Мәжіліс сессия жұмысын қорытындылады

Кеше Парламент Мәжілісінің жалпы отырысы өтті. Палата Төрағасы Нұрлан Нығматулин жетекшілік еткен бұл жиында бірқатар заң жобалары мақұлданып, сессия басталғаннан бергі төрт ай ішінде атқарылған жұмыстар қорытындыланды.

Егемен Қазақстан
28.12.2017 2360
2

Бұл басқосу биылғы жылдың соңғы отырысы екендігін айтқан Н.Нығматулин 2018 жылдың алғашқы жұмыс аптасы депутаттардың аймақтарға сапарларымен басталатындығын мәлім етті. «Біздің жаңа жылдағы жұмысымыз әдеттегідей сайлаушылармен кездесуден басталады. Бұл халқымыз үшін де, біз үшін де өте маңызды әрі қажетті шаралар. Себебі, Елбасымыз бізге әрқашанда халықпен тікелей жұмыс істеп, елімізді жаңғырту мақсаттарын түсіндіру туралы нақты тапсырмалар беріп келеді. Сондықтан әрбір ауылға барып, барлық бастамаларды және оларды заң жағынан қолдау жұмыстарын азаматтарға жеткізу, бұл – біздің басты міндетіміз. Сол үшін Мәжіліс Бюросының арнайы шешімі қабылданып, депутаттардың аймақтарға сапары жоспарланып отыр», деді Н.Нығматулин. 

Палата Төрағасы атап өткендей, Мәжіліс қызметі Елбасы Нұрсұлтан Әбішұлы Назарбаевтың ағымдағы сессияның ашылуында жүктеген міндеттерін заңнамалық тұрғыдан қамтамасыз етуге бағытталды. Сессия басында 80 заң жобасы жұмысқа қабылданып, оның 42-сі қаралып, мақұлданған. Оның ішінде 12 заң жобасына депутаттар өздері бастамашы болса, Парламент қабылдаған 27 заңға бүгінде Мемлекет басшысының қолы қойылып, өз күшіне енді. Ал ағымдағы сессия жұмысын түйіндеген Мәжіліс Төрағасы «2018-2020 жылдарға арналған республикалық бюджет туралы», Салық кодексі, Кедендік реттеу, сондай-ақ Қазақстанның кейбір конституциялық заңдарына өзгерістер енгізу, Әкімшілік құқық бұзушылық және Ақпарат және коммуникация туралы заңдардың жобалары мен «Жер қойнауы және жер қойнауын пайдалану туралы» кодекс жобасы сияқты мақұлданған бірқатар маңызды құжаттарды атап өтті.

Содан кейін жалпы отырыстың күн тәртібіне сай, депутаттар «Қазақстан Рес­пуб­ликасының Үкіметі мен Ресей Федера­ция­сының Үкіметі арасындағы «Байқо­ңыр» ғарыш айлағынан ұшыру кезінде та­сы­малдағыш зымырандардан бөлінетін бөліктердің құлау ауданы ретінде Қа­зақ­стан Республикасының аумағындағы жер учаскесін беру және пайдалану шарттары туралы келісімді ратификациялау тура­лы» заң жобасын талқылап, зымыран бө­лік­тері құлайтын жерге қатысты құжатпен жұмыс істеу мерзімін ұзартты. Бұл келісім­мен «Союз» үлгісіндегі зымыран тасы­мал­дағыштан бөлінетін бөліктердің құлау ауданы ретінде жер учаскесін Ресей Фе­де­рациясының пайдалануы үшін Қазақ­стан Республикасы тарапының ұсынуы тұрғысында ұйымдастырушылық-құ­қықтық негіздер белгіленеді. Ал Халық­аралық істер, қорғаныс және қауіпсіздік комитетінің мүшесі Жанат Жарасов аталған заң жобасына қатысты жасаған баяндамасында құжатты қарастыру мерзімі 2017 жылдың 31 желтоқсанына дейін деп нақтыланғанын тілге тиек етті. «Биылғы 23 қарашада Қорғаныс және аэроғарыш өнеркәсібі министрлігінен хат келіп, онда заң жобасы тұрғысында қорытындыны даярлау мерзімін 2019 жылға дейін ұзарту өтінімі қамтылды», деді депутат.

Айта кетейік, бұл құжат қазіргі кезде әзірленіп жатқан «1995 жылғы 23 желтоқсандағы Қазақстан Республикасы мен Ресей Федерациясы арасындағы Байқоңыр қаласының мәртебесі және ондағы атқарушы органдарды құрудың тәртібі мен олардың мәртебесі туралы келісімге өзгерістер енгізу туралы хаттаманы ратификациялау туралы» заң жобасымен бір мезгілде қарастыру қажеттігіне байланысты болып отыр.

Осыдан кейін отырыс аясында «Қазақ­стан Республикасының кейбір заңнамалық актілеріне балалардың денсаулығы мен дамуына зардабын тигізетін ақпараттан қорғау мәселелері бойынша өзгерістер мен толықтырулар енгізу туралы» заң жобасы бірінші оқылымда мақұлданды. Ал заң жобасын депутат Бекболат Тілеухан таныстырып, қосымша баяндаманы Әлеуметтік-мәдени даму комитетінің мүшесі Сауытбек Абдрахманов жасады.

«Балалардың ақпараттық қауіпсіздігі үшін елімізде компьютерлік ойындарға сараптама жасалады. Біріншіден, балалардың денсаулығына және дамуына зардабын тигізетін ақпараттан қорғау саласындағы мемлекеттік саясаттың принциптері айқындалды. Екіншіден, зиянды ақпараттық өнімдердің айналымын тоқтатудың құқықтық жолдары көрсетіліп отыр. Үшіншіден, телерадио және кино өнімдерін эфирде таратудың балаларға қолайлы уақыты белгіленеді. Төртіншіден, компьютерлік электронды ойындардан балалардың ақпараттық қауіпсіздігін қамтамасыз ету мақсатымен сараптама жасаудың құқықтық мүмкіндігі молынан туғызылды», деді Б.Тілеухан.

Оның айтуынша, мемлекеттік атқару органдарының балаларды зардапты ақпараттық өнімдерден қорғаудағы өкілеттіктері бірнеше рет сараланып отыр. Жобаның тағы бір ерекшелігі, балаларға арналған ақпараттың жекелеген түрлерін таратуға қойылатын қосымша талаптар деген жеке бап енгізіледі. Осы бапқа сәйкес, мектепке дейінгі балалар ұйымдарында балаларды оқыту және тәрбиелеу үшін пайдаланылатын ақпараттық өнімнің мазмұны мен безендірілуі қадағаланбақ. Ал мұндай бақылау білім жүйесінде де жүзеге асырылады деп нақтыланған. Депутат С.Абдрахмановтың пікірінше, заңның нақты жұмыс істеуі ата-аналарға, олардың өз балалары, немерелері үшін жауапкершілігіне тікелей қатысты. «Мектептерде «ақ интернетті» қанша жерден енгізгенімізбен ата-аналар баласының тәрбиесіне тиісінше көңіл бөлмесе, яғни не көріп жүргеніне, қай кезде теледидар алдында отырғанымен ісі болмаса, өзінің компьютерін балаларының беталды ашып отыруына жол беріп отырса, гаджетін кез келген жерге тастай салатын болса, сондай-ақ баласына жаны ашығандықтан немесе жұбату үшін көңілін аулауға қолына смартфонын берсе, онда бұл заңнан нақты нәтиже шығуы өте қиын», деді ол.

Айта кетейік, заң жобасында Қазақстан Республикасының 1 кодексі мен 3 заңына өзгерістер мен толықтырулар енгізу көзделген.
Отырыс соңында депутат Зағипа Балиева мен Владислав Косарев өз құзыреттері шеңберінде тиісті ведомство басшыларының атына депутаттық сауалдарын жолдады.
 

Нұрлыбек ДОСЫБАЙ,
«Егемен Қазақстан»

СОҢҒЫ ЖАҢАЛЫҚТАР

17.12.2018

Зеренді ауданында энергияның тиімділігін арттыру мәселесі талқыланды

17.12.2018

Ә.Жақсылықов: Тауарлы-сүт фермасын құрып, 100 бас сиыр ұстаудамыз

17.12.2018

Шортанды ауданында Абылай ханға ескерткіш орнатылды

17.12.2018

Көкшедегі тәуелсіздік тойы

17.12.2018

Қобда ауданының тұрғындары баспаналы болды

16.12.2018

Түркияда еліміздің тәуелсіздік күні мерекесі тойланды

16.12.2018

Тұңғыш Президенттің тариxи-мәдени орталығына Елбасы көлігі қойылды

16.12.2018

Шымкенттіктер «Елбасы жолы. Астана» көркем фильмін тамашалады

16.12.2018

Тәуелсіздікке тарту: Шымкенттің екі ауданында ашық ойын алаңшалары ел игілігіне берілді

16.12.2018

ШҚО-да тұрғындар үшін басын қатерге тіккен мемлекеттік қызметкер «Құрмет» орденін алды

16.12.2018

Өскеменде жер үсті көпірі жұмыс істей бастады

16.12.2018

Жетісу жұрты Тәуелсіздік күні қоныс тойын тойлады

16.12.2018

Семейде «Абай әлемі» кітап сериясының тұсаукесер рәсімі өтті

16.12.2018

Қарағандылықтар Тәуелсіздік күніне орай мемлекеттік наградалармен марапатталды

16.12.2018

Тәуелсіздік күні қарсаңында Атырауда мемлекеттік марапаттар тапсырылды

16.12.2018

Тарихшылар «Тәуелсіздік – басты құндылық» тақырыбында отырыс өткізді

16.12.2018

Солтүстік Қазақстанның халық қалаулысы үздік депутат атанды

16.12.2018

Ақтөбеде ақын Фариза Оңғарсынованың құрметіне ескерткіш тақта орнатылды

16.12.2018

Түркістанда Тәуелсіздік күніне орай жас мамандар баспаналы болды

16.12.2018

Оралда тәуелсіздік құрметіне жаңа мектеп пен 180 пәтерлік үй пайдалануға берілді

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Baılyq jasaýshy sala

Árbir adam óz úıiniń ishinde qandaı zattar bar ekendigin jáne onyń qaı jerde turǵandyǵyn, qaı shkaftyń ishinde qandaı zattyń jatqandyǵyn, jertólesinde qandaı azyq túrleriniń saqtalyp turǵandyǵyn jaqsy biledi. Sondyqtan eshnársesin shashaý qaldyrmaıdy. Qajetine qaraı paıdalanyp otyrady. Al ózimizdiń ortaq úıimiz – Qazaqstanda qandaı zattar bar ekendigin, ásirese, jerimizdiń astynda qandaı mıneraldyq shıkizat kózderiniń shoǵyrlanǵanyn jáne olardyń qory qandaı ekendigin bilemiz be?

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

ҰҚСАС ЖАҢАЛЫҚТАР

Тағы да оқу

Пікір қосу