Сенатта діни қызмет туралы заңнаманы жетілдіру мәселелері талқыланды

Парламент Сенатында «Діни қызмет және діни бірлестіктер туралы» заңды іске асыру барысына арналған дөңгелек үстел отырысы болды. Бұл туралы Қазақстан Республикасы Парламенті Сенатының Баспасөз қызметі хабарлады.

Егемен Қазақстан
07.12.2017 2705
2

Сенаттың Әлеуметтік-мәдени даму және ғылым комитетінің төрағасы Бірғаным Әйтімова діни саладағы тұрақтылықты сақтау, конфессияаралық келісім мен толеранттықты нығайту, діни экстремизм мен радикализмнің кез-келген түріндегі идеологиядан жергілікті халықтың қорғанысын қалыптастырудағы мемлекет нақты шаралар қабылдағанын атап өтті.

Б. Әйтімова 2011 жылы қабылданған «Діни қызмет және діни бірлестіктер туралы» заң діни бірлестіктердің қызметін құқықтық реттеуде маңызды рөл атқарғанын атап өтті. Сенатордың пікірінше, Қазақстан Республикасының 2017-2020 жылдарға арналған діни саладағы мемлекеттік саясат тұжырымдамасы осы саладағы нормативтік-құқықтық актілер, әлеуметтік-экономикалық, саяси және басқару шаралары жүйесін одан әрі жетілдірудің негізіне айналуы тиіс.

Парламент Сенаты Төрағасының орынбасары Бектас Бекназаров өз сөзінде «Діни қызмет және діни бірлестіктер туралы» заң қабылданғаннан бергі уақытта елімізде және әлемде елеулі өзгерістер болғанын, жаңа қатерлер мен қауіптердің пайда болғанын атап өтті. Қазіргі кезде Парламент алдында дін туралы заңнаманы уақыттың талабына сәйкес келтіру міндеті тұр.

Мемлекет басшысы Нұрсұлтан Назарбаев өзінің «Болашаққа бағдар: рухани жаңғыру» бағдарламалық мақаласында «радикалды идеологиялар ғасыры келмеске кеткені» туралы маңызды идеяны айтқан болатын. Сонымен бірге Б. Бекназаров қоғамды іштен бұзатын діни радикализм толықтай жойылды деп айта алмаймыз, деп санайды. Парламент жоғарғы Палатасы Төрағасының орынбасары жаңа заңда қоғамды радикалды дүниетанымнан  және кез-келген бүлдіргіш іс-қимылдан қорғауға көмектесетін шараларды қарастыруға шақырды.

Б. Бекназаров «Діни қызмет туралы» заңдағы «Мемлекет дін және діни бірлестіктерден бөлек» деген 3 бапты қайта қарау қажеттігі туралы ұсыныс айтты. Сенат Төрағасының орынбасары мемлекеттің діннен бөлінісі туралы мұндай үзілді-кесілді анықтама кеңестік кезеңнен туындаған деп санайды. «Егерде мемлекетте діни сенімге бой ұратындар, діни бірлестіктер мен діни қызметшілер және сыйыну орындар саны күн сайын ұлғайып келе жатқанда, олардың қызметін реттеу үшін мемлекет арнайы министрлік құрылып, заң қабылданса, оны бөлек деп айтуға бола ма?». Қазақстан Республикасының 2017-2020 жылдарға арналған діни саладағы мемлекеттік саясат тұжырымдамасының қабылдануы да мемлекеттің діни салаға назары туралы айғақтап отыр.

Осыған байланысты Б. Бекназаров шараға қатысушыларға «Діни қызмет туралы» заңның 3 бабын өзгерту мүмкіндігін талқылауды ұсынды.

Дін істер және азаматтық қоғам министрі Нурлан Ермекбаев сенаторларға өз мекемесі қызметінің қорытындылары туралы баяндап, діни қызмет туралы заңнамаға енгізу ұсынылып отырған түзетулер туралы айтты.

Министрдің айтуынша, талқылауға 12 заңнамалық актіге 50-ге жуық өзгерістер мен толықтырулар енгізіледі. Барлық түзетулерді үш бөлікке топтастыруға болады.

Алғашқы бөлік дінді бүлдіргіш мақсатқа пайдалануға жол бермеуге бағытталған. Атап айтқанда, заңнамаға «бүлдіргіш діни ағымдар» мен «діни радикализм» секілді құқықтық ұғымдар енгізіледі. Заң жобасы бүлдіргіш ағымдардың белгілері мен сыртқы көріністерін пайдалануға және жария түрде көрсетуге, олардың идеологиясын таратуға тыйым салумен қатар бірқатар шараларды қарастырады. Екінші бөлікте мемлекеттік органдар қызметін нақтылауға қатысты ережелер бар. Мемлекеттік қызметшілердің діни бірлестіктердің мүддесіне қызмет бабын пайдалану мүмкіндігіне жол бермеуге қатысты талаптар нақтыланды. Діни қызметке мониторинг жүргізуге қатысты жергілікті мемлекеттік органдардың (ең алдымен аудандық әкімдіктердің) міндеттері ұлғайтылады.

Үшінші бөлікте діни бірлестіктердің жұмысын оңайлатуға және түсінікті етуге бағытталған. Ол, мәселен, аймақтық діни бірлестіктерді тіркеуге қатысты талаптарды оңайлатуға қатысты.

Талқылауға ақпарат және коммуникация министрінің орынбасары Алан Әжібаев, ІІМ экстремизмге қарсы іс-қимыл жөніндегі департаменттің бастығы Атығай Арыстанов, «Нұр Астана» мешітінің бас имамы, Қазақстан мұсылмандары діни басқармасының наиб-мүфтиі Наурызбай Өтпенов, Қазақстан Православ шіркеуі Астана шіркеу округінің қызметкері архимандрит Сергий (Карамышев), Философия, саясаттану және дінтану институтының бас ғылыми қызметкері Анатолий Косиченко және басқалар қатысты.

Өзекті тақырып бойынша сенаторлар Серік Бектұрғанов, Сергей Ершов, Бақытжан Жұмағұлов, Нариман Төреғалиев, Динар Нөкетаева, Төлеубек Мұқашев, Нұржан Нұрсипатов, Ерік Сұлтанов және дөңгелек үстелге басқа да қатысушылар өз ойларын ортаға салды.

Пікірсайыс барысында дін және құқық тәртібін қолдану тәжірибесі саласында бірқатар нақты ұсыныстар айтылып, тиісті мемлекеттік органдарға жіберілетін болды.

 

 

 

СОҢҒЫ ЖАҢАЛЫҚТАР

21.10.2018

Астанада халықаралық ақындар айтысы өтіп жатыр

21.10.2018

Ұлттық палатада туризмді дамыту бағдарламасы таныстырылды

21.10.2018

Соңғы үш жылда ақтөбелік мектептерді жөндеуге 1,8 млрд теңге қаржы бөлінді

21.10.2018

Қостанайда биылғы күздің алғашқы жәрмеңкесі өтті

21.10.2018

Қостанайда алғашқы жылы аялдама пайдалануға берілді

21.10.2018

Жаңа мектептің салынуы - уақыт талабы     

21.10.2018

Данияр Елеусінов америкалық Мэтт Доэртиді нокаутпен жеңді

20.10.2018

Журналист Джамаль Хашагджиді өлтірген арабтар екені белгілі болды

20.10.2018

Нұрсұлтан Назарбаев Ресей және Өзбекстан басшыларымен кездесті

20.10.2018

Үндістандағы пойыз апатынан зардап шеккендер арасында қазақстандықтар жоқ

20.10.2018

Қостанай облысында 750 мың теңге пара алған аудан прокуроры ұсталды

20.10.2018

Маңғыстау облысының кәсіпкерлер палатасында  семинар өтті

20.10.2018

Данияр Елеусінов АҚШ-та салмақ өлшеу рәсімінен өтті

20.10.2018

Мектеп туризмі отансүйгіштікке бастайды

20.10.2018

Павлодарда ТҮРКСОЙ жастар камералық хоры өнер көрсетті

20.10.2018

Ақтауда ана мен бала орталығы ашылады

20.10.2018

Сенаторлар Батыс Қазақстан облысын аралады

20.10.2018

Маңғыстау облысына ирандық делегация келді

20.10.2018

Қазақстан 2019 жылы медициналық қызметтерді көрсетудің электронды форматына толық көшеді

20.10.2018

Ғылыми-әдеби интеграция артып келеді

ТАҒЫ ЖҮКТЕУ
КОЛУМНИСТЕР

Мирас Асан, «Егемен Қазақстан»

Ádep pen ádet

Jýyrda Almaty qalasyna jolymyz túsip, taǵylymy mol tamasha toıǵa qatystyq. Taý shatqalyna aqshańqan shatyr tigip, qudalaryn taǵatsyzdana kútip turǵan almatylyqtardyń ónegeli isine kóz toıyp, kóńil marqaıady. Biz toıly aýylǵa qudalar kelmeı turyp barǵan edik. Qyzyq ıelerimen burynnan tanyspyz. Arǵy túbi Arqanyń qazaqtary. Ultymyzdyń qadym zamandardan beri kele jatqan salt-dástúri, tartý-taralǵysy, jón-joralǵysy yqylym josynymen úılestirilgen toıdyń erekshe bolatyny sezilip tur.

Құрманәлі Қалмахан,

О́zge elde sultan bolǵansha...

Áı, qaıdam... О́zge elde sultan bolý qazir qıyn-aý. Sebebi óz eliniń Sultandary turǵanda shetten kelgen «bótenderdi» kim jaqtyra qoıar dersiz?! Soǵan qaramastan túrli sebeptermen shetel aýyp, «jumaq» araldaryn izdeýge bel býǵandar qarasy azaımaı tur.

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу