— Біздің команда алдына қойған мақсаттарын орындап шықты. Биыл төртінші рет қатарынан ел чемпионы атандық. Еуропа лигасының топтық кезеңінде өнер көрсеттік. Сондай-ақ, көктемгі бөлігіне де шығуға мүмкіндігіміз бар. Қазақстанның намысын халықаралық аренада абыроймен қорғап жүрміз деп айта аламын. Осы жеңістердің барлығына Әділбек Жақсыбековтың, Дархан Кәлетаевтың, Өмірзақ Шөкеевтің қосқан үлестері зор. Футболшылар мен бапкерлерге алғысымды білдіремін. Маусым бойы жеңіспен қуантқандарыңыз үшін рахметімді айтамын, деп ағынан жарылды клуб басшысы.
