Үкімет басшысы Жамбыл өңірінің жай-күйімен танысты

Қазақстан Республикасының Премьер-Министрі Бақытжан Сағынтаев өңірде мемлекеттік бағдарламалардың және Елбасының «Қазақстанның Үшінші Жаңғыруы: жаһандық бәсекеге қабілеттілік» атты Жолдауы міндеттерінің іске асырылу барысымен танысу мақсатында жұмыс сапарымен Жамбыл облысына келді. 

Егемен Қазақстан
18.11.2017 2902

Үкімет басшысы әуелі Тараз қаласындағы жаңадан салынған «Арай» шағын ауданының көпқабатты тұрғын үйлерінің құрылысын көріп, өңірде «Нұрлы жер» тұрғын үй құрылысы бағдарламасының іске асырылу барысымен танысты. Бақытжан Әбдірұлына Жамбыл облысы әкімінің орынбасары Ғалымжан Әбдірайымов құрылыстың қазіргі жағдайы мен келешегі жөнінде баяндай келе, биылғы жылы облыста «Нұрлы жер» мемлекеттік бағдарламасы бойынша 17,7 мың м2-қа 258-ден астам пәтерді пайдалануға беру бойынша төрт жоба іске асырылып жатқанын, сонымен қатар жеке тұрғын үй құрылысы бойынша 922 жер телімі бөлінгенін, ал келер жылы 13 көпқабатты тұрғын үй құрылысын аяқтау немесе 1070 пәтерді пайдалануға беру көзделгенін айтып өтті. Жалпы, ағымдағы жылдың 10 айында елімізде құрылыс қарқынының көрсеткіштері өткен жылдың осы кезеңімен салыстырғанда 1,8 пайызға жақсарған. Сондай-ақ, барлығы 8,8 миллион м2 тұрғын үй пайдалануға берілген.

Бұдан кейін Премьер-Министр олимпиада резервін дайындайтын «Атлетик» оқу-жаттығу кешеніне барды. Мұнда 2 мыңнан астам спортшы грек-рим күресімен, кикбоксингпен, таэквондомен, армрестлингпен және спорттың өзге де түрлерімен айналысады. Бұл жерде Үкімет басшысына облыста спортты дамыту келешегі туралы баяндалды. Айта кетейік, бүгінгі таңда Жамбыл облысында орналасқан 46 спорт мекемесінде 22 мыңға жуық спортшы жүйелі түрде түрлі спорт түрлерімен айналысады.

Жамбыл облысына жұмыс сапары барысында Премьер-Министр Бақытжан Сағынтаев өңірдегі ірі кәсіпорын «Қазфосфат» жауапкершілігі шектеулі серіктестігінің еліміздегі жалғыз минералды тыңайтқыштар зауытын аралап көрді. Аталған химия зауыты ауыл шаруашылығына арналған минералды тыңайтқыштар мен жемшөптік фторсыздандырылған фосфаттар өндіреді. Үкімет басшысына «Қазфосфат» жауапкершілігі шектеулі серіктестігінің бас директоры Мұқаш Ескендіров еліміздің индустриялық-инновациялық даму бағдарламасы аясында өткен жылы зауытты қайта жөндеу өндіріс көлемін 2 есеге арттыруға мүмкіндік бергенін, ағымдағы жылы 300 мың тонна фосфорлы минералды тыңайтқыштар өндірілгенін, ал өндірілген өнімнің 108 мың тоннасы Қазақстанның қажеттіліктерін 100 пайыз қамти отырып, ішкі нарықта өткізілетінін баяндады. Сонымен қатар, мұндағы 200 мың тоннаға жуық өнім Қытай, Ресей, Ауғанстан, Украина, Уругвай және Аргентина елдеріне экспортталса, бүгінгі таңда зауытта Румыния, Чехия, Болгария, Иран нарықтарын игеру жұмыстары жүргізілуде. Ал келер жылы фосфорлы минералды тыңайтқыштар өндірісі көлемін 500 мың тоннаға дейін ұлғайту жоспарланған. Бұдан кейін Жамбыл облысы әкімінің орынбасары Тимур Жанке индустриялық-инновациялық даму бағдарламасының Индустрияландыру картасы аясында ағымдағы жылы өңірде 1448 жаңа жұмыс орнын құра отырып, 18,8 миллиард теңгеге 13 жобаны іске асыру жоспарланғанын айтып өтті. Жыл басынан бері өңірде 8,3 миллиард теңгеге 6 жоба енгізіліп, 398 жұмыс орны құрылған.

Сондай-ақ, Бақытжан Әбдірұлы облыстық перинаталдық орталықта болды. Орталықты аралау барысында Үкімет басшысына облыстық денсаулық сақтау басқармасының басшысы Марат Жұманқұлов өңірде денсаулық сақтау жүйесін дамыту бойынша қабылданып жатқан шаралар туралы баяндады. Халықаралық талаптарды ескере отырып 2015 жылы салынған жаңа клиника бір уақытта 200 емделушіге қызмет көрсететін қажетті заманауи жабдықтармен жарақтандырылған.

Өңірге жұмыс сапары барысында Премьер-Министр Бақытжан Сағынтаевтың төрағалығымен М.Х.Дулати атындағы Тараз Мемлекеттік университетінде ауылшаруашылығы өндірістік кооперативін дамыту жөнінде жеке кеңес өтті. Мұнда Үкімет басшысы өңірлік кәсіпкерлермен және еліміздегі бірқатар шаруа қожалықтарының жетекшілерімен кездесіп, аталған саланың бәсекеге қабілеттілігін арттыру мәселесіне баса назар аударды. Сондай-ақ, Бақытжан Әбдірұлы ауылшаруашылығы саласының бәсекеге қабілеттілігін арттыру үшін әуелі сапалы өнімнің керектігін, сондай-ақ ет экспорты мәселесін қолға алу қажеттігін айтып өтті. «Біздің еліміз бүгінгі таңда тиімді аумақта тұр. Сондықтан ауылшаруашылығы саласының бәсекеге қабілеттілігін арттыру үшін сапалы өнім керек. Егер өнім сапалы болмаса, оны ешкім алмайды. Ал сапалы өнім шығару үшін ең бірінші кезекте ғылымды дамыту қажет», деді Премьер-Министр.

Бұдан кейін Жамбыл облысының әкімі Кәрім Көкірекбаев облыстың агроөнеркәсіп кешенінің бүгінгі жай-күйі және оны дамыту перспективалары жөнінде сөйледі. Өз сөзінде әкім өңірдің ауылшаруашылығы саласы жыл санап даму үстінде екенін, бұған Агроөнеркәсіп кешенін дамытудың 2017-2021 жылдарға арналған мемлекеттік бағдарламасының іске асырылуы оң септігін тигізіп отырғанын айтып өтті. «Бағдарлама аясында биылғы жылы саланы дамытуға 16 миллиард теңгеден астам қаржы бөлінді. Мемлекеттік қолдаудың нәтижесінде, бүгінгі күні 220 миллиард теңгенің өнімі өндіріліп, өнім көлемі 3,6 пайызға артты. Келер жылға облыстың ауыл шаруашылығын дамытуға жергілікті бюджеттен 10,5 миллиард теңге қарастыру жоспарлануда», деді әкім.

Өз сөзінде Қазақстан Республикасы Ауыл шаруашылығы министрінің бірінші орынбасары Қайрат Айтуғанов ауыл шаруашылығын қолдаудың мемлекеттік бағдарламасы аясында еліміздегі атқарылған жұмыстардың 10 айлық қорытындысын баяндады. Сонымен қатар, «Кең дала» шаруа қожалығының жетекшісі Қалибек Алпысбаев қант қызылшасын егуде мемлекет тарапынан көрсетіліп отырған қолдау туралы айтса, «Мерке Ет» жауапкершілігі шектеулі серіктестігінің директоры Берік Егембердиев ет экспорты туралы әңгімеледі. Айта кетейік, аталған комбинат биылғы жылы Біріккен Араб Әмірлігінің Бахрейн Корольдігіне 22 тонна, Иран мемлекетіне 123 тонна қой етін жіберді. Ал «Ақтөбе и К» жауапкершілігі шектеулі серіктестігінің директоры Нұрлан Іздібаев техника алу үшін мемлекеттік несиелендіру барысына тоқталды. Сондай-ақ, жиын барысында Алматы облысы әкімінің орынбасары Серікжан Бескемпіров, Жамбыл облысы әкімінің орынбасары Мәден Мұсаев, Оңтүстік Қазақстан облысы әкімінің орынбасары Дархан Сатыбалды және Қызылорда облысы әкімінің орынбасары Серік Қожаниязовтар өңірлердегі ауыл шаруашылығы саласының дамуы туралы баяндады.

Жұмыс сапарының екінші күні Премьер-Министр Бақытжан Сағынтаев «Атамекен» Кәсіпкерлер палатасының Өңірлік кеңесі мүшелерімен кездесу өткізді. Кездесу барысында өнімді жұмыспен қамту және жаппай кәсіпкерлікті дамытудың 2017-2021 жылдарға арналған бағдарламасы, «Бизнестің жол картасы-2020» және индустриялық аймақтар мен моноқалаларды дамыту бағдарламаларын іске асыру мәселелері талқыланды. Бүгінгі таңда мемлекеттік қолдау шараларын көрсету аясында 800 миллиард теңгеден астам қаражатқа 13 мыңнан астам бизнес жоба жарақтандырылған. Ал атаулы мөлшерлемесі 6 пайыздан аспайтын 18 миллион теңгеге дейін шағын несиелер ұсынылады. Сондай-ақ, бизнесті қайта реттеу бойынша заңнамалық шаралар қабылдануда. Сонымен қатар, лицензиялар мен рұқсаттар саны 3 еседен астам қысқарғаны да айтылды. Кеңесте мемлекеттік-жекешелік әріптестікті дамыту мәселелері де талқыланып, жергілікті атқарушы органдармен өзара іс-қимыл тетіктерін жетілдіру бойынша кәсіпкерлердің ұсыныстары тыңдалды. Ал «Атамекен» ұлттық кәсіпкерлер палатасы басқарма төрағасының орынбасары Төлеміс Шотанов еліміздегі шағын және орта бизнесті дамытудың ағымдағы жағдайы туралы айтты. Кездесу барысында кәсіпкерлер қойған сұрақтарға Қазақстан Республикасы Энергетика вице-министрі Мағзұм Мырзағалиев, Жамбыл облысының әкімі Кәрім Көкірекбаев, Ауыл шаруашылығы бірінші вице-министрі Қайрат Айтуғанов, ұлттық экономика вице-министрі Айбатыр Жұмағұлов және Тараз қаласындағы «Әулие-Ата» халықаралық әуежайының директоры Дәулет Хамзин жауап берді. Жиынды қорытындылай келе Премьер-Министр Бақытжан Сағынтаев жауапты тұлғаларға шағын және орта бизнес өкілдерінің барлық мәселелері мен ұсыныстарын бақылауға алуды және аталған бағытта кешенді жұмыстар жүргізуді тапсырды.

Хамит Есаман,

«Егемен Қазақстан»

Жамбыл облысы

 

СОҢҒЫ ЖАҢАЛЫҚТАР

22.07.2018

Елорда тұрғындары кітап алмасты

22.07.2018

«Цифрлық Қазақстан»: Үкімет басшысы отандық АТ-компаниялармен мемлекеттік бағдарламаны іске асыру мәселесін талқылады

22.07.2018

Шолпан-Атада Орталық Азия сыртқы істер министрлерінің кездесуі өтті

22.07.2018

Тары өндірісі тасада қалмасын десек...

22.07.2018

«Адвокаттық қызмет және заң көмегі туралы» Заңға арналған баспасөз мәслихаты өтті

22.07.2018

Білім гранттарының 70 пайызы «ІТ» мамандықтарына бөлінеді

22.07.2018

Қызылордада 18 ауылшаруашылық кооперетиві құрылды

22.07.2018

Шемонаиха тұрғындарына баспана кілті тапсырылды

22.07.2018

Бүгін ауа райы құбылмалы болады

21.07.2018

Денистің дара жолы

21.07.2018

ЖСҚ-ны әзірлеу ісі сылбыр

21.07.2018

Атыраулықтар Денис Тенмен қоштасты

21.07.2018

Тараз қаласына Денис Тенді еске алуға арналған баннер орнатылды

21.07.2018

Денис Тенді еске алу шаралары Өскемен мен Семейде өтті

21.07.2018

АҚШ-тың атақты хореографтары Астанада шеберлік сыныптарын өткізеді

21.07.2018

Қостанай облысында жыл басынан бері қылмыс азайған

21.07.2018

Астанада Денис Тенмен қоштасу рәсімі өтті

21.07.2018

Алматылықтар Денис Тенді ақтық сапарға шығарып салды

21.07.2018

Қостанай облысында жаз басталғалы 12 адам суға кетті

21.07.2018

Астаналықтар Smart Astana мобильді қосымшасы арқылы жұмыс таба алады

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу