Жобаның басты мақсаттары әлемдік атом энергетикасын дамытуды қолдау мен ядролық қаруды таратпау тәртібін нығайту екенін айтқан Президент мұның ел көшбасшылығымен байланыстырды.
«Ядролық қарудан бас тартуымыз, полигонды жабуымыз сынды бастамаларымыз әлем алдындағы ұстанымдарымызды толық айшықтайды. Ядролық отын банкі бұл уақыт талабы. «Елімізде бейбіт мақсатта қолдануда атом станциясын салуды қалаймыз» деген Иран мәселесі көрсетіп берді. Уранды бейбіт жолмен қолдануға ешкім тыйым сала алмайды. Ол үшін жанармайды қайдан алады? Осы себепті Қазақстандағы электростанцияларға арналған отын банкін салуды ұсындық. Бұл – қағида мен сенім. Бұл алаңда ядростанция салғысы келетіндер жанармай алу арқылы электростанциялар құра алады. Ядролық отын қорының құрылуы кез келген елдiң бейбiт уран өнiмiне қол жеткiзуiне мүмкiндiк тудырады. Уран байытуда технологиялары жоқ елдер өздерiнiң елдерiнде атом электр стансасына отын сатып алады. Қазір технология құру соншалықты қиын дүние емес», деген Елбасы ядролық қаруды таратпау жөніндегі Қазақстанның бейбіт ұстанымы екенін алға тартты.
