Журналистер арасындағы шығармашылық байқауды Елбасының кітапханасы және Қазақстан Республикасы Тұңғыш Президентінің Қоры ұйымдастырды. Салтанатты шара аясында жеңімпаздарды Қазақстан Республикасының Тұңғыш Президенті – Елбасы кітапханасы директорының міндетін атқарушы М.Қасымбеков, Парламент Мәжілісінің депутаттары С.Абдрахманов пен А.Платонов және отандық БАҚ саласына еңбегі сіңген қайраткерлер марапаттады.
Конкурсқа төрт аталым бойынша бас-аяғы 447 жұмыс түскен. Жалпы конкурстың мақсаты – елдің тәуелсіздік жылдарындағы жетістіктерін көрсету, Қазақстан мемлекеттілігінің негізі ретінде «Назарбаев моделін», Елбасының идеялары мен бастамаларын танымал ету болып табылады. Айта кетейік, биылғы байқауда «Егемен Қазақстан» газетінің тілшісі Аян Әбдуәли «Ғаламтор-БАҚ-тағы үздік материал» аталымы бойынша жеңімпаз деп танылды.
«Егемен-ақпарат»
Суретті түсірген
Ерлан ОМАР,
«Егемен Қазақстан»
