Көрмеге Қазақ КСР Денсаулық сақтау халық комиссары Хасен Нұрмұхамедов пен оның жұбайы Кира Берсеневаның, Қазақстанның Атқару комитеті Президиумының мүшесі Мұхамедқали Тәтімов пен оның жұбайы Шәкітайдың, Алматы облысы Кеген ауданының прокуроры Шәкір Ғайсин мен оның жұбайы Ғайнижамалдың, «АЛЖИР» тұтқыны Сұлухан Бағзыбаеваның, Мемлекеттік банктің Добрушск бөлімінің директоры Севек Лихтенштейн (Сендер) мен оның жұбайы Ента Лихтенштейннің, КСРО Мемлекеттік банкі директорының орынбасары Соломон Хариннің және оның жұбайы Софья Зильбергтің фотосуреттері мен мұрағаттық құжаттары қойылған.
Бұл адамдар миллиондаған отбасын жойып, адамзат тағдырын бұзған өте қатал сталиндік жазалау машинасының азаптауынан өткен. Диктатураға мойынсұнбағандар жаппай қуғын-сүргінге ұшырап, «халық жауы» атанды, ал олардың жұбайлары, ата-аналары, ағалары, апалары мен ұл-қыздары темір торға тоғытылды.
Мұндай көрмелер ХХ ғасырдың 30-50-ші жылдарындағы оқиғаларды есте сақтауға септігін тигізеді және болашақта трагедияның қайталануын болдырмау үшін жас ұрпақтың бойында патриотизм мен адамгершілік сезімін қалыптастыруға ықпал етері сөзсіз.
Мирас АСАН,
«Егемен Қазақстан»