Астана Қазақстанның жаңа дәуіріне жол ашты

«Нұр Отан» партиясы Астананың 20 жылдығы аясындағы іс-шаралар легін бастап кетті. Осы орайда елордада партияның ұйымдастыруымен «Астана – даму мен инновацияның 20 жылы» атты ауқымды тақырыптық форум өтті. Іс-шара Астананың қазіргі заманғы технологиялардың, сапалы білімнің, инвестиция мен жаңа креативті идеялардың орталығы ретінде бағындырған белестері мен жеткен жетістіктеріне арналды.

Егемен Қазақстан
29.01.2018 464
2

Сондай-ақ форумда Ел­ба­сы­ның «Төртінші өнеркәсіптік ре­волюция жағдайындағы даму­дың жаңа мүмкіндіктері» атты Жолдауында көрсетілген басым бағыттарды жүзеге асыру ке­зіндегі мегаполистің даму перс­пективасы кеңінен сөз болды.

Форум жұмысына «Нұр Отан» партиясы Төрағасының бі­рінші орынбасары Мұхтар Құл-Мұхаммед, Астана қала­сы­ның әкімі Әсет Исекешев, «Атамекен» ұлттық кәсіпкерлер палатасы басқарма төрағасының орынбасары Эльдар Жұмағазиев, Парламент Мәжілісінің депутаттары, «ақылды қала» технология­ларын енгізуге тікелей қатысқан IT-компаниялардың, елордалық жоғары оқу орындарының, ин­но­вация орталықтарының, индус­триялық-инновациялық ком­па­ниялардың, сондай-ақ шағын және орта бизнестің өкілдері қа­тысты.

Жиынды ашқан «Нұр Отан» партиясы Төрағасының бірінші орынбасары Мұхтар Құл-Мұхаммед елорданың 20 жылда қол жеткізген жетістіктеріне назар аударды. Ол өз сөзінде Астана Тәуелсіз Қазақстанның мүлде жаңа дәуіріне жол ашқанын ерекше атап өтті. «Тәуелсіздік жылдары біз ұлттық идея туралы көп әңгіме қозғадық. Егер шындығын айтар болсақ, Елбасының ға­жайып жобасымен дүниеге келген елордамыз 20 жыл бойы ең басты ұлттық идея ретінде халқы­мызды өркениет биігіне бастап келеді. Астана бүгінде жаһан­дық саяси үдерістер мен бітімгер­шілік бастамалардың белді қа­ты­сушысы ретінде әлем картасы­нан ойып тұрып орын алды. Аз уақыттың ішінде Астана дүние жүзіне конфессияаралық келісім мен ұлтаралық татулықтың ал­тын бесігі ретінде танылды. Ел­ордамыз бүкіл әлемді бейбіт­шілікке шақырған ха­лық­аралық форумдардың ұйыт­қысы­на да айналып үлгерді. Әлем­ге әйгілі инвесторлардың қызы­ғу­шылығын оятқан бас қаламыз шын мәнінде ірі қаржы орта­лығына айналып, халқымыздың ұлттық бренді болып қалыптасты. Аса зор табыспен өткізілген ЭКСПО-2017 халықаралық көр­месі де Астананың инновациялық әлеуетін айқын көрсетіп берді», деді М.Құл-Мұхаммед.

Форум аясында Астананың дамуы және әлеуметтік-эконо­ми­калық жетістіктері туралы қала әкімі Әсет Исекешев есеп берді. Одан бөлек әкім елорданы жаһандық деңгейдегі ақыл­ды цифрлы қалаға айналдыру стратегиясын жүзеге асыру жұмыстарына да тоқталды. «Соңғы 20 жылда жалпы өңірлік өнім 190 есеге өсті. Мемлекеттік бюджетке түсімдер 80 есеге артты, яғни 1997 жылдағы 13 миллиард теңгеден 2017 жылдағы триллион теңгеге дейін жетті. Жиырма жылда тұрғын үй құрылысына 1 триллион 600 миллиард теңге салынып, 180 мыңға жуық пәтерді қамтитын 1 265 тұрғын үй пайдалануға беріл­ді. Соңғы бес жылда Астанада 9 мил­лион шаршы метрден астам баспана тапсырылды. Атап айт­қанда, 5 жыл ішінде 300 мың адам­ға арналған қала салынып шық­ты, яғни бұл орташа облыс ор­талығы секілді аумақ Астанада пай­да болғанын білдіреді», деді ол.

Осы орайда Ә.Исекешев бұл көрсеткіштер үлкен жетіс­тік­терді білдіретінін, дегенмен алдағы уақытта да елеулі жұ­мыстар күтіп тұрғанын атап өтті. «20 жылда Астанада 1 172 өндірістік, әлеуметтік-мәдени әрі қоғамдық маңыздағы нысандар салынды. Негізгі капиталға инвестициялардың жылдық көлемі 1997 жылдан бері 44 есеге өсті және 20 жылда жалпы 8 триллион теңгені немесе 47 миллиард долларды құрады. Бұл үдеріс 2017 жылы да жалғасын тапты, яғни ЭКСПО-ны өткізудің арқасында бізде оң экономикалық көрсеткіштер байқалды. 2017 жылы елорданың экономикасына 945 миллиард теңге инвестиция тартылған болса, оның 70 пайызы жеке инвестиция үлесіне тиесілі», деді Астана әкімі.

Сондай-ақ отырысқа қатысқан спикерлер «Сергек» бейне­бақылау бағдарламалық жүйесі, бас шаһардағы туризмді дамыту, Smart City жүйесін кешенді енгізу және инновациялық бастамаларға астаналық жоғары оқу орындарының қатысу деңгейі жөнінде кеңінен айтты. «Цифрлы Қазақстан» мем­ле­кеттік бағдарламасын жүзеге асы­рудағы нақты міндеттер жөнінде пікір алмасып, Мемлекет басшысы Жолдаудағы басым бағыттар арқылы еліміздің технологиялық және инфрақұрылымдық дамуына тың серпін берудің тетік­терін сөз етті. Бұл бастамалар Астананың одан әрі дамуына да оң әсерін тигізері сөзсіз.

Сол сияқты дамудың инно­ва­циялық бағытын «Атамекен» ҰКП басқарма төрағасының орынбасары Э.Жұмағазиев те қол­дап, бүгінде астаналық кәсіп­кер­лерге бизнес үшін барлық жағдай жасалғанын тілге тиек етті. Мұндағы қызмет көрсету сапасы мен түрлері бизнес-қауым­дастықтың жұмысын айтар­лықтай жеңілдетеді. Осындай инновациялық бастамалардың басты тұтынушысы саналатын бизнес өкілдері де тапсырыс беру арқылы Астананың дамуына өз үлестерін қосуда.

«Нұр Отан» партиясы Төр­ағасының бірінші орынбасары Мұхтар Құл-Мұхаммед жа­ңа технологияларды енгізу баста­масын қолдап, «ақылды қала­лар» өңірлердің дамуына, инновацияның кеңінен тара­луына, еліміздің әр түкпірін­дегі халықтың тұрмыс жағ­дайын жақсартуға үлкен үлес қосатын негізгі күш екенін айтты. «Астананың «ақылды қала» ретінде салынуы оның табиғаты таза, өмір сапасының жоғары стандарттарына сай шаһар болып қалыптасуына зор мүмкіндік береді. Бүгінде еліміздің инвестициялық ахуалы ірі мегаполистердің құрылуына жол ашуда. Өйткені инвесторлар барлық жағдай жасалған, жұмыс істеуге қолайлы, қауіпсіз жерлерге келеді. Дубай – Таяу Шығысқа, Сингапур Оңтүстік Шығыс Азияға қалай үлгі болса, Астана да Орталық Азияға үлгі болуы керек. Біздің елдің оған күш-қуаты, әлеуеті, инновациялық және инвестициялық деңгейі әбден жетеді. Сондықтан «Нұр Отан» партиясы алдағы уақытта Астананың цифрлы технология мен инновацияны енгізудегі тәжірибесін Қазақстанның бар­лық қаласында жүзеге асы­руға жан-жақты қолдау көрсетуге әрқашан дайын», деді М.Құл-Мұхаммед.

Айта кетейік, форум соңында қатысушылар Астананың дамуы­на оң әсерін тигізетін бірқатар нақты ұсыныстарды қабылдады.

Нұрлыбек ДОСЫБАЙ,

«Егемен Қазақстан»

СОҢҒЫ ЖАҢАЛЫҚТАР

13.11.2018

Egemen Qazaqstan алғашқылардың бірі болып Chartbeat құралын пайдаланады

13.11.2018

Жаңақорған ауданында 116 бас қой белгісіз аурудан қырылып қалды

13.11.2018

Қызылордада қауіпті аймақтар анықталып, даярлық мәселелері күшейтілді

13.11.2018

Ақтөбеде жоғары жылдамдықтағы интернет желісі ұлғаяды

13.11.2018

Елбасы Астана клубының төртінші отырысына қатысты

13.11.2018

Нұрсұлтан Назарбаев Ауғанстан Республикасының бұрынғы президенті Хамид Карзаймен кездесті

13.11.2018

«Айша бибі» мен «Ақыртас» әлемдегі ерекше туристік нысандардың тізіміне енді

13.11.2018

Павлодарда Португалиялық профессор студенттерге дәріс беріп жүр

13.11.2018

Т.Сүлейменов ел өңірлеріндегі жылу бағасының әртүрлілігін түсіндірді

13.11.2018

Тайваньда таеквондодан Президент кубогі додасы аяқталды

13.11.2018

Елордалықтар 14 қарашада жалпыхалықтық диктант жазуға қатысады

13.11.2018

Үкіметте 10 айдағы әлеуметтік-экономикалық даму қорытындылары қаралды

13.11.2018

Б.Сағынтаев өңірлердегі халықтың нақты табысының көрсеткіштеріне ерекше көңіл бөлуді тапсырды

13.11.2018

Тұрмыстық қатты қалдықтар адамдардың қажетіне жарай бастады

13.11.2018

Шымкентте 5 000 000 теңгеге бағаланған көгершін көрмеге қойылды

13.11.2018

Қызылорда облысында газ құбыры құрылысы басталады

13.11.2018

Елбасы Еуропалық комиссияның бұрынғы төрағасы Жозе Мануэль Баррозумен кездесті

13.11.2018

Венгрияда синхронды жүзуден жасөспірімдер құрамасы бірінші орынды иеленді

13.11.2018

Тарифтерді көтерген монополистер заң алдында жауап береді

13.11.2018

Алматыда мектеп оқушылары арасында шешендік өнер байқауы өтті

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

Сұңғат ӘЛІПБАЙ, «Егемен Қазақстан»

Zaman talqysyndaǵy qazaq

Feısbýktegi paraqshamdy ashyp qaraımyn da oılanamyn. Feısbýkti men ádette merzimdik buqaralyq aqparat quraldarynyń nazarynan tys qalǵan oqıǵalar men jańalyqtardy jáne oǵan degen qoǵamnyń kózqarasyn bilý úshin ashamyn. Meniń paraqshamda úsh jarym myńnan astam jazylýshym bar. Olardyń 95 paıyzdan astamy – qazaqtar.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу