Елімізде көлік қатынасының қарқыны артты

«Нұрлы жол» мемлекеттік бағдарламасы аясында мыңдаған шақырым автожолдар күрделі жөндеуден өтіп, көлік қатынасы артқан. Инфрақұрылым жақсарып, тасымал күшейген. Бұл туралы кеше Үкімет үйінде өткен баспасөз мәслихатында айтылды.

Егемен Қазақстан
26.12.2017 402

Брифингке Инвестициялар және даму министрлігінің Көлік комитеті мен Автомобиль жолдары комитетінің басшылары қатысып, «Нұрлы жол» бағдарламасын іске асырудың нәтижелерін баяндады. Автомобиль жолдары комитетінің төрағасы Мереке Пішембаевтың айтуынша, Нұрлы жол» бағдарламасы аясында 2015-2016 жылдар аралығында I және II техникалық санаттарға ауыстыру арқылы 1,3 мың шақырым автожол қалпына келтірілген.

«Батыс Еуропа–Батыс Қытай транзиттік дәлізінде, Астана–Теміртау, Алматы–Қапшағай, Қапшағай–Балпық би, Бейнеу–Шетпе және Көкшетау–Петропавл бағыттарындағы қозғалыс толығымен ашылды. Сондай-ақ Павлодардағы Ертіс өзені арқылы өтетін ұзындығы 12 шақырымдық ірі көпір өткелінің құрылысы аяқталды», деді комитет төрағасы.

Биыл Теміртау – Қарағанды учаскесінде, Орталық–Оңтүстік жобаларында, жалпы ұзындығы 1,2 мың шақырым болатын Астана – Павлодар – Семей – Қалбатау, Бейнеу – Ақтау, Ақтөбе – Атырау, Қапшағай – Талдықорған, Астана – Петропавл және Орал – Каменка учаскесінде Орталық – Шығыс жобалары аясында құрылыс жұмыстары жалғастырылды. Сонымен қатар ұзындығы 511 шақырым болатын Бейнеу – Ақжігіт, Щучье – Зеренді, Таскескен – Бахты, Үшарал – Достық, Осинов тас жолы, Қостанай – Денисов секілді алты жоба бюджеттік қаражат есебінен іске асырылуда.

Сондай-ақ еліміздің көліктік әлеуетін дамыту мақсатында жетекші халықаралық қаржы институттарымен бірлесе отырып, ұзындығы 3 мың шақырымнан асатын 12 жобаны жүзеге асыру жоспарланып отыр. Бұл өңірлердегі экономикалық белсенділіктің өсуін қамтамасыз етпек.

Бағдарлама аясында 2020 жылға қарай жөндеу жұмыстары жоспарланған, оның жыл сайынғы қамтуы – 1,5 мың шақырымға жуық.

«Нұрлы жол» бағдарламасын іске асырудың әлеу­мет­тік маңызы да орасан. Бұл ретте комитет төрағасы 2015 жыл­дан бастап 70 мыңнан астам жұмыс орны ашыл­ғанын, 2018 жылы тағы 25 мыңын ашу жоспарда бар еке­нін айтты. Сонымен қатар қазақстандық қамту үлесі 90 пайызға тең.

Ал Көлік комитеті төрағасының орынбасары Дмитрий Потловтың мәлімдеуінше, Алматы – Шу учаскесінде жалпы ұзындығы 112,37 шақырым екінші жолды салу жобасын жүзеге асыру бойынша жұмыстар биылғы жылдың қарашасында аяқталған. Жобаны жүзеге асыру учаскенің өткізу қуатын күніне 17-ден 68 жұп пойызға дейін арттырды және пойыздың жол жүру уақытын 1,5 есеге қысқартуға мүмкіндік берді. Оның айтуынша, 2016 жылғы желтоқсанда Құрық портында жылына 4 млн тонна жүк тасымалдайтын темір жол паром терминалы іске қосылды. Онда операциялар басталған кезден бері шамамен 1,3 миллион тонна жүк өңделген. Қазіргі уақытта жылына 2 млн тонна жүкті өңдейтін жобаның екінші кезеңін іске асыру жалғасуда. Биыл 6 желтоқсанда өткен индус­трияландыру күні аясында Құрық портындағы автокөлік паром терминалы сынақтан өткізілді. 2018 жылы 2 кезең нысандарының құрылысын аяқтау жоспарлануда. Жалпы алғанда, жобаны аяқтағаннан кейін Каспий теңізіндегі теңіз порттарының өткізу мүмкіндіктері жылына 26 млн тоннаға дейін жеткізілмек.

2017 жылдың 30 мамырында Астанада жаңа «Нұрлы жол» вокзал кешені іске қосылды. Жаңа вокзал кешені 52 пойызға қызмет көрсетеді. Олардың ішінде 16 жоғары жылдамдықты «Тұлпар-Тальго», 22 және 14 қала маңындағы электрлі пойыздар бар.

Динара БІТІК,
«Егемен Қазақстан»

СОҢҒЫ ЖАҢАЛЫҚТАР

18.02.2018

Иранда 60 жолаушысы бар ұшақ апатқа ұшырады

18.02.2018

Эфиопияда төтенше жағдай жарияланды

18.02.2018

18 ақпанға арналған ауа райы болжамы

18.02.2018

Өскеменнің әкімі грейдермен қар тазалады

17.02.2018

Асқар Жұмағалиев Шымкентте цифрландыру жобаларымен танысты

17.02.2018

Білім министрлігі балалардың әлеуметтік желілердегі белсендігін бақылауға шақырды

17.02.2018

Головкин - "Канело" екінші жекпе-жегіне арналған трейлер шықты

17.02.2018

Жанат Жақиянов кәсіби бокстағы карьерасын аяқтады

17.02.2018

Болгарияда Қазақстан туралы деректі фильмдер көрсетіледі

17.02.2018

Астанада тұңғыш рет инклюзивті спорт фестивалі өтеді

17.02.2018

Нұрсұлтан Назарбаевтың Қытайдың CCTV арнасына берген сұхбаты жарияланды (видео)

17.02.2018

Павлодарда Достық фестивалі өтті

17.02.2018

Мексиканың оңтүстігінде 7.2 балдық жер сілкінісі болды

17.02.2018

Белгілі жазушы-драматург Рахымжан Отарбаев дүниеден өтті

17.02.2018

Н.Назарбаев: Мемлекеттер арасындағы сенім мәселесі өте маңызды

17.02.2018

17 ақпанға арналған ауа райы болжамы

16.02.2018

Елбасы Қытайдың «Бір белдеу-бір жол» бастамасына қосылудың пайдасын түсіндірді

16.02.2018

Қазақстан халқы 1 қаңтарда 18 млн 157 мыңға жетті

16.02.2018

Астанада Тұңғыш Президент Қоры сыйақысының лауреаттары марапатталды

16.02.2018

Сенатта жол-көлік оқиғаларының алдын алу бойынша уәкілетті органдармен кездесу өтті

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Пассионар

Гумилев анықтамасына жүгін­сек,­ пассионарлық – жұлдыздардың әсе­рімен, табиғат пен тарихаттың қи­лы­ дүмпулерімен қайталанып тұра­тын­ заңды құбылыс. Пассио­нарлар бой­­­ларында тасыған күш-қуат­ты, жү­рек­теріндегі жалын жі­гер­ді айнала тө­ңірегін, келе-келе күллі қауым-жұр­тын өзгерту ора­йын­дағы мақсатты жұ­мысқа жұм­сайды. Олай болса, пассио­нарларды қоғамдық қозғалыстың не­ғұрлым белсенді тегершіктері, жа­ңа­шылдар, жасампаздар десек те жа­раса­ды.

Сейфолла ШАЙЫНҒАЗЫ, «Егемен Қазақстан»

Айтушың қандай, ағайын?

«Айтушы ақылды болса, тыңдау­шы дана болады» дейді халық ма­қа­лы. Осы бір тәмсілдің өн бойында үл­кен ұлағат жатқанына шек кел­ті­ру­дің өзі күнә. 

Думан АНАШ, «Егемен Қазақстан»

Блокчейн: сый мен сын

Таяуда Үкіметтің кеңейтілген отырысында Мемлекет басшысы Қаржы министріне қарата айтқан сөзінде блокчейн технологиясын са­лық жинау жүйесінде қолдануды құп­таған болатын. Бұл – бүкіл әлем­ге сыйы мен сынын қоса әкеле жат­қан төртінші өнеркәсіптік рево­лю­цияның бір жаңалығы.

Әлисұлтан ҚҰЛАНБАЙ, «Егемен Қазақстан»

Ұзаққа созылған келіссөз

Германия канцлері Ангела Меркель жетекшілік ететін Христиан демо­кра­­тиялық одағы және Христиан со­циа­лис­тік одағы Германия социал-демо­­кра­тиялық партиясымен ұзақ­қа созылған келіссөздерден соң, коали­ция­лық үкімет құру бойынша мәмілеге келді. Келіссөздер барысында, сондай-ақ ортақ бағдарлама да бекітілді. Ал Бундестаг (парламент) сайлауы 2017 жылдың 24 қыркүйегінде өткен болатын.

Дархан ӨМІРБЕК, «Егемен Қазақстан»

Қалтафондағы қауіпті қосымша

Бұған дейін хабарлағанымыздай, өткен аптаның соңында Ақпа­рат және коммуникациялар ми­нистр­лігі «Дербес деректер және олар­ды қорғау туралы» Заңға қай­шы келгені үшін GetContact мобильді қосымшасының еліміздегі қолданысына шектеу қой­ған еді. Бірер күн бұрын Әзер­бай­жан да қосымшаға тыйым салған бола­тын. Қазақстандық қалтафон қол­дану­шылары бар болғаны бір ғана күн пайдаланған бұл қосымша несімен қауіпті еді? Жеке ақпаратты саудалайтын мұндай қосымшаларға төтеп беруге бола ма?

Тағы да оқу

Пікірлер(0)

Пікір қосу