Биыл мұғалімдердің 66 пайызының жалақысы көтерілетіні белгілі болды

Елбасының биылғы Жолдауында мұғалімдердің мәртебесін көтеруге ерекше маңыз берілді. Соның ең басты көрінісі – білім берудің жаңартылған мазмұнына көшкен ұстаздардың лауазымдық жалақысын осы жылдың 1 қаңтарынан бастап 30 пайызға көбейтілуі. Бүгін Үкімет үйінде өткен баспасөз мәслихатында биыл ел мұғалімдерінің 66 пайызының жалақысы көтерілетіні белгілі болды.

Егемен Қазақстан
15.01.2018 10508

Баспасөз мәслихатында журналистердің сауалына жауап берген Білім және ғылым вице-министрі Бибігүл Асылова педагогтардың жалақысы біртіндеп көтерілетінін жеткізді. Оның айтуынша, мұғалімдердің жалақысын көтеру білім берудің жаңа мазмұнына көшумен тікелей байланысты. Айталық, 2018 жылдың 1 қаңтарынан бастап білім берудің жаңартылған мазмұнына көшкен 1-ші, 2-ші, 5-ші және 7-ші сынып ұстаздарының лауазымдық жалақысы көбейеді. Ал қыркүйек айынан бастап, 3-ші, 6-шы және 8-ші сынып мұғалімдерінің жалақысы көтеріледі. Осылайша, 2019 жылдың қыркүйегінде 4-ші, 9-шы және 10-шы сынып ұстаздарының жалақысы артса, 2020 жылы 11-сынып мұғалімдерінің еңбекақысы жоғарылайды. Жолдауда айтылғандай, үстемеақы көлемі 30 пайызды құрайды.  Вице-министрдің сөзінен түсінгеніміз, мысалы, 15 жылдық еңбек өтілі бар бірінші санаттағы қала мұғалімінің бұрынғы алып жүрген жалақысының үстіне 24 мың теңге қосылады. Дәл осындай еңбек өтілі бар 1-санаттағы ауыл мұғалімінің жалақысына 25 860 теңге қосылады.

Қазіргі таңда еш санаты жоқ мұғалімдердің лауазымдық жалақысы 56 мың теңгені құрайды екен. Оның үстіне дәптер тексергені және кабинетке жетекшілік еткені бар қосымша 22 мың теңге үстемеақы қосылады. Осылайша, олардың бүгінге дейінгі жалақысы 78 мың теңгені құраған. Енді осы мұғалімдер білім берудің жаңартылған мазмұны бойынша оқытса, қалалық мұғалімдер жалақысына – 16 мың, ауыл деңгейінде – 21 мың теңге қосымша алады. Сөйтіп, қалада жұмыс істейтін педагогтардың айлығы – 96 мың теңге, ауыл мұғалімдерінің жалақысы 115 мың теңгені құрайтын болады.

Ал еңбек өтілі 25 жылдан жоғары ұстаздар қауымының жалақысы бүгінде 83 мың теңге болса, енді олардың үстіне қосымша 25 мың теңге қосылып, еңбекақысы 133 мың теңгеге жетті.

Сондай-ақ, биыл мұғалімдердің біліктілік деңгейін анықтау арқылы қосымша ақы тағайындайтын жаңа жүйе енгізіліпті. Жаңа жүйеге сәйкес, ұлттық біліктілік тестін тапсырып, өздерінің білімін растаған мұғалімдер жалақысын 20-50 пайызға дейін көтере алады.

Сондай-ақ жиында білім саласына жеке инвесторларды тарту мәселесі де сөз болды. Білім және ғылым министрлігі өкілдерінің мәліметінше, «Балапан» бағдарламасы жүзеге асырылғалы жекеменшік инвесторлардың қатысуымен 2 336 балабақша мен шағын орталық ашылған. Аталған бағдарлама жұмыс істеген 7 жылдың ішінде оған 900 млрд теңге бөлінген екен. Енді осы жұмыстарды әрі қарай жалғастырып, жекеменшік мектептерде мемлекеттік білім беру тапсырысын орналастыру мәселесі қарастырылып отыр. Осыған сәйкес білім туралы заңға өзгерістер де енгізілген. Б.Асылованың айтуынша, бұл бағытта қазірдің өзінде жақсы нәтижелер бар. Шымкент қаласында 2018 жылдың қыркүйек айынан бастап жергілікті бюджет қаражаты есебінен жекеменшік мектептерде 3310 орынға мемлекеттік тапсырысты орналастыру жоспарланса, биылғы қыркүйек айынан бастап, Астана қаласында республикалық бюджет қаражаты есебінен 3721 орынға мемлекеттік тапсырыс орналастыру көзделіп отыр. Мектептерді басқарудың бұл тәжірибесі кейін өзге өңірлерде де қолданылатын болады.

Бұған қоса, алдағы уақытта білім беру ұйымдары шаруашылық басқару құқығындағы  мемлекеттік кәсіпорындар ретінде қайта құрылуы мүмкін. Осыған сәйкес заңнамаларға енгізілген өзгерістер бүгінде Парламент қарауында жатыр. Министрліктің жобалауынша, мұндай ұйымдастырушылық-құқықтық өзгерістер мектептерді экономикалық тұрғыдан неғұрлым тәуелсіз етіп, қаржыландыруға және мұғалімдерді ынталандыруға байланысты бірқатар мәселелерді шешуге мүмкіндік бермек.  

Қымбат ТОҚТАМҰРАТ,

 «Егемен Қазақстан»

СОҢҒЫ ЖАҢАЛЫҚТАР

21.02.2018

Алматыда қарт адамдарды қолдауға бағытталған карта қабылданбақ

21.02.2018

Бауыржан Байбек: Жаңа автобус алған тасымалдаушыларға 15 млрд теңге көлемінде демеу қаржы бөлінеді

21.02.2018

Жерге қатысты заң мақұлданып Сенатқа жолданды

21.02.2018

Нұрлан Ермекбаев: Мемлекет дін мен сенімге қарсы емес

21.02.2018

Дмитрий Голобурда ҚР ҚАӨМ Ақпараттық қауіпсіздік комитетінің төрағасы болып тағайындалды

21.02.2018

Қоғамдық келісімді нығайту мәселелері талқыланды

21.02.2018

Астанада балалар өнер мектебі түлектерінің шығармашылық көрмесі өтті

21.02.2018

Б. Сағынтаев азаматтық авиацияны дамыту мәселелері жөнінде кеңес өткізді

21.02.2018

Министрлік «Егеменде» жарияланған мақалаға жауап берді

21.02.2018

Ақтөбеде мүмкіндігі шектеулі және аутизммен ауыратын балаларды оңалту орталықтары ашылады

21.02.2018

«Спортинг» – «Астана». Жауапты ойынның жауапкершілігі

21.02.2018

Өскеменде «Жас кәсіпкер» атты бизнес-жобалар байқауы өтті

21.02.2018

«Жолдарда жемқорлықты төмендетудің 10 қадамы» акциясы ұйымдастырылды

21.02.2018

Юлия Галышева: Жүлдегер екенімді елге келгенде шынайы сезіндім

21.02.2018

Нұрсұлтан Назарбаевтың төрағалығымен Қауіпсіздік кеңесінің отырысы өтті

21.02.2018

Қазақстанның латын графикасына көшуі әлемдік БАҚ назарында

21.02.2018

Астаналық жас өнерпаздар латын әліпбиін қолдап флешмоб өткізді

21.02.2018

Атырау облысындағы Сарайшық музейінде заманауи сапар орталығы салынады

21.02.2018

2019 жылы Атырау облысының 99,7 пайызы табиғи газбен қамтылады

21.02.2018

Элизабет Тұрсынбаева Олимпиаданың келесі кезеңіне жолдама алды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Қайтқан малда қайыр бар

Осының алдында газет бетінде жарияланған «Бай бол­­саң, халқыңмен бол!» атты мақа­ламызда («Егемен Қазақстан», 09.02. 2018 жыл) меншік иелері­нің елімізден астыртын жолдар арқылы шығарып әкетіп жатқан капиталының түбі оларға қайыр бермейтіндігін, қазіргі күні Батыс әлемінде жүріп жатқан саяси-эко­номикалық үдерістердің екпі­німен бұл қаржылар сол жақ­тың өзінде ерте ме, кеш пе, қақпан­ға түсірілетіндігін, ал оның идеологиясы қазірдің өзінде әзір екендігін жазған едік. 

Серік НЕГИМОВ, Қазақстанның еңбек сіңірген қайраткері

Халық тәжірибесі – құндылық

Елшіл қайраткер Смағұл Сәдуақасұлы «Сәрсенбек» атты романында (1922) бас қаһармандарының аузынан «Қазақ неше жылда нағыз Жапониядай болады», «Қазақ Жапония секілді болу үшін өзінің елдігі өзінде болу керек», «Мыңдаған, миллиондаған қазақтар жұмысшы болып істесе, өз жерінің байлығының рахатын көрген емей немене?! Бұл дегенің адам айтқысыз жаңару болар еді» дейтін пікірлер айтқызады. Ел келешегінің мүбәрак жолын меңзеген нұсқа сөз деп қабылдаған дұрыс.

Бекен ҚАЙРАТҰЛЫ, «Егемен Қазақстан»

Жүздік құрылымда рулық үлес жоқ

Жақында танымал антрополог-академик Оразақ Смағұловтың «Қазақ халқының шығу тегі» атты еңбегі жарыққа шықты. Туындыда қазақ халқы осыдан қырық ғасыр бұрын Еуразия даласында дара этнос ретінде қалыптасқаны физикалық антропология арқылы дәлелденіпті. 

Сүлеймен МӘМЕТ, «Егемен Қазақстан»

Тобасыз тойымсыздарға тоқтам бар ма?

Қазаққа адал қызмет етуді парыз да қарыз санаған ұлт көсемі Әли­хан Бөкейханов: «Алаштың баласы, бұл жолы болмаса, жақын арада өз тізгі­ні өзінде бөлек мемлекет болар» деп­ті. 

Жылқыбай ЖАҒЫПАРҰЛЫ, «Егемен Қазақстан»

Әлеуметтік әділеттілік жолы

Енді ғана тағайындалған Еңбек және халықты әлеуметтік қорғау ми­нистрі Мәдина Әбілқасымова Үкімет отырысындағы өзінің алғашқы баян­дамасында « МӘМС жүйесін енгізуді бастау үшін үстіміздегі жылы толық­қанды дайындық жұмыстары қам­тамасыз етілетін болады» деп атап көр­сетті. 

Тағы да оқу

Пікірлер(0)

Пікір қосу