Ақтөбеде офтольмологиялық орталық ашылды

Интернет көздерінен алынған деректер соңғы кездері елімізде әр жыл сайын бір миллионнан астам адам офтольмологиялық сала мамандарынан көмек алатынын көрсетеді. Оның төрт жүз мыңға жуығын потологиялық ерекшеліктері бойынша көз дәрігеріне тұңғыш рет келіп қаралғандар құрайды екен. Осындай жағдайда елордасы Астана мен мегополис қала Алматыдағы орталықтардың жүктемесі қалыпты мөлшерден көбейген. Бүгінде дерттің осы түрі бойынша емдік шараларды Ресейден алып жүрген отандастырымыздың саны да аз емес секілді.  

Егемен Қазақстан
16.12.2017 417

Тәуелсіздік мерекесі құрметіне Ақтөбе қаласында мемлекет-жекеменшік әріптестігі аясында бой көтерген офтольмологиялық орталық осы олқылықтың орнын тол­тырды деуге әбден болады. Мұн­дағы емхана мен аурухана жүйесіндегі бірыңғай кешенге ең соңғы заманауи үлгідегі құ­рал-жабдықтар мен жоғары тех­но­ло­гиялық қондырғылар орна­тылған.

Жаңа орталыққа Ақтөбеде құрылған медициналық кластердің тигізетін шапағаты да едәуір еке­ні ғимараттың ашылу рәсімі ке­зінде ашық айтылды. Өйткені осы «Көз жарығы» деп аталған тең­десі жоқ клиникада клас­тер құра­мын­дағы М.Оспанов атын­дағы Ақтөбе мемлекеттік медицина уни­вер­ситетінің көз ауру­лары кафе­драсы орналасқан. Тео­рия мен тәжірибенің, ғылым мен білімнің бір арнаға тоғысар тұсы да ел өңір­лері арасында еш­қан­дай баламасы жоқ осы жаңа офтоль­мологиялық орталық болып отыр.

Инновациялық технология арнайы мамандандырылған білікті мамандар тобын қажет етеді. Бұл ретте олар өз тәжірибелерін әлем­нің ең үздік клиникаларынан толықтырып қайтыпты. Жаңа кли­никада ел аймақтарында бұған дейін болып көрмеген күрделі оталар жасалмақ. Оның бәрі негізінен мемлекеттік тапсырыс шеңберінде жүргізілмек. Бұл жөнінде газет тілшісіне «Дару» емдеу-сауықтыру орталығының жетекшісі, жоба инвесторы Ғалымжан Елеуов ай­тып берді. Мұндағы жоғары мамандандырылған емханалық және стационарлық ем түрлері жас талғамайды. Офтольмологиялық орталық ересектер мен балаларға тең деңгейде медициналық көмек көрсете береді. Оның қамтылу аума­ғына республиканың батыс өңі­ріндегі Ақтөбе, Атырау, Ба­тыс Қазақ­стан, Маңғыстау және Қы­зыл­орда облыстары кіреді деді ол одан әрі.

Мемлекет пен ірі бизнестің өзара келісімі мен түсіністігі арқа­сында тұрғызылған жаңа кли­никаның қоғамдық-әлеуметтік мәні мен ма­ңызына ешқандай баға жетпейді. Орталықтың басты мақсаты – тек көз ауруларын емдеу мен оталар жасау ғана емес, сонымен бірге аталған дерттің алдын алу мәселелеріне де кең өріс ашу және профилактиалық жұмыстарды одан әрі жандандыру болып отыр. Мұндағы басты ұстаным емдеу сапасын жақсартуға және біліктілік пен кәсіби шеберлікті көтеруге бағытталған.

Республика аймақтары арасында теңдесі жоқ сәні мен сәу­леті келіскен зәулім орталық құ­ры­лысы небәрі бір жыл екі айдың ішінде аяқ­талған. Жобаға инвестордың қосқан үлесі 4 миллиард теңгеге жуық.

Мем­лекет-жекеменшік әріп­тестігі шең­берінде аяқталған ор­талық құрылысы Тәуел­сіздік ме­рекесі күніне арналған тарту болды. Осындайда жарайсың Ғалым­жан, Ресейде Федоров клиникасы болса, Қазақстанда Елеуов клиникасы неге болмасқа дегің келеді еріксіз.

Темір ҚҰСАЙЫН,
«Егемен Қазақстан»

АҚТӨБЕ

СОҢҒЫ ЖАҢАЛЫҚТАР

22.04.2018

Мектеп оқушылары «Егеменде» болды

22.04.2018

Бақытжан Сағынтаев Қырғызстанның жаңа тағайындалған премьер-министрімен телефонда сөйлесті

22.04.2018

Астанада тұрғын үйлерді басқарудың онлайн–жүйесі әзірленуде

22.04.2018

Оралда төртінші мәрте «Ашық әкімдік» шарасы өтті

22.04.2018

Алматыда дәстүрлі қайырымдылық марафон өтуде

22.04.2018

Әзербайжан парламенті елдің жаңа үкімет басшысын бекітті

22.04.2018

Астанадағы сенбілікке 140 мыңнан астам қалалық қатысты

22.04.2018

Қостанайда мемлекеттік қызмет аллеясы болады

22.04.2018

Мақтарал аудандарында абаттандыру жұмыстары жүріп жатыр

22.04.2018

Қостанайда болашақ жаңа қаланы дамыту ісі қаралды

22.04.2018

Оралда өрт қауіпсіздігін сақтамаған ойын-сауық және сауда орталығы бір айға жабылды

22.04.2018

Қостанай облысында 21-ші цифрлы  технологиялық IT кабинет ашылды

22.04.2018

Қырғызстанда жаңа премьер-министр сайланды 

20.04.2018

«Smart Zholy» бағдарламасының үздік стартап жобалары анықталды

20.04.2018

23-26 мамыр күндері Астанада «KADEX - 2018» көрмесі өтеді

20.04.2018

Денсаулық сақтау министрі Орал қаласында

20.04.2018

Заңнамаға архив ісі мәселелері бойынша өзгерістер қаралды

20.04.2018

Дубайдағы инвестициялық кездесуде ОҚО-ның инвестициялық өсу драйвері зерттелді

20.04.2018

Ақтөбеде зиянды қалдықтар тасқыны толастар емес

20.04.2018

ТҮРКСОЙ Шыңғыс Айтматов жылын ашты

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Кісілік әліппесі

Жер бетінде сонау да сонау көз жеткісіз, көңіл сенгісіз небір ықылымдардан бері жасап келе жатқан заты адам баласының ең зарлы мақсаты не десе, ол – адам болу дер едік. Түр-сипатыңмен, тәніңмен ғана емес, жаныңмен, алпыс екі тамырыңдағы қаныңмен, бүкіл болмыс-бітіміңмен. 

Сейфолла ШАЙЫНҒАЗЫ, «Егемен Қазақстан»

Ауылдарды сақтаудың амалы қайсы?

Ауыл халқы азайып барады. Неге? Ешкім­ге ештеңенің керегі жоқ болып кеткен бүгінгідей заманда ол жағын ойлап бас қатырып жатқан да бірде-бір жан жоқ. Бар айтатын уәждері – урбанизация. Бір есептен ол да дұрыс шығар. Қалаларға қарай жа­қындаса ауыл қазақтары да өркениетті өмір­ге араласады, өзгелермен бірге қазіргі за­ман­­ның игіліктеріне ортақтасады. Бірақ... 

Жақсыбай САМРАТ, «Егемен Қазақстан»

Қайырымдылық көмектің қайыры болады

Табиғат апатына немесе соғыс, қарулы қақтығыс салдарынан күйзеліске ұшырап, аштыққа, босқыншылыққа тап болған елдерге қайырымдылық көмек көрсету – халықаралық қоғамдастықтың игі шарала­ры­ның бірі. БҰҰ-ның Халықаралық соты ондай көмектердің азық-түлік, киім, дәрі-дәрмек түрінде болуын, қару-жарақ түрінде берілмеуін қатаң бекіткен.

Бақытгүл САЛЫХОВА, педагогика ғылымдарының кандидаты

Тағам сыры: аурудың алдын алу мүмкін бе?

«Ас – адамның арқауы» деп кішкен­тай­ымнан естіп өскен адам ретінде, та­мақ жемесе адамның күші болмайды, жұ­мыс істеуге, өмір сүруге энергиясы жетпейді деп ойлайтынмын.  Бірақ ас­тың да асы бар, оның пайдасы мен зияны туралы шы­найы да, өтірік те, ойдан құрас­ты­рыл­ған да әңгімелерді көп естіп, кейде білмегендіктен сеніп те қалып жүреміз.

Талғат СҮЙІНБАЙ, «Егемен Қазақстан»

Алматы: Шағын ауданның астарлы ақиқаты

Алматыда аты жоқ, бірақ, нөмір­­­лен­­ген 12 шағын аудан бар. Шын­туай­­тында, олар 12 емес, барлығын қос­­қанда – 13. Қала сәулетіне билік жүр­гізуші партия қызметкерлері, сірә, жобалау үстінде «шайтанның 12-сін» сес­ көрген-ау, ақырғы шағын ауданды – 10 «А» деп белгілепті. 

Тағы да оқу

Пікірлер(0)

Пікір қосу