«Ембімұнайгаздың» ертеңі жарқын

Қазақ мұнайының қара шаңырағы саналатын «Ембімұнайгаз» АҚ биыл 95 жылдық мерейтойын үлкен ұйымшылдықпен атап өтті. Ең бастысы компания бұл мерекеге серпінді жобалармен аяқ басты. 

Егемен Қазақстан
25.12.2017 1899
2

2014 жылы мұнай бағасының құлдырауына байланыс­ты әлемдегі ірі мұнай компанияларының жұмыс­тары тоқтап, мыңдаған жұмысшылар қысқартуға ұшырағаны есімізде. Сондай экономикалық қиын сәтте де «ҚазМұнайГаз» Барлау Өндіру» АҚ еншілес компаниясы «Ембімұнайгаз» АҚ қызметкерлерін қысқартуға және мұнайшыларға арналған әлеуметтік пакеттердің нашарлауына жол бермеді. Нарықтағы бағаның құбылмалы жағдайынан өзгеріске дер кезінде бейімделе білген компания ғана табысты шығады. Бұл орайда «Ембімұнайгаз» әртүрлі бағыттағы ауқым­ды жобаларды жүзеге асыруды қолға алып отыр. Оның тарихында алғаш рет газ бағытында белсенді жұмыстар басталды.

«Ембімұнайгаз» АҚ басқарма төрағасы Әнуар Жақсыбеков толымды табыстың кілті ұжымдық бірлікте, татулықта екенін баса айтады. «Заман талабына сай болу, өркениет көшінен қалмау – біздің ұстанған бағыты­мыз. Кез келген жаңалықты оң нәтижеге жеткізетін – кәсіби мамандар, талантты жастар. Сол себепті компанияның басты құндылығы – өз жұмысшылары. Бұл орайда мамандарды қайта даярлау арқылы әлем елдеріндегі жаңалықтар мен жаңа технологияларды Ембі өндірісі­не батыл енгізуді қолға алып отыр­мыз. Нәтижелері жақсы. Соңғы 4-5 жылда білікті мамандар күшімен бірнеше жобаны іске қостық», дейді ол.

Енді ауқымды жұмыстарға кеңірек тоқталсақ. «Ембімұнайгаз» АҚ Қаратон-Сарықамыс, жаңа ашулар перспективасына ие Тайсойған және Лиман барлау блоктарында геологиялық барлау жұмыстарын батыл жүргізуде. Мұн­дағы негізгі бағыт ресурстық қор­дың азаюына орай қорды көбейту үшін гео­логиялық барлау және жаңа актив­терді сатып алумен байланыстыры­­ла­ды. Сондықтан компания геологиялық барлау жұмыстарының көлемін өсіріп, өнім беріп тұрған кен алаңдарында барлау жұмыстарын жүргізуде. Нәти­же­сін­де тұзүсті және тұзасты перспек­ти­ва­лы құрылымдар, алдағы уақытта геоло­гиялық барлау жұмыстары жүргізілетін жаңа алаңдар анықталды. Әрине, мұнай бағасының төмендеуі кезінде геоло­гиялық барлау жұмыстарын инвестициялау шығындарын бақылауда ұстап тұру керек. Қолға алынған жобалардың мақсаты да өндіріс шығындарын оңтайландыру мен еңбек тиімділігін арттыруды көздейді.

Биылғы маусымда Атырау облысы Жылыой ауданы аумағында орналасқан Ембінің ең ірі кеніші – Прорва кен алаңында жылына 150 миллион текше метр қуатпен жұмыс істейтін Ілеспе газды дайындау қондырғысы іске қосылды. Бұл жоба жұмысына елімізде тұңғыш рет қышқыл газды күкірттен тазартуға арналған «Mеrichem» фирмасының «Lo-cat» патенттелген технологиясы қолданылуда. «Ембімұнайгаз» АҚ энергетикамен қамту және газ шаруа­шылығы жөніндегі басқарушы директоры Бауыржан Сейтқазиев зауытты іске қосу арқылы 150 миллион текше метр газды қайта пайдаға асыруға жол ашылғанын айтады. «Прорва кен орындары тобындағы ілеспе мұнай газын күкірттен тазарту қондырғысы – көп­тен күттірген әрі өндіріске өте қажетті жоба. Қанша жылдар бойы ілеспе газды ауаға жағуға мәжбүр болдық. Қазір бұл мәселе түбегейлі шешілді. Атал­ған қон­дыр­ғының арқасында өнім өндіру көр­сеткішін арттырумен қатар, тазар­тыл­ған газ, газ конденсаты және түйіршікті кү­кірт сияқты жаңа тауарлық өнімдер шы­ғаруға мүмкіндік туып отыр», дейді ол.

«Ембімұнайгаз» АҚ алдағы уақыт­та ілеспе газды өңдеу арқылы алатын тауарлардың қатарын көбейтуді жоспарлауда. Болашақта ілеспе мұнай газынан дайын өнім алып, сұйылтылған газ, метанол, синтетикалық мұнай сияқты өнімдер шығару да күн тәртібіндегі өзекті жайттар.

Компанияда өндірістік шығын­дар­ды айтарлықтай азайтатын тағы бір қанатқақты жоба – Газ-поршен электр стансасы құрылысы жұмысын бас­тады. Оны іске қосу арқылы компания өндіріс алаңдарын толығымен электр энергиясымен жабдықтауды күшейтпек. «Жайықмұнайгаз» мұнай-газ өндіру басқармасының Оңтүстік-шы­ғыс Қа­мысты мен Забурын кен алаң­­дарында қол­ға алынған жоба енді «Доссор­мұнайгаз» бен «Жылыой­мұнай­газ» бас­қар­маларының кен алаң­­да­рын­да да қолға алынады. «Жайық­мұ­найгаз» мұнай-газ өндіру басқар­ма­сын­да енгізілген «Көлікпен қамту үде­рі­сінің тиімділігін арттыру» жобасы да тиімділігін көрсетіп үлгерді. Бүгінде бұл жоба басқа өнді­рістік құрылымдық бөлім­шелерге таратылуда. Нәтижесінде отын­ға кеткен шығындар 20 пайызға дейін азайып, автокөлік пен арнаулы тех­ника паркін пайдалану тиімділігі артуда.

Экологиялық талаптарды сақтаумен және мұнай өндірісін тұрақтандырумен қатар, ілеспе газды кешенді дайындау қондырғысы тауарлық газ, ішкі және сыртқы нарыққа сату үшін түйір­шік­телген күкірт пен жеке қажетті­ліктерге пайдалану үшін тұрақты газ конденсатын шығарады. Мұндай қон­дыр­ғы­лар қазір «Доссормұнайгаз» бас­қарма­сына қарасты Шығыс Мақат және «Жайықмұнайгаз» басқармасының С.Бал­ғымбаев кен алаңдарында жұмыс істеп, Атырау облысының Қызыл­қоға, Ма­қат, Исатай аудандары тұр­ғын­­дары­ның көгілдір отынға деген сұ­раны­сын же­­ңіл­­детілген бағамен қамтамасыз етуде.

«Қайнармұнайгаз» басқармасының Уаз кен алаңындағы Интеллектуалды кен алаңы концепциясы – компанияның шығындарды оңтайландыру мақсатында қолға алған жобаларының бірі. Ол технология онлайн режім арқылы мұнай өндіру­дің барлық сатысының параметрлерін бақылап, нәтижесін диспетчерлік пункт­ке жібереді. Ал онда оператор жедел түрде шешім қабылдай алады. Сонымен қатар барлық ақпарат параллельді түр­де «Ембімұнайгаз» АҚ Өндірістік про­цесті бақылау және Астана қаласын­дағы «ҚазМұнайГаз» Барлау Өндіру» АҚ Сараптау және шешім қабылдау орталықтарына келіп түседі. Ақпарат мұнда да сараптаудан өтіп, ұзақ мерзімді жоспарлар құрылады. Интеллектуалды кен алаңы жобасы аясында Уаз кен алаңында өткен жылы ұңғымалық қондырғыларды оңтайландыру және ұңғымаларды пайдалану коэффициентін арттыру негізінде 1,24 пайызға артық қосымша мұнай өндірілді. Бұған қоса электр энергиясын 33 пайызға қысқарту, ұңғымаларды жөндеуге кеткен шығынды 25 пайызға азайтуға қол жеткізілді.

Бүгінде компанияда 5 мыңнан астам адам еңбек етеді. Онда экономикалық жағдайларға қарамастан, қызметкерлер мен әлеуметтік тұрақтылыққа басым­дық берілген. Яғни бос орындар қызмет­керлерді бір жұмыс орнынан екіншісіне ауыстыру арқылы ғана пайда болады. Ол үшін мамандар даярлаудан немесе қайта даярлаудан өтеді. Осы жерде атап өтерлігі, әлем нарығындағы мұнай бағасының төмендеуі салдарынан өндіріс шығынын оңтайландыру мақсатында компания кәсіби емес еңбек түрлеріндегі жұмыс орындарын жауып, ол қызметтерді аутсорсингтік жүйеге көшірді. Компания кадрлық қызмет саласында да бірнеше жобаны жүзеге асыруда. Оның ішінде кадр резерві, мамандарды қысқа және ұзақ мерзімді оқыту, дуалды оқыту бағдарламасы бар. Сонымен қатар «Ембімұнайгаз» 58 жас­тан бастап зейнеткерлік демалысқа шығу бағдарламасын іске қосты. Енді еңбек өтілінің көп уақытын ауыр жұмыста өткізген, денсаулығында кінәраты бар мамандар мерзімінен бұрын зейнетке шыға алады.

Жер қойнауын пайдалану жөнін­дегі келісім аясында компания жыл са­йын Өңірлік инфрақұрылымды дамыту бағдарламасына белсене қатысады. Биыл «Ембімұнайгаз» АҚ бұл бағытқа 840 млн теңге бөлді. 2016-2017 жылдары бөлінген қаражат игеріліп, биыл бірқатар әлеуметтік нысандардың құрылысы аяқталып, пайдалануға берілді. Олар – Қызылқоға ауданының Сағыз және Тасшағыл ауылдарындағы екі пәтерлі 5 үй, 100 орындық балабақша, Мақат ауданындағы 300 орындық О.Сарғұнанов атындағы орта мектеп, Исатай ауданының Тұщықұдық және Жанбай ауылдарындағы «Құлыншақ» балабақшасына жапсаржай және 200 орындық мәдениет үйі. Қазіргі таңда Қызылқоға ауданының ауылдарында 424 орындық орта мектептің, 290 орындық балабақшаның, фельдшерлік-акушерлік бөлімшенің, бюждеттік мекеме қызметкерлеріне арналған 10 үйдің, Исатай ауданының Аққыстау ауылындағы дене шынықтыру-сауық­тыру кешенінің құрылыс жұмыстары жалғасуда.

Қолға алынған жобалар мен мақ­саттар Ембі өндірісіне жаңа серпін әкелді. Алайда мұнайшылар бұл табыс­пен тоқмейілсімей, алдағы күнге үлкен жоспарлар құрып отыр. Мәселен, келесі жылы тереңдігі 6 000 метр болатын ұңғыманы бұрғылау басталмақ. Терең бұрғылау жұмыстары Прорва кен орындары тобына жататын кеніштерде басталады. Бұл жұмыстар Қаратон-Сарықамыс келісімшарты бойынша жүзеге асырылады.

Асхат РАЙҚҰЛ,

«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Қ.Тоқаев Мюнхен конференциясына қатысты

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу