Инновациялық кәсіпорында жаңа өнімдер қатары молая түсуде

Қарулы Күштерді елімізді қорғайтын құрыш қалқанға баласақ, оның қуатын арттыруға қызмет ететін саланы сол құрыш қалқанның тұғыры дегеніміз дұрыс. Қазақстан мен Түркияның қорғаныс саласындағы келісімдеріне сай екі ел президенттерінің ақ батасымен 2011 жылдың мамыр айында отандық қорғаныс кәсіпорындары саласындағы алғашқы қарлығаштардың бірі – «Қазақстан Аселсан инжиниринг» ЖШС компаниясы құрылды.

Егемен Қазақстан
16.12.2017 662
2

Қазақстанның Қарулы Күш­­тері мен басқа да ведом­ство­ларын қажетті оптикалық құрал­дармен қамтамасыз ету, сондай-ақ техникалық және сервистік қызмет көр­сету мақсатын көз­дейтін кәсіп­орында әуел бастан-ақ түнгі көру құралдарын – мо­но­куляр мен бинокулярлар, жылулық шолу аспапта­рын, күндізгі көру мен бар­лау құралдарын, жер бе­тіндегі нысаналарға жарық тү­сіретін лазерлі нысана көр­сет­кіш портативті кешендер, қашықтан басқарылатын тұрақ­ты жауынгерлік модульдер шығару, электронды платтарды құрастыру және ИК-линзалар өндіру қол­ға алынды. Зауыт сон­дай-ақ броньды техниканы электронды-оптикалық жүйе­­лері жағынан, әуе кеме­лерін авио­ника жағынан жаңғырту ісін бақылауды да жүзеге асырады.

Осындай жобаның жүзеге асырылуын өмірдің өзі талап етті. Өйткені Қарулы Күш­терді жарақтануындағы тех­никаның басым бөлігі негі­зінен ескірген үлгілер болып келді. Сондықтан көп ұза­май-ақ жер бетіндегі және әуедегі құрыш қалқан плат­формаларды жаңғырту мен жаңарту аса көкейкесті мәсе­ле болары, уақыт өткен сайын танктер, бронетранспортерлер, тікұшақтар жүйе­леріне күтім жа­сау қиынға соғары анық еді. Оның үстіне, заман талабына сәйкес ескі атыс платфор­ма­ларын басқару мен шолуды түгелдей цифрлы жүйеге көші­ру міндеттілікке айналды. Қа­зіргі күні кәсіпорын осы олқы­лық­тардың орнын толтыруда.

Компания 2011 жылдың желтоқсанында «Астана – жаңа қала» АЭА-ның қаты­сушысы ретінде тіркеліп, осы реттегі бірқатар салықтық жә­не кедендік жеңілдіктер мен инвестициялық префе­ренияларға ие болды.

Жаңа тұрпатты зауыттың құры­лысына екі жылдай уақыт кетіп, ол 2013 жыл­дың жел­тоқ­санында екі ел­дің қорғаныс ведомстволары өкілдерінің қатысуымен ресми түрде ашылды. Со­дан тоғыз күн өткенде кәсіп­орын­ға Мемлекет басшысы Нұрсұлтан Назарбаев ке­ліп, бар жағдайын көзбен кө­ріп, мұқият танысып, Қаза­қ­­станда дәл осындай жоғары техноло­гиялы өндіріс құры­луының маңыздылығын атап көрсетті.

Бір айта кететін жайт, уағ­да­ластық аясын­да түр­киялық әріп­тес «Аселсан» компания­сы зауыт­тың құрылып, аяғы­нан тік тұрып кетуі үшін қажетті тех­никалық құжат­тамаларды, Қазақ­стан­ның қорғаныс-өнер­кәсіптік ке­шені өнімдерінің құ­рамдас бө­лігі болып табылатын элек­тронды-оптикалық құ­ралдар, электронды платтар мен линзалар өндірісі үшін материалдар мен тех­нологиялық жаб­дықтар берді. Сондай-ақ қа­зақ­стан­дық қызметкер ма­ман­дарды «Аселсан» компа­ния­сының, ЕО мен АҚШ дайын­даушы зауыттарының өн­ді­рістік қуаттарында тағы­лым­дама тәжірибелерден өткізді.

Екі мемлекет басшы­ла­рының шешімімен ашыл­ған зауыттың бүгін таңдағы хал-жайы көңіл қуан­тарлықтай. Бұл жай ғана түнгі көру құ­ралдарын шыға­ратын кәсіп­орын емес. «KAE» бұ­рын Қа­­зақстан аумағында ба­ла­­масы болып көрмеген, элек­­тронды-оптикалық өнім­­дер өндіретін дара ком­пания. Сон­дықтан оны инновациялық кәсіп­орын ретінде сеніммен атау­ға болады. Өзі жұмыс іс­теп келе жатқан төрт жылда 15-тен астам жаңа өнім шы­ғаруға қол жеткізіп отыр. Бұл жағ­дай кәсіпорын бүгіннің өзін­де өндіріс технологиясының то­лық­қанды трансфертін жү­зе­ге асырғанын, мамандарды кәсіпке әбден баулып үйрет­кенін, сондай-ақ осы номен­клатурадағы өндіріске қажетті құрал-жабдықтарды сатып алып, орнатып қана қоймай, олар­­ды жоғары дәрежеде толық­­тай игеріп, меңгергенін біл­­діреді.

Өндіріс аумағында бү­гін таңда 100-ге тарта адам еңбек етуде. Олардың 15-сі шетелдік техникалық жо­ға­ры оқу орын­дарында, соның ішінде «Болашақ» бағдар­ламасы бойынша оқып білім алғандар. Сондай-ақ мұнда Қазақстан Үкіметі қолға алған дуалды оқы­ту тәжірибесін игеру нәти­жесінде республиканың кәсі­би колледждерінен келіп жұмыс істеп әрі оқып жатқан жастар да бар.

Сонымен қатар кәсіп­орында Назарбаев Универ­ситетінің 15 студенті, Түр­кия­­­ның, Қытай­дың, Ресей­дің техникалық уни­­вер­си­тет­­терінде оқып жат­­қан қа­зақ­­стандық студент жас­тар­дың өндірістік та­ғы­лым­­да­ма­дан өтуі де жолға қойы­лып отыр. Мұның сыртында кә­сіп­орынның 25-тен ас­там қыз­мет­кері Түркияда, Вен­грия­да, Син­­гапурда, Малай­зияда, Ре­сейде, Голлан­дия­да өндіріске қа­жетті ма­ман­дықтар бойынша білім-білік­терін жетілдіріп, тиіс­­ті сертификаттар алып кел­­ді.

Электронды-оптикалық құ­­ралдарды жинап құрастыру Қа­зақ елі үшін жаңа сала бол­­ғандықтан түркиялық серіктес «Аселсан» Еуро­па­ның, Амери­каның стан­дарт­тарына сай жаңа техно­логия әкелгенін тілге тиек етсек орынды болар. Осы орайда зауытқа 50-ден астам қымбат тұратын бірегей жабдықтар әке­лініп орнатылды, оларда жұ­мыс іс­тейтін мамандар үйре­тілді. «KAE» компаниясында әлем­­дік тәжірибе ықпалымен өн­­діріс мәдениетіне қатты көңіл бөлінуде.

Компанияда жақсы үрдіс­тердің кең қанат жаюын Қор­ға­ныс және аэроғарыш өнер­кәсібі министрі Бейбіт Атам­құлов өз назарында ұс­тауда.

Компания келешекте өз еліміздің аясында ғана қалып қоймай, кең өріс­­терге шығуды көздейді. Себе­бі көптеген шет­елдік кәсіп­орындар зауыттың кей­­бір өнімдеріне қазірдің өзінде қызығушылық таны­туда. Солардың ішінде 5 кәсіп­орынмен ИК-лин­за­ларды сату жөнінде келіс­сөздер жүр­гі­зілуде.

Елбасы кәсіпорынға алғаш келген кезде компания басшы­лары екі нәрсе сұрапты: «Бірін­шісі, бізге сеніңіз, екіншісі, сол сенімді ақтау үшін бізге мүм­кіндік беріңіз» деген екен. Мем­лекет басшысы сонда осы екі өтінішті қабыл алыпты. Содан бері өткен төрт жыл «Қазақстан Асел­сан инжиниринг» компания­сы ұжымының сол мәртебелі сенімді ақтап келе жат­қанын айғақтап отыр.

Сұңғат ӘЛІПБАЙ,
«Егемен Қазақстан»

СОҢҒЫ ЖАҢАЛЫҚТАР

22.01.2019

Қызылшадан екпе қорғайды

22.01.2019

Кеңсе қызметкерлерінің саулығын кім ойлайды?

22.01.2019

Jaýapkershilik joq jerde...

22.01.2019

Ұлттық бірыңғай тестілеуді жылына төрт рет тапсырады

22.01.2019

Бюджет жобалары артық шығынды көтермейді

22.01.2019

Тарихи-мәдени мұра – баға жетпес қазына

22.01.2019

Қоғам жаңғырмай, сана жаңғырмайды

22.01.2019

Суармалы алқаптар қалпына келтірілуде

22.01.2019

Білімді азаматтар жемқорлыққа неге жол береді?

22.01.2019

Өзара ынтымақтастық мәселелері талқыланды

22.01.2019

Сапалы жолды сақтаудың әлегі

21.01.2019

Мектеп түлегі «Болашақпен» оқи алады

21.01.2019

Шағын фермалардағы жоғарғы технология

21.01.2019

Қостанай облысы өткен жылы алғаш рет экспортқа мол ет шығарды

21.01.2019

Тереза Мэй Еуроодақтан шығуға байланысты қосымша жоспарын таныстырады

21.01.2019

Нұрсұлтан Назарбаев Зимбабве Республикасы Президентінің ресми сапары бойынша брифинг өткізді

21.01.2019

Қазақстанда соңғы 10 жылда нәрестелер өлімі-жітімі екі есе төмендеді

21.01.2019

Қарағандыда мамандандырылған фронт-офис ашылды

21.01.2019

Нұрлан НҰРҒАЛИЕВ: Ағам – мен үшін нағыз қаһарман!

21.01.2019

Әулиеатада денсаулық сақтау деңгейі жақсарып келеді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

ҰҚСАС ЖАҢАЛЫҚТАР

Тағы да оқу

Пікір қосу