Қазақстан Пхеньянды бейбіт жолмен жүруге шақырды

Қазақстанның Біріккен Ұлттар Ұйымының Қауіпсіздік Кеңесіндегі төрағалығы туралы шетелдік бұқаралық ақпарат құралдарының жарыса жазып жатқаны туралы бұған дейін хабарлаған болатынбыз. Ендігі кезекте Қазақстанның Қауіпсіздік Кеңес отырысында Солтүстік Корея мәселесін көтеріп, бұл елді бейбіт жолға шақырғаны да әлем назарын өзіне аударғанын айтқымыз келеді. Оған дәлел ретінде назарларыңызға әлемге танымал БАҚ-та жарияланған мақалалардың ықшамдалған мазмұнын ұсынамыз. 

Егемен Қазақстан
23.01.2018 1075

The New York Times

Біріккен Ұлттар Ұйымының штаб-пәтерінде Нұрсұлтан Назарбаев ядролық қарудан бас тарту арқылы Қазақстанның халықаралық беделінің артқанын жеткізіп, Солтүстік Корея мәселесіне қатысты маңызды мәселелер туралы айтты.

Қазақстан Президенті Нұрсұлтан Назарбаевтың төрағалығымен өткен Қауіпсіздік Кеңесінің жоғары деңгейдегі пікірталасында жаппай қырып-жоятын қаруды таратпау тақырыбы талқыланды. Онда Нұрсұлтан Назарбаев сенім ахуалын қалыптастырудың және Пхеньянның келіссөз үстеліне оралуының маңызды шарты ретінде «ядролық бестіктің» КХДР-дің қауіпсіздігіне кепілдік беруін жақтайтынын айтты. Президенттің айтуынша, мүдделі тараптар қажет еткен жағдайда, Қазақстан келіссөз алаңын ұсынуға дайын. Сонымен қатар Қазақстан Президенті Солтүстік Кореяның ядролық қаруға ұмтылуын АҚШ, Ресей мен Қытай арасындағы сенімді нығайта отырып шешу керек екенін айтты.

«Қазақстанның ядролық қарусыз жолы өзге елдерге үлгі әрі тәжірибе түрғысынан кө­мек болар еді. Біз тәуелсіз ел болып, мем­­лекетімізді нығайттық. Ядролық қару­дан бас тартып және ядролық держава­лар­­дан шабуыл жасамау кепілдігін алып, жо­ғар­ы беделге ие болдық. Осы ретте, Сол­­түс­тік Корея басшылығын біздің жолы­­мыз­бен жүруге шақырамыз», деді Президент.

ABC News

Біріккен Ұлттар Ұйымы Қауіпсіздік Кеңесіндегі Қазақстанның төрағалық етуіндегі негізгі шара «Жаппай қырып-жоятын қаруды таратпау: шаралар мен сенім» атты тақырыппен өткен отырыс болды. Қазақстан Президенті Н.Назарбаевтың төрағалығымен өткен жиын жаһандық күн тәртібіндегі ең өзекті мәселеге арналды.

Кеңес отырысында Нұрсұлтан Назарбаев Солтүстік Кореяның ядролық проблемасын реттеудің маңызы зор екеніне тоқталды және Корея түбегіндегі қазіргі оқиғалар терең қарама-қайшылықтың бар екенін көрсететіндігін айтты. «Солтүстік Кореяның ядролық проблемасын реттеуде жылдам әрі конструктивті тәсіл қолдануды ұсынамын. Сенім ахуалын қалыптастырудың және Пхеньянның келіссөз үстеліне оралуының маңызды шарты ретінде «ядролық бестіктің» КХДР-дің қауіпсіздігіне кепілдік беруін жақтаймыз. Мүдделі тараптар қажет еткен жағдайда Қазақстан келіссөз алаңын ұсынуға дайын», деді Н.Назарбаев.

Associated Press

БҰҰ Бас хатшысы Антониу Гутерриш Біріккен Ұлттар Ұйымы Қауіпсіздік Кеңесінде Қазақстан Президенті Н.Назарбаевтың төрағалығымен өткен жиынға қатысып, ядролық қарудың қаупі жылдан-жылға артып келе жатқанын айтты. Отырысты қаңтар айындағы ҚК Төрағасы Қазақстан тарапы ұйымдастырды. Бұл мемлекет 1991 жылы тәуелсіздігін алған соң әлемдегі төртінші ядролық арсеналдан бас тартқан болатын.

Нұрсұлтан Назарбаев Кеңес отырысында Солтүстік Кореяға бейбіт жолды таңдауды ұсынды. «Біз ядролық қарусыз-ақ тәуелсіз мемлекетімізді дамытып, халықаралық аренада беделімізді арттыра алдық», дей келе Н.Назарбаев АҚШ, Ресей, Қытай, Ұлыбритания мен Францияны КХДР-дің қауіпсіздігіне кепілдік беруін жақтайтынын айтты. Сонымен қатар ол ядролық қаруды таратпауға қатысты бірқатар жүйелі шаралар ұсынды.

The Washington Post

БҰҰ Қауіпсіздік Кеңесінде Қазақстанның төрағалығымен өткен жоғары деңгейлі отырыста Н.Назарбаев жаппай қырып-жою қаруы бар елдердің көбеюі ядролық, химиялық, биологиялық және радиологиялық қарудың деструктивті күштердің қолына түсу қаупін тудыратынын айтты. Сонымен қатар ол ядролық қаруды таратпауға қатысты бірнеше шара ұсынып, Солтүстік Кореяның ядролық проблемасын шешудің маңызы зор екенін жеткізді.

Президент Нұрсұлтан Назарбаев мүдделі тараптардың Солтүстік Корея мәселесін неғұрлым жылдам әрі конструктивті жолмен шешуге шақырды. «Сенім ахуалын қалыптастырудың және Пхеньянның келіссөз үстеліне оралуының маңызды шарты ретінде «ядролық бестіктің» КХДР-дің қауіпсіздігіне кепілдік беруін жақтаймыз. Мүдделі тараптар қажет еткен жағдайда, Қазақстан келіссөз алаңын ұсынуға дайын», деді Н.Назарбаев.

The Herald Online

Қаңтар айында БҰҰ Қауіпсіздік Кеңесінің Төрағасы ретінде Қазақстан өте маңызды отырыс ұйымдастырып, жаппай қырып-жою қаруларын таратпау туралы айтты. Кеңес Одағы ыдыраған соң Қазақстан ерікті түрде кеңестік ядролық зымырандарды өз территориясынан алып тастауға келісіп, ядролық қаруды таратпау туралы шартқа қосылды. Ядролық қарудан бас тарту арқылы Президент Назарбаев әлемнің өзге елдеріне үлгі көрсетті. Енді, міне, БҰҰ Қауіпсіздік Кеңесінде Қазақстан Солтүстік Кореяны бейбіт жолды таңдауға шақырды.

«Күш ядролық бомба мен ракеталарда емес. Әлемді тек халықаралық қоғамдастықтың сенімі қорғап қала алады. Қазақстанның ядролық қарусыз жолы өзге елдерге үлгі әрі тәжірибе тұрғысынан көмек болар еді. Біз тәуелсіз ел болып, мемлекетімізді нығайттық. Ядролық қарудан бас тартып және ядролық державалардан шабуыл жасамау кепілдігін алдық. Осы ретте Солтүстік Корея басшылығын біздің жолымызбен жүруге шақырамыз», деді Нұрсұлтан Назарбаев.

Дайындаған

Гүлнұр ҚУАНЫШБЕКҚЫЗЫ,
«Егемен Қазақстан»

СОҢҒЫ ЖАҢАЛЫҚТАР

21.08.2018

Бұқар жырындағы бүгінгі тұрпат

21.08.2018

Торғын Тасыбекова: Тұлғалар тәлімін көп көрдім

21.08.2018

Біржан сал еліндегі салтанат

21.08.2018

«Тараз» қонақүйі жатақханаға айналады

21.08.2018

Отандық онкогематология орталығы қалыптасты

21.08.2018

Балалар нейрохирургиясына басымдық берілуде

21.08.2018

Мүгедектердің мұңын кім тыңдар?!.

21.08.2018

Алматы: қала мен сана өзгерісі

21.08.2018

Жаңа заң – зайырлы елдің мүддесіне

21.08.2018

Өмір – әділ

21.08.2018

90 үй салып, туған ауылын түлеткен

21.08.2018

Қаратөбенің қайырымды тұрғындары

21.08.2018

Жанар-жағармай жыры: шаруалар неге наразы?

21.08.2018

ҚХА Кеңесі Құрбан айт мерекесімен құттықтайды

21.08.2018

Astana LRT салонына су кіріп кеткен автобусқа қатысты түсініктеме берді

21.08.2018

Елбасы Құрбан айт мерекесімен құттықтады

20.08.2018

«Ғарыш-Экология» ғылыми-зерттеу орталығы» РМК нысандарында баспасөз турын өткізді

20.08.2018

Б. Сағынтаев Шымкентті республикалық маңыздағы қала ретінде дамыту жөнінде кездесу өткізді

20.08.2018

Ригада «Шахмат патшалығы» атты анимациялық фильмі таныстырылды

20.08.2018

Ақмола облысының әкімі Дмитрий Алексанинге құттықтау жеделхатын жолдады

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Өмір – әділ

Біреулер өмірді қарғап-сілеп жатады. Оның әділетсіз екендігін айтады. Рас-ау дейсің кейде. Егер өмір әділ болса, неге адам баласы әртүрлі? Біреу – бай, біреу – кедей. Біреу – сұлу, біреу – көріксіз. Біреу – ауру, біреу – сау. Расында да өмір дегенің күн мен түн, ыстық пен суық секілді қа­рама-қайшылықтардың ортасы екен ғой.

Сейфолла ШАЙЫНҒАЗЫ, «Егемен Қазақстан»

Уикипедияның үйретері не?

Бүгінде адамдар қолдарына кітапты жиі ала бермейді. Оған себеп – интернет. Халық қажет деген мәліметтерді компью­терді ақтарып, уикипедиядан іздейді. Мұның өзі өскелең уақыттың талабы. Бі­­рақ сол ақпараттық технологияңыз уақыт­­тың талабымен үндескенімен, нақты ақпарат алып, тарихи шындыққа көз жет­кізгісі келген талғампаз адамдардың талабына сай келе бере ме? Міне, мәселенің осы жағына келгенде үлкен күмән туындай­тын тәрізді.

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу