Өзімізден көрейік

Ауылды жерде «жақын туысынан, ағайыннан күшік, ит алып асырауға болмайды, итше ырылдасып қаласың» деген тыйым бар. 

Егемен Қазақстан
12.01.2018 6866

Арқабай туысы Әндірдің үйіндегі ала шұбар дүректің қос күшігін көріп қызыға түсті. Алайда әйелі Сусұлу әлгі тыйымды есіне салды. Оның үстіне өткен жолы Әндірдің өзі күшіктерін қайта-қайта мақтап Арқабайдың әуесін кетірген. Осы дүректің күшіктері төбет шығады. Себебі, итім Бәйдіктің Ақтырнақ атты төбетімен ылыққан, – деп дәлдік айтқаны бар. Бәйдіктің Ақтырнағы дегені – дене тұрқы есік пен төрдей зор төбет ит. Ақыры Арқабай Әндір туысқанының үйіне қайта-қайта барғыштап жүріп қос күшіктің бірін «зып» еткізді. Күшікті дереу қойларын қосып бағатын қойшы Қоспанның ауылына аттандырды. Содан күшік жаз бойы қойлы ауылда еркін жүрді. Күзге салым Арқабай күшікті қайта ауыл­ға алдырып алды. Ол уақытта желкесі күжірейіп, тісі ақсиып, бойы тарала өскен қоңқақ ірі дүректі Әндір түгілі Арқабайдың өзі танымай қалды. Тура енесі сияқты ала шабыр дүрекке айналған. Бірақ бір жаман қасиеті итаяғына жақындасаң сирағыңнан ала түседі. Жуындысын қызғана жейді екен. Қар түсе соғымның басы басталып қо­нақ шақырыс басталды. Әрине, ағайын-туыс, көрші-қолаң түгел шақырылды. Келген қонақтар астан кейін тысқа тыныстауға шықты. Бірі шақшасын шертіп, бірі шылымын шымшылап әжік-гүжік әңгімелесіп тұрған болатын. Иттің итаяғына Әндірдің қайдан жақындағанын кім білсін, ала дүрек Әндір туысқанының тір­сегінен ала түсіпті. Ал керек бол­са?! Ала құйын шабылыс басталды. Жедел жәрдем шақы­рылып, Әндірді салып алып кетті. Ертеңіне «қарғы бауы қай­да?», «неге бос жібересіздер?» деп полиция қызметкері, одан «төл­құжаты қайда?», «вакцина егіл­ген бе?» деп ветврач келіп тұр. Шақшадай басы шарадай болған Арқа­бай ауданға барып құжат жинап, итін тексерістен тексеріске өткізіп жүргенде отыз күн де өте шығыпты. «Несін айтасың кісіні құтырған ит қапса, отыз тоғыз күн өтіп қырқыншы күні құтырады екен» дегенді естіп уайыммен күн санап жүрді. Санаған отыз тоғыз күні өтіп, қырқыншы күні таңер­тең Арқабай ұйқыдан ояна сала Әндір туысының үйіне асыға жүгірді. Асыққанда жете алсайшы. Әндірдің әулісіне кіргенде есігінің алдында қар күреп жүрген Әндірді көріп: «Құтырмапты!», «Құтырмапты!» деп туысын қуана құшақтай алды.

Содан бері Арқабай ағайын түгілі алыстан ит алып асырамайтын болды. Иә, Алланың берген аз ғұ­мырында итше ырылдаспай, кү­шікше шәуілдеспей өткенге не жетсін!

Мақсат ҚАРҒАБАЙ

СОҢҒЫ ЖАҢАЛЫҚТАР

24.04.2018

Бүгін Үкімет отырысында қандай мәселелер талқыланды?

24.04.2018

Солтүстік Қазақстанда құс өнімдері сатылымнан алынып тасталды

24.04.2018

Солтүстік Қазақстанда асық атудан ел чемпионаты өтті

24.04.2018

Қазақстан мен Норвегия парламенттерінің ынтымақтастығы нығая түседі

24.04.2018

Майқайың кентінде дзюдо күресінен ашық турнир өтті

24.04.2018

Қостанайда үш тілде сөйлейтіндер қатары көбейіп келеді

24.04.2018

Сенат Төрағасының орынбасары «Единая Россия» партиясының өкілімен кездесті

24.04.2018

Назарбаев орталығында «Қазақ тіліндегі 100 жаңа оқулық» жобасы талқыланды

24.04.2018

Қостанайда «Тіл – парасат» атты облыстық байқау өтті

24.04.2018

Солтүстікқазақстандық жас бишілер бас жүлдемен оралды

24.04.2018

Гендік ауруды емдейтін әлемнің үздік дәрігерлері Қазақстанға келді

24.04.2018

СІМ: Торонтода зардап шеккендердің арасында қазақстандықтардың бар-жоғын тексеріп жатыр

24.04.2018

Қазақстанның 12 кеден бекетінде байланыс жылдамдығы ұлғайды

24.04.2018

Үкімет басшысы мал шаруашылығын дамытуды тапсырды

24.04.2018

Оңтүстікте «7-20-25» бағдарламасы бойынша 104 көпқабатты тұрғын үй салынып жатыр

24.04.2018

Қазақстанның жас ғалым-педагогтарының I Республикалық Слеті өтеді

24.04.2018

Петропавлда бірнеше отбасы баспанасыз қалды

24.04.2018

Қазақстан Ауғанстанда болған террорлық шабуылдарды айыптады

24.04.2018

Астанада инвестициялық форум өтеді

24.04.2018

Торонтодағы көлік шабуылынан 10 адам қайтыс болды

ТАҒЫ ЖҮКТЕУ
КОЛУМНИСТЕР

Ермухамед Мәулен, «Егемен Қазақстан»

Киберспортпен күнелткендер

Балаңыз телефон немесе теледидар арқылы түрлі ойындар ойнаса аса қатты қорықпаңыз. Ол қазір еріккеннің ермегі емес. Мұны қазіргі жаһанданған әлемде киберспорт деп атайды. Ғаламтордың дамуымен бірге бұл спорт қазір елімізде де белең ала бастады.

Сейфолла ШАЙЫНҒАЗЫ, «Егемен Қазақстан»

Не ішіп-жеп жүрсіз, ағайын?

Жақында Астананың ірі азық-түлік дүкенін аралап жүріп бір қыздың атағы бүкіл Қазақстанға танымал мүйізі қарағайдай компанияның сүтін іздеп таба алмай, ол неге жоқ деп жағалай сұрап жүргенін кө­ріп қалдым. 

Александр ТАСБОЛАТОВ, «Егемен Қазақстан»

Тажалға қарсы табанды күрес керек

Ашығын айту керек, есірткі мәселесі біздің елде өте күрделі. Ол небір отба­сының шаңырағын шайқалтып, айық­пас кеселге ұшыратып жатыр. Сондықтан да Елбасы «Таразының бір басында оны әкеліп, тарататын адамның өмірі тұрса, екінші басында соның  «көмегімен» қор болған есірткі тұтынушылардың ғұмыры тұр» деді.

Әлисұлтан ҚҰЛАНБАЙ, «Егемен Қазақстан»

Оқшауланудан – интеграциялануға

Алдымен мына мәселеге назар аударайық. Өткен жылы Өзбекстан президенті Шавкат Мирзиёев Қазақстан, Түрікменстан және Қырғызстан елдерінде сапарда болды. Биылғы жылдың наурызында ол Тәжікстанға мемлекеттік сапармен барды. Душанбе халықаралық әуежайында Ш.Мирзиёевті Тәжікстан президенті Эмомали Рахмонның өзі қарсы алды.

Қорғанбек АМАНЖОЛ, «Егемен Қазақстан»

Кісілік әліппесі

Жер бетінде сонау да сонау көз жеткісіз, көңіл сенгісіз небір ықылымдардан бері жасап келе жатқан заты адам баласының ең зарлы мақсаты не десе, ол – адам болу дер едік. Түр-сипатыңмен, тәніңмен ғана емес, жаныңмен, алпыс екі тамырыңдағы қаныңмен, бүкіл болмыс-бітіміңмен. 

Тағы да оқу

Пікірлер(0)

Пікір қосу