«Жанам деген жүрекке от беремін...»

Атырауда «Өрімтал» атты жас тілшілер фестивалі өтті. «Атырау-Ақпарат» медиахолдингі ұйымдастырған шара аймақтағы журналист болуды армандаған жас жеткіншектердің басын қосты. 

Егемен Қазақстан
11.12.2017 280

Елбасы Нұрсұлтан Назарбаевтың «Болашаққа бағдар: рухани жаңғыру» мақаласындағы басым бағыттар мен міндеттерді насихаттау мақсатында «Атырау-Ақпарат» медиахолдингі облыс көлемінде «Туған жер» этномәдени жобасын ұйымдастырған болатын. Осы этномәдени іс-шаралар кешені аясында мектеп оқушылары арасында «Ғажайып өлке» атты облыстық шығармалар байқауы жарияланып, оған барлығы 314 талапкер қатысты. Болашақта тілші атанғысы келетін осы талапкерлердің арасынан 40 жеңімпаз анықталып, олар мұнайлы өңірде тұңғыш рет өткізіліп отырған «Өрімтал» жас тілшілер фестиваліне жолдама алды.

Үш күнге созылған шарада медиахолдингтің баспасөз орталығында фестивальдің салтанатты түрде тұсауы кесіліп, оған қатысушылар облыстық «Атырау» және «Прикаспийская коммуна» газеттерінің бас редакторлары Исатай Балмағамбетов пен Нәсіп Шалабаева бастаған журналистермен кездесіп, көкейлерінде жүрген көптеген сауалдарға жауап алды. Батыс өңіріндегі ең ірі медиахолдинг саналатын «Атырау-Ақпарат» серіктестігінің тыныс-тіршілігімен танысты. Серіктестікке қарасты екі облыстық басылымның тіршілігіне, баспасөз орталығы мен жақында ғана ашылған Медиа мектептің қызметіне куә болды.

Облыстық «Атырау» телеарнасында қонақта болып, түрлі бағдарламалар дайындау жұмысына атсалысты.

Жас қаламгерлер бұдан кейін тарихы тереңде жатқан білім ордасы – Х.Досмұхамедов атындағы атындағы Атырау мемлекеттік университетінің ректоры, профессор Абзал Талтеновтің қабылдауында болып, білім ордасындағы оқу процесімен танысты. Жоғары оқу орнын аралап, оның жетістіктеріне куә болған оқушылар биыл ғана өз алдына жеке кафедра болып бөлініп шыққан «Журналистика» кафедрасы туралы жан-жақты мағлұмат алды.

Фестиваль барысында елімізге және өңірімізге танымал журналистер мен қоғам қайраткерлерінің шеберлік сыныптары мен дәрістері де жоғары деңгейде ұйымдастырылды. Ұзақ жылдар бойы «Қазақстан» ұлттық арнасында еңбек еткен танымал тележурналист, «Шетелдегі қазақ балалары» жобасының авторы әрі продюсері Жанар Байсемізова өткізген шеберлік сыныбы жас өрендерге ерекше қанат бітірді. Ал, Қазақстанның еңбек сіңірген қайраткері, ақын Ақұштап Бақтыгерееваның фестивальге Орал қаласынан арнайы келіп, қатысушыларға дәріс өткізуі – жастарға үлкен сый болды. Облыстық жас тілшілер фестивалі оларға газет-журнал, телеарна, болашақ тілшілерді оқыту жұмыстарымен кеңінен таныстырып қана қоймай, оқушылар мен олардың жетекшілеріне мәдени-рухани демалыс та сыйлады.

Үш күн бойы жас өркендердің қанаттарын қатайтып, естен кетпес ерекше сәттер мен думанға толы қызықтарды сыйлаған тұңғыш рет ұйымдастырылған жас тілшілер фестивалі Н.Жантөрин атындағы облыстық филармонияда қорытындыланды.

– Облыстық жас тілшілер фестивалін ұйымдастырудағы басты мақсат – жас жеткіншектердің бойындағы туған ел мен жерге деген сүйіспеншілікті арттырып, патриоттық сезімдерін жанып қана қоймай, Исатай мен Махамбет тұлпарларының тұяғы дүбірлеткен Атырау аймағынан шыққан абыз Әбу, арыстан жүректі Хамит Ерғалиев, поэзия падишасы Фариза Оңғарсынова, жұмбақ ақын Жұмекен, ұлт ұстазы Зейнолла Қабдолов секілді ұлылардың ізін басқан жас өркен тілшілерді халыққа таныту, көрінбей, көміліп жатқан алтынның сынығын тауып, бұлақтың көзін ашу, елге жарқыратып көрсету, қабілет-қарымына сәйкес жол сілтеу болатын. «Өрімтал» жас тілшілер фестивалі – «Атырау-Ақпарат» медиахолдингінің «Туған жер» этно-мәдени жобалары ішіндегі ең маңызды шараның бірі, – деп атап өтті фестивальдің қорытынды кешінде сөз алған медиахолдинг директорының орынбасары Рауан Сәбитұлы.

Ал, қоғам қайраткері Ақұштап Бақтыгереева: «Өрімтал» жас тілшілер фестивалі облыстық деңгейде өткенімен, республикамызға танымал басылымдардың арнайы жүлделерінің тағайындалғаны, үміттерін үкілеген жас өрендердің қазақ әдебиетінде, журналистикасында айрықша орын алатын тұлғалар атындағы марапаттарға ие болғаны, әрине, оларға үлкен қолдау болды. Осының өзінен бұл жобаның қоғам өміріне, жұртшылыққа тигізетін пайдасы көп екендіг көріп отырмыз. Елбасының «Болашаққа бағдар: рухани жаңғыру» мақаласы аясында ұйымдастырылып отырған шара өзге де өңірлерге үлгі болса деп ойлаймын», деген тілегін арнады.

Жас тілшілер фестивалінің қорытындысы бойынша оған қатысушылар «Егемен Қазақстан», «Айқын», «Қазақ әдебиеті», «Қазақстан Zaman», «Қазақстан әйелдері», «Парасат» және «Қазақ газеттері», «Жас өркен», «Қазақ радиолары» серіктестіктеріне қарасты басылымдар мен радиолардың арнайы жүлделеріне ие болды.

Жарық көргеніне ғасырға жуықтаған, алғаш рет өз оқырмандарының қолына «Ұшқын» деген атпен 1919 жылғы 17 желтоқсанда тиген, содан бері бұл газетте әр жылдары Бернияз Күлеев, Смағұл Сәдуақасов, Жүсіпбек Аймауытов, Мұхтар Әуезов, Бейімбет Майлин, Сәкен Сейфуллин, Тұрар Рысқұлов, Ораз Жандосов, Ғабит Мүсірепов, Шерхан Мұртаза, Әбіш Кекілбаев сынды ұлтымыздың біртуар азаматтарының қолтаңбасы қалған ел газеті – «Егемен Қазақстан» жалпыұлттық республикалық газеті фестиваль жеңімпаздарына арнап екі арнайы жүлдесін тағайындаған болатын.

«Егемен Қазақстан» газетінің арнайы жүлделерін осы басылымның Атырау облысындағы меншікті тілшісі, танымал ақын Бақытгүл Бабаш фестивальдің ең жас қатысушысы, №34 Атырау қалалық лингвистикалық гимназиясының 6-сынып оқушысы Ардақтым Ниетқалиева мен Индер ауданындағы Боран Нысанбаев атындағы атындағы орта мектептің 10-сынып оқушысы Әли Ғалымовқа табыс етті. Барлық жеңімпаздарға арнайы сыйлықтар берілді.

«Жанам деген жүрекке от беремін» деп ақиық ақын Төлеген Айбергенов жырлағандай, бұл фестиваль болашақ жас тілшілерге қанат бітіріп, мәңгілік естерінде қалатыны анық.

Нұрсұлтан МЫҚТЫБАЙ,

журналист

Суреттерді түсірген Әнуар ӘБІЛҒАЗИЕВ.

Атырау қаласы

СОҢҒЫ ЖАҢАЛЫҚТАР

19.08.2018

Жакартада жанған жұлдыз

19.08.2018

Ауа райы болжамы: Ақмола облысы мен Астана аумағында дауыл тұрады

18.08.2018

Джакартада Жазғы Азия ойындарының ашылу салтанаты өтті

18.08.2018

БҰҰ-ның бұрынғы Бас хатшысы Кофи Аннан қайтыс болды

18.08.2018

Мемлекеттік хатшының қатысуымен Бұқар жыраудың 350 жылдық мерейтойы өтті

18.08.2018

Пара алған әкімдердің қылмысы әшкере болды

18.08.2018

Елордада «Ұлы дала рухы» республикалық фестивалінің солтүстік аймақтық іріктеу жарыстары өтіп жатыр

18.08.2018

Астанада түркі тіл білімінің өзекті мәселелері талқылануда

18.08.2018

Бүгін ауыл жасөспірімдерінің республикалық II жазғы спорт ойындары басталады

18.08.2018

Допинг дауынан кейін «Канело» ресми түрде қайта рингке оралды

18.08.2018

Ыбырай Алтынсариннің отбасы қолданған жәдігерлер жұрт назарына ұсынылды (ВИДЕО)

18.08.2018

Астанада мемлекеттік қызметкерлер арасында спорттық сайыс өтіп жатыр

18.08.2018

Қаламгер Сұлтан Қалиұлы дүниеден озды

18.08.2018

Бүгін Азия ойындарының салтанатты ашылуы өтеді

18.08.2018

Мыңнан аса астаналық веложарысқа қатысуда

18.08.2018

ҚМДБ еліміз қалалары бойынша айт намазының уақытын жариялады

18.08.2018

Демалыс күндері елімізде ауа райы құбылмалы болады

17.08.2018

Қазақстан Президенті «Журавлевка 1» ауыл шаруашылығы кешенін аралап көрді

17.08.2018

Роман Григорчук «Астана» клубының бас бапкерлігінен уақытша кетті

17.08.2018

Қазақстандық велотрекші әлем чемпионатының қола жүлдегері атанды

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу