттік бағдарламаны іске асыру мәселесін талқылады

22.07.2018

Шолпан-Атада Орталық Азия сыртқы істер министрлерінің кездесуі өтті

22.07.2018

Тары өндірісі тасада қалмасын десек...

22.07.2018

«Адвокаттық қызмет және заң көмегі туралы» Заңға арналған баспасөз мәслихаты өтті

22.07.2018

Білім гранттарының 70 пайызы «ІТ» мамандықтарына бөлінеді

22.07.2018

Қызылордада 18 ауылшаруашылық кооперетиві құрылды

22.07.2018

Шемонаиха тұрғындарына баспана кілті тапсырылды

22.07.2018

Бүгін ауа райы құбылмалы болады

21.07.2018

Денистің дара жолы

21.07.2018

ЖСҚ-ны әзірлеу ісі сылбыр

21.07.2018

Атыраулықтар Денис Тенмен қоштасты

21.07.2018

Тараз қаласына Денис Тенді еске алуға арналған баннер орнатылды

21.07.2018

Денис Тенді еске алу шаралары Өскемен мен Семейде өтті

21.07.2018

АҚШ-тың атақты хореографтары Астанада шеберлік сыныптарын өткізеді

21.07.2018

Қостанай облысында жыл басынан бері қылмыс азайған

21.07.2018

Астанада Денис Тенмен қоштасу рәсімі өтті

21.07.2018

Алматылықтар Денис Тенді ақтық сапарға шығарып салды

21.07.2018

Қостанай облысында жаз басталғалы 12 адам суға кетті

21.07.2018

Астаналықтар Smart Astana мобильді қосымшасы арқылы жұмыс таба алады

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу