Қазақстанның төрағалық етуімен Қауіпсіздік Кеңесінде министрлік деңгейінде дебаттар өткізілді

Біріккен Ұлттар Ұйымының Қауіпсіздік Кеңесінде Қазақстанның төрағалық етуімен «Ауғанстан мен Орталық Азияда аймақтық серіктестікті қауіпсіздік пен дамудың өзаратәуелділік үлгісінде құру» тақырыбында министрлік деңгейінде дебаттар өткізілді. Бұл туралы ҚР СІМ баспасөз қызметі хабарлайды. 

Егемен Қазақстан
21.01.2018 5243

Шараға Орталық Азия елдерінің сыртқы саясатының тізгінін ұстаған ведомство басшылары мен БҰҰ Қауіпсіздік Кеңесінің мүшелері, сонымен бірге БҰҰ Бас хатшысы мен Ауғанстанның Сыртқы істер министрінің орынбасары қатысты.

Қазақстанның Сыртқы істер министрі Қайрат Әбдірахманов аталған жиында сөз сөйлеп, Қазақстанның БҰҰ ҚК-де өз жұмысын бастауына байланысты Президент Нұрсұлтан Назарбаев «Гүлденген, әділ әрі қауіпсіз әлем құру үшін жаһандық ынтымақтастықты бекемдеудің концептуалды көзқарасы» атты өзінің үндеуінде жеті басымдықты ерекше бөліп көрсеткенін атап өтті. Аталған жеті басымдықтың бірі - Орталық Азия мен Ауғанстанды бейбітшіліктің, ынтымақтастық пен қауіпсіздіктің модельді аумағына айналдыру болып табылады. Қауіпсіздік Кеңесіндегі біздің елдің тұрақты емес мүшелігі кезінде аталып өткен басымдықтардың тағы бірі ретінде Мемлекет басшысы өзара тәуелділік және даму моделі тұрғысында ұзақ мерзімді тұрақтылық пен мығым бейбітшілікке ден қойды.

БҰҰ Бас хатшысы Антониу Гутерриш Орталық Азия мен Ауғанстан елінің бастамасына жоғары баға берді. Ол өз сөзінде су ресурсы, энергетика, инфрақұрылым мен білім саласындағы бастамаларға қолдау білдіріп, Ұйымның мұндай ынтымақтастықтарға қолдау білдіретінін жеткізді. Гутерриш сонымен бірге, Президент Нұрсұлтан Назарбаевтың еліміз оқу орындарында 1 мыңға жуық ауған жастарын оқыту бастамасын ерекше атап өтті. БҰҰ Бас хатшысының пайымдауынша, мемлекеттердің трансшекаралық қылмысқа, наркотрафикке, сонымен қатар терроризмге қарсы күреске бірлесе күш салуы, әсіресе БҰҰ Жаһандық контртеррористік стратегиясының жүзеге асырылуына ерекше мән беруі аса маңызды.

Ресей Сыртқы істер министрі Сергей Лавров Қауіпсіздік Кеңесі алаңында Орталық Азия елдерінің мүддесін алға жылжыту тұрғысында «Қазақстанның жауапкершілігі мол әрі үлгілі бастамасын» құптады. Сонымен бірге, ол Ауғанстанда есірткі заттарының көптеп өндірілуіне халықаралық бірлестіктер алаңдаушылық білдіріп отырғанын айтып, осы қауіптің жолын кесу үшін жедел шараларды қолға алуға шақырды. Оның пайымына сүйенсек, аталған елдегі ахуал аймақтық мемлекеттер мен халықаралық бірлестіктердің кешенді тұрғыдағы жұмысын талап етеді.

АҚШ Мемлекеттік хатшысының бірінші орынбасары Джон Салливан өз сөзінде халықаралық бірлестіктер Ауғанстан үкіметі мен ауған басшылығының сөзіне құлақ аспай отырған талибтардың арасында келіссөздердің жүргізілуіне мұрындық болуы керектігін айтты. Оның ойынша, «Талибан» қозғалысын барлық ресурстардан айырып, шешім жолы тек қана келіссөз үстелі екеніне көз жеткіздіру үшін бірлесе жұмыс атқару керек.

Қауіпсіздік Кеңесінде сөз сөйлеген Қырғызстан, Өзбекстан, Тәжікстан мен Түрікменстан елдерінің делегация басшылары ұзақ мерзімді бейбітшілік пен тұрақтылықты сақтау үшін барлық қауіпсіздік мәселелерін шешу жолында Ауғанстанға экономикалық тұрғыда әсер етудің маңыздылығын мақұлдады. Орталық Азия елдерінің өкілдері Ауғанстанмен ұзақ мерзімді ынтымақтастықты орнатуға пейілді екендіктерін білдірді. Аймақ елдерінің Ауғанстанмен сауда-экономикалық байланысты тереңдетудің сәтті үлгілері айтылды.

Министрліктер дебатының қорытындысы Орталық Азия мемлекеттерінің Ауғанстанмен көлік-транзиттік, инфрақұрылымдық, сауда-экономикалық, инвестициялық және энергетикалық салада нақты аймақтық жобаларды іске асырып, қарым-қатынасты нығайтуға дайын екендіктерін көрсетті. Олар Ауғанстанға қауіп ретінде емес, ашылмаған әлеуеті зор маңызды әрі келешегі кемел серіктес ретінде қараған дұрыс деген пайымға келді.

Қауіпсіздік Кеңесіне мүше мемлекеттердің өкілдері Ауғанстандағы бейбітшілік пен тұрақтылықты нығайтуда Астананың салған күш-жігеріне ерекше баға берді. Сонымен қатар, Қазақстанның бастамасы бойынша Қауіпсіздік Кеңесінің Ауғанстанға 2010 жылы жасаған тұңғыш сапарына баса назар аударылды. Дәл сол кезеңде Кеңес мүшелері сонда барған адамдардың қолынан бірінші ақпаратты алған болатын. Сапар барысы Ауғанстандағы даму динамикасын терең әрі жан-жақты түйсінуге сеп болып, сондай-ақ Кеңесті Орталық Азия елдерінің байланысын кеңейте отырып Кабулға көмек беруге көндірген болатын.

Дебаттың қорытындысы бойынша БҰҰ Қауіпсіздік Кеңесі Төрағасының Мәлімдемесі барлық мүшелердің қолдауына бірауыздан ие болды. Ол Мәлімдеме халықаралық бірлестіктерді аймақтық ынтымақтастықты нығайта отырып, дипломатия жолын тиімді түрде қолданумен Ауғанстанға көмек беруге шақырады. Аталған әдіс Орталық Азияда бейбітшілікке ден қойған, ынтымақтығы жарасқан, гүлденген аумақты құруды көздейді.

СОҢҒЫ ЖАҢАЛЫҚТАР

22.02.2018

Белоруссия сапындағы Динара Әлімбекова Олимпиада чемпионы атанды

22.02.2018

ЕО - Орталық Азия қарым-қатынастарының 25 жылдығына орай халықаралық конференция өтті

22.02.2018

Бақытжан Сағынтаев отандық сарапшылармен өңірлерді дамыту мәселелерін талқылады

22.02.2018

Астанада «Енді ешқашан: Ашаршылық, Холокост, Камбоджа, Қожалы, Руанда» фотокөрмесі өтті

22.02.2018

Астанада әйелдер күресінің академиясы ашылды

22.02.2018

Тамара Дүйсенова «Нұр Отан» партиясының Хатшысы қызметіне тағайындалды

22.02.2018

Джордже Деспотович: «Біз ертеңгі кездесуде жоғары нәтижеге жетуге тырысамыз»

22.02.2018

Станимир Стоилов: «Ертеңгі кездесуде қорғаныста барынша сақ болып, өз ойынымызды көрсетуіміз қажет»

22.02.2018

Жоржи Жезуш: «Біздің жоғары нәтижеге жетуге мүмкіндігіміз бар»

22.02.2018

Астананың 20 жылдығына орай өтетін маңызды шаралар белгілі болды

22.02.2018

Желсон Мартинш: «Біз біртұтас команда ретінде ойнаймыз»

22.02.2018

Ұлттық банк басшысы қаржы пирамидасының басты белгілерін атады

22.02.2018

Ұлттық банк басшысы теңге бағамына қатысты болжам жасады

22.02.2018

Тараздағы «Жеңіс» саябағы қайта жаңғыртылады

22.02.2018

Ақышев: Теңге жыл басынан бері 4%-ға нығайды

22.02.2018

Атырау облыстық театрына «Академиялық» мәртебе салтанатты түрде табысталды

22.02.2018

Мейірбек Сұлтанхан «Астана – биік төрім, Қызылорда – туған жерім!» республикалық айтыста жеңімпаз атанды

22.02.2018

Шетелдік ЖОО-лардың қазақстандық студенттерге қызығушылығы жоғары

22.02.2018

Атырауда мемлекеттік туды 91 метр биіктікке көтереді

22.02.2018

Оңтүстікте тағы үш аудан құру ұсынылды

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Даму үшін әділдік ауадай қажет

Әділдік қашанда адамзаттың арманы болып келеді. Жасыратыны жоқ, кейде бір ұжым түгілі, бір отбасының өзінде әділдік кемшін қалып жатады. Осындай жағдайда оның тұтас мемлекетте орнауы орындалмас армандай көрінетіні рас.

Зарема ШӘУКЕНОВА, ҰҒА корреспондент-мүшесі

Конфессияаралық диалогтың қазақстандық алаңы

Атақты америкалық саясаттанушы Самуэль Хантингтон 1996 жылы өзінің әлемдік ғылыми қоғамдас­тық арасында кең талқылауға түс­кен «Өркениеттер қақтығысы және әлемдік тәртіптің трансформациясы» атты кітабын жарыққа шығарды. 

Сұңғат ӘЛІПБАЙ, «Егемен Қазақстан»

Қайтқан малда қайыр бар

Осының алдында газет бетінде жарияланған «Бай бол­­саң, халқыңмен бол!» атты мақа­ламызда («Егемен Қазақстан», 09.02. 2018 жыл) меншік иелері­нің елімізден астыртын жолдар арқылы шығарып әкетіп жатқан капиталының түбі оларға қайыр бермейтіндігін, қазіргі күні Батыс әлемінде жүріп жатқан саяси-эко­номикалық үдерістердің екпі­німен бұл қаржылар сол жақ­тың өзінде ерте ме, кеш пе, қақпан­ға түсірілетіндігін, ал оның идеологиясы қазірдің өзінде әзір екендігін жазған едік. 

Серік НЕГИМОВ, Қазақстанның еңбек сіңірген қайраткері

Халық тәжірибесі – құндылық

Елшіл қайраткер Смағұл Сәдуақасұлы «Сәрсенбек» атты романында (1922) бас қаһармандарының аузынан «Қазақ неше жылда нағыз Жапониядай болады», «Қазақ Жапония секілді болу үшін өзінің елдігі өзінде болу керек», «Мыңдаған, миллиондаған қазақтар жұмысшы болып істесе, өз жерінің байлығының рахатын көрген емей немене?! Бұл дегенің адам айтқысыз жаңару болар еді» дейтін пікірлер айтқызады. Ел келешегінің мүбәрак жолын меңзеген нұсқа сөз деп қабылдаған дұрыс.

Бекен ҚАЙРАТҰЛЫ, «Егемен Қазақстан»

Жүздік құрылымда рулық үлес жоқ

Жақында танымал антрополог-академик Оразақ Смағұловтың «Қазақ халқының шығу тегі» атты еңбегі жарыққа шықты. Туындыда қазақ халқы осыдан қырық ғасыр бұрын Еуразия даласында дара этнос ретінде қалыптасқаны физикалық антропология арқылы дәлелденіпті. 

Тағы да оқу

Пікірлер(0)

Пікір қосу