БҚО-да кəсіпкер көпір салды

Көпір – өзенді, сай-салалы елдің аса өзекті мәселесі. Мысалы Батыс Қазақстан облысы аумағынан Жайық өзенінің 500 шақырым бөлігі ағып өтеді. Бірақ көпір Орал қаласы тұсында ғана бар. Өзен бойындағы өзге жұрт қыстың күні мұз қатқанда болмаса, қалған уақытта өткел іздеп сабылып жүреді. Жайықтан бөлек Сарыөзен, Қараөзен, Қалдығайты, Өлеңті, Бұлдырты, Шыңғырлау секілді шағын өзендер де батысқазақстандықтардың бас ауруы болатын кезі аз емес.

Егемен Қазақстан
13.01.2018 1895
2

- Біздің Белогор ауылынан, қазір Ақтау дейміз, аудан орталығы Шыңғырлау селосына бара жолда Ащы және Шыңғырлау өзендері бар. Жазғытұры су тасығанда Шыңғырлау өзені бір ай өткел бермейтін. Ай бойы қайықпен қатынайтын едік. Жыл сайын жаздың бір айы осы жолдағы көпірді жөндеуге кететін. Су тасығанда тіпті кісі өлімі де болды. Ел азаматы Мерболат Тасмағамбетов халықтан бір теңге алмастан жаңа көпір салып отыр. Бүкіл ақтаулықтар қуанып, әр отбасы алғыс жаудырып жатыр, - дейді ауылдың ардақты қарты, ауданның құрметті азаматы Клим Бексейітов.

Белогор ауылдық округінде бүгінде 535 адам тұрады. Табиғаты әдемі, тарихи Торыатбасы тауы бар өңірден бір кездері халықтың жаппай көшіп кетуіне осындай жол қиындығы да әсер еткен шығар-ау. Жыл сайын көктемде айдан аса уақыт «аралда» қалатын ақтаулықтар енді бұл азаптан құтылды.

– Белогор ауылына барар жолда Ащы және Шыңғырлау өзендері ағып жатыр. Совет үкіметі кезінде де бұл жолға дұрыс көпір салынбаған. Ауыл тұрғындары 1991 жылдан бері көктемде өткел қиындығын тартатын. Өз күшімен жөндеп, жамап-жасқап қойған көпірсымақты жыл сайын көктемгі тасқын қиратып алып кететін. 2011 жылы мемлекет тарапынан қаржы бөлініп, Ащы өзеніне көпір салынды. Арнайы жобалық-сметалық құжаты жасалып салынған көпірге 250 млн теңге қаражат кеткен. Бүгін Шыңғырлау өзеніне салынған өткел де сапасы жағынан сол көпірден кем түспейді, - дейді Шыңғырлау ауданы әкімінің орынбасары Ержан Тұрмағамбетов.

Жаңа көпірді Мерболат Тасмағамбетов басқаратын «Жарас» ЖШС жұмысшылары 1 айдан аса уақыт ішінде салып шыққан. Түрлі ақпарат көздерінде «7 млн теңге жұмсалды» дегенімен, Мерболат Алғалиұлы шыққан шығын бұдан әлдеқайда көп екенін айтады. Мал шаруашылығымен, егін сақтаумен, құрылыс ісімен шұғылданатын қожалық бұл сауапты іске өз жұмысшыларын, техникаларын және өздері шығарған құрылыс материалдарын пайдаланған. «Ең алдымен көпірдің сапасына көңіл бөлдік» деген Мерболат Тасмағамбетов көпірден 40 тонналық көлікті өткізіп сынағанын, жаңа нысан сынақтан ойдағыдай өткенін айтты.

- Торыатбасы – бүгінде жасы 80-ге келген әкемнің туған жері еді. Бұл көпірді атажұртыма, ауылдастарыма құрмет ретінде, Алланың разылығы үшін ғана жасадым. Басқалай ойым, кәсіпкерлік мүддем жоқ бұл істе, - дейді бізге Мерболат Тасмағамбетов. «Көпір салу – сауапты істердің ең үлкені» дейді екен пайғамбар хадисінде. Елге пайдалы, өзге әріптестеріне үлгілі болған бұл істің бітуіне Батыс Қазақстан облысы әкімінің орынбасары Ғабидолла Оспанқұлов арнайы барыпты. Сөйтіп, «Жарас» ЖШС жетекшісі Мерболат Тасмағамбетовке және осындай бастамаларға үн қосып, демеушілік көрсетіп жүретін жергілікті тұрғын Таубай Мұқановқа алғыс хат табыс еткен.

«Бар болсаң, халыққа пайдаң тисін, Батыр болсаң, жауыңа найзаң тисін» деген ғой. Оқиға орнында болған шыңғырлаулық әріптесіміз Қаршыға Елемесов Мерболаттың мәрттігіне ел-жұрттың ықыласы ерекше болғанын айтады. Біз де осы көпірден өткен әр жанның алғысы сансыз сауап болып кәсіпкердің алдынан шықсын дейміз.

Қазбек ҚҰТТЫМҰРАТҰЛЫ, 

«Егемен Қазақстан»

Батыс Қазақстан

Суретті түсірген Қаршыға ЕЛЕМЕСОВ

СОҢҒЫ ЖАҢАЛЫҚТАР

17.10.2018

Халықтың әл-ауқатын арттыру басты назарда

17.10.2018

Сенатор Б.Шелпеков Маңғыстау облысына іссапармен келді

17.10.2018

Финляндияның бірқатар компанияларымен контейнерлік тасымалды дамыту жөніндегі келісімге қол қойылды

17.10.2018

Агенттіктің аумақтық департаментінде өзгеше форматта кездесу өтті

17.10.2018

Йеменде 18 миллион адам азық-түлікке зәру

17.10.2018

Әміре Қашаубаев фестивалінің бас жүлде иегері 1 миллион теңге алады

17.10.2018

Нұрсұлтан Назарбаев Карл Маннергейм бейіті мен «Батырлар кресі» ескерткішіне гүл шоғын қою рәсіміне қатысты

17.10.2018

Елбасы Финляндияға ресми сапарының қорытындысы бойынша БАҚ өкілдеріне брифинг өткізді

17.10.2018

Нұрсұлтан Назарбаев Финляндия Республикасының Президенті Саули Ниинистёмен кездесті

17.10.2018

Дзюдодан ел чемпионаты Астанада өтеді

17.10.2018

Елеусінов Монте-Карлода жұдырықтасады

17.10.2018

Сенаторлар Түркістан облысының тұрғындарымен кездесті

17.10.2018

«Батыс» өңірлік қолбасшылығында армиялық қоян-қолтық ұрыстың үздік жауынгерлері анықталды

17.10.2018

«Егеменнің» тілшісі Хамит Есаман жүлдегер атанды

17.10.2018

Алматы облысында екі ауданға жаңа әкім тағайындалды

17.10.2018

Альварес Головкинмен қайта жұдырықтасуға қарсы емес

17.10.2018

Маңғыстауда Қарақия ауданының 45 жылдығы тойланды

17.10.2018

Мемлекет басшысының Финляндия Республикасына ресми сапары жалғасуда

17.10.2018

Kazakhstan Fashion Week сән апталығы басталды

17.10.2018

«Орда» бағдарламасы-әлеуметтік жағынан аз қорғалған отбасылардың үлкен үміті

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

Анар ТӨЛЕУХАНҚЫЗЫ, «Егемен Қазақстан»

Qatygezdik vırýsy

О́tken ǵasyrdyń 80-jyldary rejısser R.Bykovtyń «Chýchelo» atty fılmi Odaq kólemindegi búkil eldi shýlatqan bolatyn. Kishkentaı ǵana 6 oqıtyn balalardyń boıynan sonshalyqty qatygezdikti kórgen qazaq qaýymy, bálesinen aýlaq, qalada ósken ózge ulttyń qatybastary ábden buzylyp ba­rady eken, bizdiń balalarymyzdan, keleshegimizden aýlaq dep shoshyǵan. Ol kezde mundaı zulymdyq qazaq balasynda kezdespeıtin jat qylyq sanalatyn. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу