«Хат қоржын» (18.01.2018)

Егемен Қазақстан
18.01.2018 4392
2

...ұсыныс айтады

Зейнеткерлерге көмек көрсетілсе

Мен Алматы облысында 50 жылға жуық қызмет атқардым. Жасым 84-ке келді, 15 жыл 3 ауданда партия комитетінің бірінші, екінші хатшысы қызметтерін атқардым. Күрті және Жамбыл аудандарында астық жинап, мемлекетке өткіздік. Сол кезде жаңадан құрылған Күрті ауданында бұрын арпа, бидай егіп көрмеген кеңшарлар мен ұжымшарларды жаңа агротехникалық әдістерге жұмылдыра отырып, шөлді-құмдауыт жерден Отан қоймасына 1974 жылы 2 миллион тонна, Жамбыл ауданына ауысқанымда 1978 жылы 10 миллион тонна астық өткізгеніміз есімде. КСРО өнертапқышы атанып, бірнеше орден, медальмен марапатталдым.

Елбасымыз халыққа арнаған сөзінде үнемі ауылға бару керектігін, шаруашылықпен, кәсіппен шұғылдану қажеттігін айтады. Қарт болсақ та, бойда қуат сарқылған жоқ. Сондықтан Жамбыл ауданының Қарақыстақ ауылынан қоражайымен бірге үй салуға кірісіп кеттім. Яғни қолыма таяқ ұстап отыра бермей, бизнеске бет бұруды ойлап ауылда мал басын көбейтуді жоспарлап отырмын. Бірақ бұл кәсіпті дөңгелетуге көлемді қаражат қажет. Осы орайда Еңбек және халықты әлеуметтік қорғау министрлігі мен мемлекеттік зейнетақы төлеу орталықтары қолынан іс келетін және бала-шағасы бар қариялардың шаруа қожалығын ашу сияқты кәсіпкерлік бастамаларына қолдау көрсетсе деймін. Мәселен, кепілдеме арқылы белгілі бір мерзімге несие берсе, оны зейнетақы төлемі есебінен қайтарып отырса қандай ғанибет болар еді. Бұл жаңа жұмыс орнын құруға да сеп болар еді.

Бекболат ТҰРЫСЖАНОВ,

Алматы облысы және Жамбыл ауданының құрметті азаматы

***

...ризашылық білдіреді

Қалтқысыз қызмет осындай-ақ болсын

Осыдан біраз бұрын 43 жастағы Айман Әубәкірова темір жол апатына ұшырап, пойыздың астында қалған. Ауыр жарақаттың салдарынан бір аяғынан толығымен айырылып, екінші аяғының бармақтарына нұқсан келген. Бұл жазатайым оқиғаны ушықтырған жағдай – Айманның жеке тұлғасын куәландыратын ешқандай құжаты жоқ екен. Ол 1997 жылы төлқұжатын жоғалтып алып, қайта қалпына келтіруге уақыт таппаған. Енді мүгедек боп, үйсіз-күйсіз қалған Әубәкірова жеке басын куәландыратын құжаты болмағандықтан мемлекеттен бөлінетін әлеуметтік көмектен де қағылады.

«Біз осындай қайғылы жағдайға душар болған Айман Әубәкірова туралы естігенде, бірден оны іздеп бардық. Қажетті құжаттарын қалпына келтіру мәселесін өз мойнымызға алып, Еңбек және халықты  әлеуметтік қорғау министрлігі және Ішкі істер министрлігімен бірге Айман Бекболатқызына жеке куәлігін жылдам жасап бердік», деді Астана қаласы бойынша мамандандырылған ХҚО бөлімі басшысының орынбасары Еркебұлан Амантаев.

«Азаматтарға арналған үкімет» мемлекеттік корпорациясы алдымен Әубәкірованың туу туралы куәлігінің телнұсқасын жасатып, кейін жеке басын куәландыратын құжатқа да қол жеткізді. Сосын қажетті мәліметтерді бірден Әлеуметтік төлемдерді ведомствоаралық есептеу орталығына жолдап, желтоқсанда Айман Әубәкіроваға мүгедектігі бойынша жәрдемақы берілді.

Әсел МИЗАМҚЫЗЫ

Астана

***

...үлгі тұтады

Интернаттың әр күні мазмұнды

Біздің ұжымның шығармашылық-педагогикалық тобы тәрбие­ленушілердің әр күні тектен-тек, мағынасыз өтпеуі үшін тұрақты іс-шаралар кешенін орнықтырды. Мектеп-интернат жанындағы колледждік топтарда олар тігінші және шаштараз мамандықтарын меңгере алады. Бұл салалар балалардың әлеуметтік ортаға бейімделіп, өмірден өз орындарын табуына ықпал ете алады. Оқушылардың жан-жақты дамуына қажетті басқа да мүмкіндіктер қарастырылған. Мектептің материалдық-техникалық базасы жылдан-жылға жақсарып келеді. Интернаттың ерекшелігіне сай логопедиялық құрал-жабдықтар орнатылған кабинеттер де жасақталды.

Өткен жылы есту қабілетінің төмендігі туа бітті пайда болған бүлдіршіндерге арналған ойын алаңы салынды. Сонымен бірге мектептің кіреберісіне пандустар орнатылды. Ұжымдағы осындай өзгерістер мен жаңалықтарды «Егеменнің» хат қоржынына жолдағанды жөн көрдім.

Эльвира ҚОБЫЛАШ,

Ақтөбе облыстық есту қабілеті төмен балалар мектеп-интернатының әдіскері

***

...жаңалығын жеткізеді

Спорттық-сауықтыру кешеніне ризамыз

Ақтауда былтыр «Меловой» спорттық-сауықтыру кешені ашылып, ел риза болған еді. Бүгінгі күні спорт кешені бес функ­ционалдық бөлімнен тұрады. Ауданы 470 шаршы метр болатын футбол, волейбол, баскетбол және көркем гимнастика бойынша өтетін жаттығуларға арналған әмбебап спорт залы бар. Ол заманауи спорттық құралдармен жабдықталған. Алаңы 216 шаршы метр болатын шығыс жекпе-жегі залы, жабық жүзу бассейні, заманауи жабдықтармен, фитнес тренажерлермен жабдықталған, ауданы 300 шаршы метр болатын тренажер залы, резеңке жабыны бар шағын футбол ашық алаңы бар.

Бұл ауқымды іс-шара саламатты өмір салтын насихаттауға, дені сау ұрпақты тәрбиелеу мен бұқаралық спортты дамытуға өз ықпалын тигізеді.

Аман БОЛСЫН

Ақтау

***

...реніш білдіреді

Шапалақты сұрап алған асаба

 Қоғамымызда саны бар, сапасы жоқ асабалар қаптап кеттi. Жақында сондай асабалардың бiрiмен тойда болдым. Асаба жап-жас жiгiт, қалжыңы ма, шыны ма, жетiншi сыныптан бастап той-бизнесте жүр екен. Жастығы шығар, бос сөз, мағынасыз қалжыңмен үлкендердi әбден мезi еттi. «Кiм шапалақ ұрса, тойдан қайтқанда бiр қап ақша тапсын, шапалақ ұрмағандарды бiр топ ит қапсын!», «Той иесiн сыйлап келгендерiңiз рас болса, қатты шапалақ ұрып жарысыңыздар!», «Жастар бақытты болсын дегендер шапалақ ұрсын, бақытсыз болсын дегендер шапалақ ұрмасын!», деп кеш бойы кейбір әншілер секiлдi шапалақ сұраумен болды. Керемет жарасымды әзiл, көрiктi ой, тартымды, өнегелi сөз айтылып жатса риза болған халық онсыз да шапалақ ұрады ғой. Шапалақты сұрап алған асабада не қасиет бар дейсiз...

Әйтеуiр, бiр бiлетiнiм – бейауыз асабалардың көбейiп кетуi жақсылықтың нышаны емес. «Пышақты бос ұстасаң қол кеседi» демекшi, асабаға да қатаң талап қоя бiлуiмiз керек.

Мақсат ҚАРҒАБАЙ

Оңтүстiк Қазақстан облысы

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Қ.Тоқаев Мюнхен конференциясына қатысты

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу