Хат қоржын

Оқырман ойы

Егемен Қазақстан
24.01.2018 4726
2

 ...сүйсініс танытады

Туған жерге ештеңе жетпейді

Мен кіндік қаным тамған қазақ жерін өз Отаным санаймын. Туған-туысқандарым, достарым шетелдерде тұрса да, олардың өміріне, тұрмыс-тіршілігіне қызыққан емеспін. Алыс жолға шыға қалсам,  оралғанша асығамын. Өйткені туған елдің топырағын басып, ауасымен тыныстағанға ештеңе жетпейді. Бірлігі мен ынтымағы жарасқан Қазақстанды бәріміз де мақтан етеміз. Жеке кәсіппен айналысуға бел буған адамға мемлекет тарапынан зор қолдау көр­се­тіліп келеді. Кәсіпкерлікпен айналысқаныма 20 жылдан асып барады. Облыстық іскер әйелдер кеңесінің мүшесі ретінде қоғамдық жұмыс­тар­ға жиі араласамын. Қазақстан халқы Ассамблеясының бастамасы­мен Астанада өткен «Қайырымдылық керуені» қайырымдылық ұйым­да­рының республикалық бірінші съезіне қатыстым. Сол форумда Петропавл қаласында мүмкіндігі шектеулі балаларға арналған оңалту ор­та­лығын ашу жөнінде мәселе көтеріп, аймақ басшысы тарапынан қол­дау тапты. 

 Алдыма қоғамдық жұмыстармен түбегейлі айналысу міндетін қойып отырмын. Мақсатым – қатарыма өзім сияқты шағын бизнес өкілдерін тарта отырып, емдеу мекемелерін заманауи медициналық қондырғылармен жабдықтау. Мені мұндай ойларға туған жерге деген ерекше құдірет сезімі жетелейді.
Антонина СЕВОСТЬЯНОВА, 
 жеке кәсіпкер
Солтүстік Қазақстан облысы,
Мамлют ауданы

...әсерімен бөліседі

Хемингуэй һәм анасы

Өз анасымен өмір бойы «жауласып» өткен әйгілі жазушы Хемингуэй ең алдымен өзінің талантты, қабілетті екенін, қолынан көп нәрсе келетінін – өктем, тым тәкаппар, ешкімнің пікірімен санас-пайтын, әкесін билеп-төстеп алған анасына дәлелдегісі келді.

Музыкаға қызығушылығы мен бейімі жоқтығы үшін қаншама ауыр сөз естіген, үнемі өзін басып отырған, «сенен ештеңе шықпайды» деп әжуалаған анасына ол ренішті еді. Әкесінің өзін атуына да анасы Грейсті кінәлайтын. «Әкемді өз-өзін өлтіруге итермелеген сол...». Өзімшіл, анасы секілді тым тәкаппар Хем алғашқы мақалалары мен әңгімелері жарияланып жатқанда да «Грейс оқыды-ау, Грейс ақыры мені мойындады-ау» деп масайрады.
Бұл үшін Хемингуэйге ренжуге болмайды. Себебі табиғатынан тым зерек, талантты баласын тек өз айтқанымен жүргізіп, «бір шең­бер­ге» салғысы келген өктем, ашуланшақ, ұрысқақ Грейс бала­сының жүй­кесін қаншалықты ауыртқанын, ауыр сөздерімен жүрегін қалай жаралағанын пайымдап та жатпады. Хемингуэй кейбір қыздардың бойынан анасының мінезімен ұқсастық көрсе, олардан аулақ жүрді. Ол өзі ұнатқан әйелдің бойынан анасына ұқсастық таппағанда қатты қуанды. Ол төрт рет үйленді. Кім біледі, мұнда да бала кезінде Хемнің психологиясына кері әсер еткен анасының кінәсі бар болар... 

Ол әлемге әйгілі жазушы атанғанда да бала кезінде өзі ешқашан жылуын сезінбеген ана құшағын сағынумен болды. Анасына еркелей алмаған, анасы еркелетпеген әрбір бала есейгенде өз балалығын іздеумен болады...
Аягүл МАНТАЕВА
Мәскеу

...ұсыныс айтады

Балалар спортына инвестиция керек

Мен елдің азаматы ретінде өзбек боксына сәл-пәл шолу жасап, келешекте еліміздің спортын дамытуға деген өз ұсынысымды біл­дір­гім келді. Көрші елде бокстың дамуы «Өзбекстанда боксты қол­дау қо­рын құру» қаулысымен байланысты болды. Одан кейін Пре­зи­де­нт­­тің «Өзбекстанда балалар спортын дамыту қорын құру туралы» жар­лығымен спорттың үдемелі дамуы өз жалғасын тапқан. Әсіресе алыс ауылдарда балалар спортының тамырына қан жүгірген. Үлкен ауыл­дардың бәрінде спорт алаңдары жасақталып, спорт залдары пай­далануға берілген. Қаланың шағын аудандарында жасанды спорт алаң­шалары көбейген. Бір ғана мысал, 2005 жылы ауыл балаларының 30 пайызы спортпен айналысуға мүмкіндігі болса, араға 10 жыл салып 2015 жылы бұл көрсеткіш 57,2 пайызға жеткен. 

 Менің ойымша балалар спортына, әсіресе ауылдарға қомақты инвестиция салу керек. Жасыратыны жоқ, шағын елді мекендерді айтпағанның өзінде халқы он мыңнан асатын ауылдарда заманауи спорт алаңдары мен спорт залдары жоқ. Олимпиадалық спорт түрлеріне баулитын кәсіпқой спорт мамандары ауылдарда жоқтың қасы. Ал нағыз шымыр, спортқа бейім қарадомалақ балалардың ауылдарда екендігіне менің титтей де күмәнім жоқ. Мақсатым: ел үкіметіне, депутаттар корпусына ой тастау еді. 

Камилжан РЫСМЕТОВ
Арал

...ризашылық білдіреді

«Жер жәннаты – Жармышым»

Біраз бұрын осындай тақырыппен аудандық жастар ресурстық орталығының ұйымдастыруымен Жармыш ауылындағы орта мектепте патриоттық кездесу өткізілді. Кездесуге Жармыш ауылдық ардагерлер кеңесі төрағасының орынбасары, белгілі ұстаз, Білім беру ісінің үздігі Кеңес Салықов пен жастар орталығының басшысы А.Қонарбаев және жоғары сынып оқушылары қатысты. Аталмыш жиынның мақсаты – ауыл мен ауданның жеткен жетістіктерін айта отырып, елге еңбегі сің­ген ауыл ақсақалымен салиқалы сұхбат жүргізу.

Жастар алдымен Жармыш жайында даярланған журналист Қожахмет Демеубергеновтің деректі фильмін тамашалады. Бұдан соң 60 жыл ұстаздық жолда жалықпай еңбек еткен Кеңес ақсақалдың сали­қалы әңгімесі басталды. 

«1991 жылдан кейін жаңа өмір бастадық. Елбасымыз қолдауы­мен ауылдың екінші тынысы ашылды. Жармыш ауылы алтын мекен ғой. Жер жаннаты ауылымнан табан аудармастан өмір сүріп келемін. Алдымнан сан ұрпақ түлеп ұшты», деді Кеңес аға. 
Тарихи тағылымы мол шарада жастар тарапынан сұрақтар қойлып, тұшымды жауаптар берілді. 

Аллаберген ҚОНАРБАЕВ 
Маңғыстау облысы,
Маңғыстау ауданы 

...үлгі тұтады

Ара өсіру – табыс көзі

Адам өз қызығушылығын кәсіпке айналдыра білсе, соңы жемісті болары анық деп бабаларымыз өсиет қалдырыпты. Қызылорда облысы, Шиелі ауданының Ақмая ауылының тұрғыны Тұрғанбай Тоқтыбаев омарташылық кәсібімен елге танымал, айналасына сыйлы азамат. Кәсібін 1986 жылдан бастап қолға алған.

Омарташылықты кәсіп еткен Тұрғанбай Тоқтыбаев осылайша отыз жылдың жүзін аударды. Кәсібін кеңейту жолындағы өз жобасын да жасады.
 – Бал арасын арнайы шағын ұяшықтарға құятын станок алсақ де­ген ойымыз бар. Сөйтіп аудандағы мектептерді, балабақшаларды, та­мақтану орындарын өзімізде өндірілген таза балмен қамтамасыз ет­кіміз келеді. Алайда, «Үйдегі ырықты, базардағы нарық бұзады» де­мекші, қаржы тапшылығы қолбайлау болып тұр, дейді ақмаялық омар­ташы. Әлгі айтқан жобасын жүзеге асыру үшін кемінде 7-8 млн теңге керек көрінеді. Иә, қашанда бейнетсіз зейнет бола қоймайды. Қиын­шылықтар артта қалар, оған мойымайтын қажырлылықты ай­тыңыз. 

Нұрмахан ЕЛТАЙ
Қызылорда облысы

СОҢҒЫ ЖАҢАЛЫҚТАР

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу