Әсет Исекешев: Астанаға мыңдаған турист тартудың жоспары әзірленіп жатыр

Астана қаласының әкімі Әсет Исекешев өткен жылы өткен ЭКСПО-2017 көрмесі жайлы, биыл елордада қандай өзгерістер болатыны туралы, туризм, экономикалық өсу жөнінде ой бөлісті. Бұл туралы ҚазАқпарат хабарлады.

Егемен Қазақстан
19.01.2018 1371
2

«ЭКСПО туралы сөз қозғамас бұрын мына нәрсеге мән берейікші, Мемлекет басшысы жаһандық көрменің елімізде өтуіне не үшін бастамашы болды? Ол Үкімет пен Астана әкімдігіне қандай міндеттер қойды? Мемлекет басшысы «Қазақстан-2050» Стратегиясын мақұлдады, Бес институционалдық реформаны жүзеге асыру басталды, «Қазақстанның үшінші модернизациясы» деген атаумен біріктірілген технологиялық, саяси және рухани жаңғырту басталды. Мемлекет басшысының бұл бастамалары еліміздің стратегиялық тұрғыда дамуына ықпалын тигізіп келеді. Шындығында, бұл басқа елдермен бәсекелесуге, экономиканы дамытуға және халықтың өмір сүру деңгейін жақсартуға бағытталған.

Өздеріңіз білетіндей, Мемлекет басшысы биылғы Жолдауында 10 нақты міндет қойды, олардың басым бөлігі ел экономикасының және әлеуметтік сектордың төртінші индустриалды революция жағдайына бейімделуіне арналған.

ЭКСПО-ны өткізу – модернизация шеңберіндегі іргелі жобалардың бірі. Түсіндіре кетейін, ЭКСПО әлемдегі урбанистикалық үрдістерді ескере отырып, Астанаға жаңа міндеттер қойды. Бүгінде елдердің бәсекеге қабілеттілігін салалар емес қалалар анықтайды. Үлкен мегаполистерде жаңа салалар мен заманауи технологиялар қалыптасып, қарқынды дамып келеді. Көп ұзамай әлемнің дамуын 600 қала анықтайды деп саналып отыр. Бүгінде туристерді, инвесторларды, небір таланттарды тарту орталықтары ретінде көптеген қалалар бар. Олар өз елінің бет-бейнесіне айналғанын көріп отырмыз. Мысалға Дубай, Сингапур, Гонконг, Сеул секілді қалаларды алуға болады. Бұл қалаларда креативті индустриялар пайда болып, адам капиталы дамып келеді, олар мемлекеттің экономикалық өсуінің қозғаушы күші болып есептеледі. Міне, ЭКСПО секілді ірі жобалар Астананың еуразиялық кеңістіктің жаһандық қаласы, яғни мәдени, туристік, білім беру және медицинаның орталығы болуына септігін тигізеді.

Енді мынаған назар аударыңыздар: Астанада жақсы әуежай пайда болды, заманауи теміржол вокзалы, қолайлы қонақүйлер, көптеген мейрамханалар ашылды. ЭКСПО-ны жоғары деңгейде өткізу үшін көп қаржы мен күш жұмсалды. Нәтижесінде Астана жаңа деңгейге көтерілді, туристердің қызығушылығын оятты.

ЭКСПО-ның үш айы қалалық қызметтер үшін үлкен тәжірибе болды. Түрлі бағыт бойынша жеті штаб құрылды, 5 мыңнан астам адам тәулік бойы жұмыс істеді. Нәтижесінде қала таза, қауіпсіз әрі қонақтар үшін қызықты болды. Шетелдіктер Астанада жоғары деңгейде іс-шаралар өткізуге болатынына көз жеткізді. Өздеріңіз көрдіңіздер, Мемлекет басшысының бастамасымен ШЫҰ, ЕурАзЭҚ, Ислам ынтымақтастық ұйымы, Сирия келіссөздері және Мемлекет басшыларының қатысуымен көптеген ірі іс-шаралар өтті.

Астанада қызмет көрсету саласында 300 мың адам жұмыс істейді. Әлемде экономикалық жағдай қиындағанмен, Қазақстан көрмені дайындау мен өткізу кезінде ондаған мың жұмыс орнын құрды. ЭКСПО-ға 400 миллиард теңге жұмсалды, бірақ бұл қаржы бизнесті дамытуға бағытталған серпіннің есебінен қайтарыла бастады. 2016-2017 жылдары Астана бюджетіне 2 триллион теңге түсті. Бұл өте жақсы нәтиже. Бұрын жұрт Астана бюджеттің есебінен күн көреді дейтін.

Көрменің мұрасы ретінде жастарымыздың алған білімін де айта кету керек. ЭКСПО-ға барлық өңірлерден 100 мыңнан астам оқушы келді. Олар біздің болашақ мамандарымыз, әлемнің озық технологияларына таңдана қараған инженерлеріміз. Олардың ойларында қандай өзгерістер болғанын елестете аласыз ба?

Бұл тізімге балаларды ғана емес жастарды да қосуға болады. Біз мамандарымыздың көрмеге баруын міндеттедік. 100 мемлекет ЭКСПО-ға өз технологияларын әкелді. Олармен танысудың оңай жолы енді қайтып келе ме? Мен коммуналдық қызметтердің қызметкерлері мен әкімдіктің өздері де көрмеден көп нәрсені үйренді деп айта аламын», – деді Әсет Исекешев.

Елорда әкімі қалада қандай smart-шешім жоспарланғанын және жүзеге асырылатыны туралы ой бөлісті.

«Smart-Astana» жобасын дамытуға жүйелі түрде келдік. Ең маңызды талап – осы технологиялар азаматтардың өмірін ыңғайлы ету және мемлекеттік қызметті алуды жеңілдету. Мәселен, білім беру, денсаулық сақтау. Мақсатымыз – оларды енгізу үшін смарт-технологияларды ғана енгізу емес, қалада қауіпсіздікті арттыратын, коммуналды қызмет құнын төлеу жолдарын жеңілдететін, т.б. жобаларды жүзеге асыру.

Смарт-технологиялар енгізетін тағы бір жоба бар. Біз көшелерді жарықтандыру шамдарын тиімді энергияға ауыстыру туралы конкурс жарияладық. Қазір жарықтандыруға белгілі бір көлемде қаражат жұмсап отырмыз, ал шамдарды алмастыру арқылы 60 пайыз үнемдейміз», – деді Астана әкімі.

Әсет Исекешев сондай-ақ туризмді дамыту жолдары жайлы да ойын ортаға салды. Ол Астанада туризмді дамытудың бірден бір жолы қызмет көрсету сапасын реттеу керектігін алға тартты. Әкім туризмді дамытудың үш бағытын атады.

«Біз туризмді дамытудың үш жолын анықтадық. Олар: оқиғалар туризмі, яғни mice-туризм, қалалық демалыс және медициналық туризм. Әрине, бұл тұста mice-туризм маңыздырақ. Мәселен, Дубайда жыл сайын төрт мың іс-шара өтеді. Концерттерден бастап кинопремьералар, фестивальдер, жәрмеңкелер, көрмелер, форумдар, конференциялар ұйымдастырылады. Оған әлемнің түкпір-түкпірінен қаншама адам ағылады. Қазір Мәдениет және спорт министрлігімен, «Kazakh туризм» корпорациясымен және өзге де министрлік, ұлттық компаниялармен бірлесе отырып, 2018 жылға арналған оқиғалар туризмінің жоспарын дайындап отырмыз. Яғни ірі форумдар, конференциялар, ойын-сауық бағдарламалары, фестивальдер, концерттер ұйымдастыру жоспарда бар. Себебі, олардың әрқайсысына мыңдаған адам келеді. Олар Астанаға келіп, қонақ үйлерімізге тұрақтайды, мейрамханаларымызға барады, түрлі сувенирлер сатып алады. Естеріңізге сала кетейін, елордада 200 қонақ үй, 800 қоғамдық тамақтану орны, музейлер, сувенир шығаратын компаниялар бар.

Астанадағы туризм маусымдық емес, жыл бойы, яғни қаңтардан желтоқсанға дейін болуын ойлап отырмыз. Сондықтан міндетіміз – еуразиялық кеңістіктің үздік конгресс-көрме орталықтарының бірі болу. Бұл үшін бізде ЭКСПО кешені, көптеген спорттық және мәдени нысандар, қонақ үйлер театрлар, спорт ареналары, бизнес орталықтары бар. Қазір нысандарды сертификациялауды және 2018 жылға маңызды іс-шаралар өткізу бойынша жұмыс жүргізіп жатырмыз», – деді елорда басшысы.

Астана әкімі осыдан кейін қаланың экономикалық өсуі жайлы айтып, 2017 жылғы мәліметтерді келтірді.

«Біз өткен жылды жоғары нәтижемен аяқтадық. Бірқатар көрсеткіш бойынша жоспарлар артығыменмен орындалды.Мысалы, қаланың экономикасына 945 млрд теңге инвестиция тартылды (жоспардан 10 млрд теңгеге артық); Оның 69 пайызы жекеше болып есептеледі.

Елордалық кәсіпорындар 550 млрд. теңгенің өнімін өндірді (жоспарланған 6,5% орнына + 7,8%). Өндірістің өсу қарқыны бойынша Астана негізінен металлургия мен машина жасаудан еліміздің өңірлері арасында (Атырау облысынан кейін) екінші орынға тоқталды.

Жалпы алғанда, 2017 жылы қалада 19 мыңнан астам жаңа жұмыс орны ашылды. Оның ішінде 85 пайызға жуығы немесе 15 мыңға жуық орын – шағын және орта бизнес», – деді Әсет Исекешев.

СОҢҒЫ ЖАҢАЛЫҚТАР

15.10.2018

Қазақстан Президенті «Ақтөбе» индустриялық аймағына барды

15.10.2018

Елбасы «ACE Tennis Center» теннис орталығына барды

15.10.2018

Нұрсұлтан Назарбаев Мұз сарайын аралап көрді

15.10.2018

Мемлекет басшысы Ақтөбедегі «Аяла» балаларды сауықтыру орталығына барды

15.10.2018

Елбасы «DaruZharygy» жауапкершілігі шектеулі серіктестігінің офтальмология орталығына барды

15.10.2018

«Қазақ радиолары» ЖШС-ның Бас директоры тағайындалды

15.10.2018

Брексит: келісімге қол жетпеді

15.10.2018

Геннадий Шиповских: Мұғалім мәртебесін асқақтату еліміз үшін аса маңызды (ВИДЕО)

15.10.2018

Сенаторлар Атырау қалалық Бизнес және құқық колледжінде кездесу өткізді

15.10.2018

Станимир Стоилов: Әлеуетін толық көрсете алмай жүрген футболшылар бар

15.10.2018

Павлодарда құрылысы ұзаққа созылған 25 нысан анықталды

15.10.2018

Елбасы жұмыс сапарымен Ақтөбе облысына барды

15.10.2018

Қыздар университеті «Туған жерге тағзым» жобасын жүзеге асыруға кірісті

15.10.2018

«Ұстаз мәртебесі туралы» заңды әзірлеуге салалық кәсіподақ белсенді түрде атсалысады

15.10.2018

Өзбекстанда импорт өсіп, экспорт көрсеткіші төмендеді

15.10.2018

Нұрсұлтан Назарбаев Арыстанбек Мұхамедиұлын қабылдады

15.10.2018

Мұратхан Шүкеев Жамбыл облысы әкімінің орынбасары болып тағайындалды

15.10.2018

Теннисшілердің әлемдік рейтингі жаңартылды

15.10.2018

Ұшқындағы үшем

15.10.2018

Армения әскері Таулы Қарабаққа қатысты атысты тоқтату режимін бұзды

ТАҒЫ ЖҮКТЕУ
КОЛУМНИСТЕР

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

Анар ТӨЛЕУХАНҚЫЗЫ, «Егемен Қазақстан»

Qatygezdik vırýsy

О́tken ǵasyrdyń 80-jyldary rejısser R.Bykovtyń «Chýchelo» atty fılmi Odaq kólemindegi búkil eldi shýlatqan bolatyn. Kishkentaı ǵana 6 oqıtyn balalardyń boıynan sonshalyqty qatygezdikti kórgen qazaq qaýymy, bálesinen aýlaq, qalada ósken ózge ulttyń qatybastary ábden buzylyp ba­rady eken, bizdiń balalarymyzdan, keleshegimizden aýlaq dep shoshyǵan. Ol kezde mundaı zulymdyq qazaq balasynda kezdespeıtin jat qylyq sanalatyn. 

Қарашаш ТОҚСАНБАЙ, «Егемен Қазақстан»

О́mir kúzetindegi meıirim

Otbasylyq jáne jeke basynyń jaǵdaıyna baılanysty Germanıadaǵy oqýynan eriksiz qol úzip, týǵan jerge oralǵan Ǵabıt Nurhanuly esimdi azamattyń feısbýktegi jazbasy kóńilge túrli oı saldy. Elimizdegi densaýlyq saqtaý salasyndaǵy kóptegen túıtkildi synaǵan avtor nemis halqynan kóp nárseni úırenýimiz kerek deıdi.

Арнұр АСҚАР, «Егемен Қазақстан»

Týrızmdi damytý qonaqjaılyqtan bastalady

Tetigin tapqan elder týrızm salasyn sarqylmaıtyn tabys kózine aınaldyryp alǵan. Qyzyǵa qarap otyrsaq, bul saladan qyrýar qarajat túsetinin aıtpaǵanda, kóptegen jumys orny ashylyp,  eldiń tórtkúl álemge jaqsy aty shyǵyp jatady eken.  Al kez kelgen qonaqtyń kóńilin tabýǵa eń birinshi ashyq-jarqyn qabaǵyń, odan keıin dámdi tamaǵyń kerek ekeni álmısaqtan belgili aksıoma emes pe.  

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу