Павлодарда бүлдіршіндер арасында асық ойнаудан жарыс өтті

Асығың алшысынан түссін, «Асық party». Сақаның алшысы – хан, тәйкесі – уәзір, бүк түскені – қараша халық

Егемен Қазақстан
16.12.2017 3501

Облыс орталығындағы №35 «Ертөстік» балабақшасында өткен «Асық party» ойынына басқа балабақшалардан келген 360 бала қатысты. Асықтарды денешынықтыру сабағында емес, айналамен танысу, тіл дамыту, математика сабақтарында да қолданады. Дойбыны ақ және қара түсті асықтармен ойнайды, сандарды алып-қосуды да түрлі-түске боялған асықтар орнатылған есепшоттар арқылы меңгереді. Тәрбиешілер халықтық педагогиканың әдістерін қолдануды жетілдіріп, ізденіс үстінде жүреді.  

Бұдан кейін облыс ор­талығындағы №10 Абай атын­дағы мектеп-лицейде қалалық білім бөлімі мен «Алтын сақа» бастамашыл то­бының ұйым­дастыруымен оқушылар арасында Асық ату ойынынан қалалық турнир өтті. Ұйымдастырушылар жарысты асық ойынының түр­леріне сай бөлді. Мысалы, құмар ойынға 2-4 оқушыдан қатысты. Ойыншылар кезек-кезек төрт асықты иірді. Иіруші төрт бүк, төрт шік, төрт алшы, төрт тәйке түсірді де, жүлденің жартысын алды. Екіншісінде, төрт асық төрт түрлі түсті, яғни тігілген жүлдені түгелдей алды. Жүгіресің, секіресің, терлейсің, көздейсің, тигізесің, ерегісесің, жеңесің, жеңілесің, ұтасың, ұтыласың. Бәсеке. Шеберлікке, мергендікке, батылдыққа тәр­биелейді.

Жалпы, турнир өткен Абай атындағы №10 лицей-мек­тебінде жылдар бойы оқу­шылар асық үйірмесіне қаты­сып келеді. Турнирге қатысқан 11 мектептің арасынан 1-орын­ды №35 Қабдыкәрім Ыды­ры­сов атындағы мектеп оқу­шы­лары иеленді. Ал 2-орын Абай атындағы №10 лицей-мектебі, 3-орынды «Жас дарын» мектебінің оқушылары жеңіп алды. Жеңімпаздар мен жүл­дегерлер дипломдармен, медаль­дармен, ақшалай және зат­тай сыйлықтармен марапатталды.

Оқушыларға асық ойы­нын кәсіби түрде үйретіп жүрген Ақсу қаласына қа­расты Жамбыл орта мек­те­бінің технология пә­ні­нің мұғалімі Жиенхан Қа­манайұлы «Асық party» жоба­сын жалғастырмақшы. Жиен­ханның айтуынша, асық ойынының 80-ге тарта түрі бар екен. Қазір шеңберге асықты тізіп, бір ғана түрімен ойнай­ды. Ал үйірмеге келетін Жиен­ханның оқушылары асық ойы­нының ату, қағу, құмар, ат жарысы, ханталапай, бес асық, ұту деген түрлерін үйренуде.

– Сондықтан асық ойнау жобасы басталғаны дұрыс. Енді бізге ойын түрлерінің бірыңғай стандартын бекітіп, ережесін жасау керек. Екіншіден, әрбір жарыс, турнир өткенде осы ережеге бағыну қажет, – дейді Жиен­хан Қаманайұлы.

Ол айтып отырған жобаны жергілікті «Ертіс Медиа» ЖШС директорының орынбасары Жұ­мабек Сманов жаз­ған-ды. Әлеуметтік же­ліде тараған асық ойыны жобасы жайлы ақпарат бала­бақшаларға да жетті. Яғни «Асық party» интернет жобасы ой салды деген сөз. Осы­дан кейін облыстық «Ертіс Медиа» ЖШС, «Найзатас» журналының бас редакторы Асыл Әбішев бастаған өңірлік БАҚ өкілдерінің тілшілері қолдап, жоба бастаған-ды. Ба­лабақ­шаларда балаларды ұлттық ойындармен таныс­ты­ру, асық ойнаудың түр­леріне, халқымыздың салт-дәс­түрлеріне олардың қызы­ғушылығын ояту мақсатына орай көтерген жобаның ұсы­ныстарын ата-аналар, ба­ла­бақшалар ұжымы қолдады.

 Жобаны қолдаушылардың бірі облыстық мәдениет жә­не құжаттар, архивтер бас­қармасының басшысы Ар­дақ Райымбековтің айтуынша, өңірімізде тоғызқұмалақ ойыны барлық мектепте ойналады, жыл сайын аудан­дық, облыстық жарыстар өтеді. Қызығушылық басым, ұлттық ойынға деген құ­марлық бар. Сондықтан ал­дағы уақытта мектептер мен бала­бақшаларда асық ойынын үйрететін үйірмелердің санын көбейтетін болсақ, бұл ойынды да тоғызқұмалақ ойынының деңгейіне жеткізе аламыз, – дейді «Алтын сақа» бастамашыл тобының жетекшісі Асыл Әбішев.

Фарида БЫҚАЙ,
«Егемен Қазақстан»

ПАВЛОДАР

СОҢҒЫ ЖАҢАЛЫҚТАР

15.07.2018

Астанада Қазақстандық-Швейцариялық Іскерлік кеңесінің 4-ші отырысы өтті

15.07.2018

Қазақстанның ЕАЭО елдерімен өзара саудасы 7,4 пайызға артты

15.07.2018

Болат Мажағұлов Қазақстан джиу-джитсу қауымдастығын басқарады 

15.07.2018

Б. Сағынтаев денсаулық сақтау жүйесін дамыту және өнімді жұмыспен қамту мәселелері бойынша кеңес өткізді

15.07.2018

Нұрсұлтан Назарбаев Зәмзәгүл Шәріпованың жақындарына көңіл айтты

15.07.2018

Қазақстан Президенті «Біржан-Сара» операсына барды

15.07.2018

Жетісуда егін жинау науқаны басталды

15.07.2018

Алматы облысында Мемлекеттік басқару академиясының филиалы ашылды

14.07.2018

Бақытжан Сағынтаев шағын несие беру мәселесі жөнінде кеңес өткізді

14.07.2018

Қазақстанның халық әртісі Зәмзәгүл Шәріпова өмірден озды

14.07.2018

ӘЧ-2018: Хорваттар жеңсе, ешкім таңқалмас - Ермұхамед Мәулен

14.07.2018

10 елдің өнерпаздары Ұлытауға жиналды

14.07.2018

«Бастау» домбырашылар тобы Голливудта алтын медальға ие болды

14.07.2018

Құлсарыдағы көп қабатты тұрғын үйлерді ауыз сумен қамту проблемасы шешіліп жатыр

14.07.2018

Казунори Намура: «Ваби-саби» әдісі - шынайылықтың шыңы

14.07.2018

Токио-2020: Олимпиада алауының эстафетасы Фукусимадан басталады

14.07.2018

Астанада 21 шілдеден бастап автобустарға жаңа тариф енгізіледі

14.07.2018

Қазақстан БҰҰ Қауіпсіздік Кеңесіне климаттың өзгеруі мәселелеріне қатысты өз көзқарасын ұсынды

14.07.2018

Қазақстандық әнші «Славян базары» халықаралық байқаудың финалына өтті

14.07.2018

Депутаттар Маңғыстау облысындағы спорт мектебіне барды

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

Әлисұлтан ҚҰЛАНБАЙ, «Егемен Қазақстан»

Ормуз бұғазы жабылған жағдайда...

Осы айдың басында Иран Ислам Рес­публикасының президенті Хасан Рухани Швейцария еліне жасаған сапары кезінде мұнай импорттаушы мемлекеттер Иранның мұнайын сатып алмаған жағдайда Ормуз бұғазын жауып тастайтындарын мәлімдеді. Президенттің бұл мәлімдемесі АҚШ билігінің Иран мұнайын сатып алмауға өз одақтастарын ықтиярсыз көндіруге бағытталған қысымына байланысты болса керек.

Қорғанбек АМАНЖОЛ, «Егемен Қазақстан»

Жалғыздық жыры

Жақында жастық шағында жарқылдап дәурен сүрген, марқұм ағамызбен бақытты ғұмыр кешкен, қазір сексеннің сеңгірін саялаған бір жақсы апамыздың көңілін сұрап, халін білгенбіз. 

Жолдыбай БАЗАР, «Егемен Қазақстан»

«Қарты бар ел – қазыналы ел»

Осыдан 4 жыл бұрын Еңбек және халықты әлеуметтік қорғау министрлігі елімізде 2030 жылға қарай егде жастағы адамдардың үлесі (2014 жылы – 6,9 пайыз) 11,2 пайызға жетеді деп болжам жасаған болатын. Алайда, бүгінгі жағдай жоғарыдағы көрсетілген жорамалды теріске шығарғандай. Өйткені Қазақстанда қазірдің өзінде жасы 60-тан асқан тұрғындар саны 12 пайызға көбейіп, өмір сүрудің орташа ұзақтығы 72 жасты көрсетіп отыр.

Сайраш ӘБІШҚЫЗЫ, Қазақстанның білім беру ісінің құрметті қызметкері

Аралас тілді мектеп – ана тілімізге тұсау

 Қазақ мектебінің кезең-кезеңімен латын әліпбиіне көшетіні айқын болды. Тіл тұғырын бекемдейтін тарихи кезеңнің көшін бастау – қазақ мектебін орта білім беру ісінде бағдаршам болатын деңгейге алып шығатыны анық. Жауапты кезеңде бастауыш буынның бірінші сыныбынан араластілділік туғызып, ағылшын тілін қосақтау – қазақ мектебінің мемлекеттік маңызды міндет биігінен көрінуіне көп кедергі келтіруі мүмкін. Араластілділік мек­теп табалдырығын аттаған балауса ұрпақтың еркін білім алуына бөгет болатыны қоғамдық ортада наразылық туғыз­ғаны орынды. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу