Бурабайда биоотын өндіретін зауыт іске қосылды

Қазіргі таңда технологияның қарыштап дамып кеткені соншалық, кез келген қалдықтан пайдалы өнім алу дағдыға айналып барады. Ақмола облысы Бурабай ауданында ағаш ұңтақтарынан экологиялық қауіпсіз биоотын өндіретін зауыт іске қосылды.

Егемен Қазақстан
31.01.2018 1370
2

Осы істі қолға алған жергілікті орман шаруашылығымен айналысатын «Орман аймағы» жауапкершілігі шектеулі серіктестігі қалдықтардан ағаш түйіршектерін даярлауда.

Ағаш қалдықтары демекші, жақында бір украиналық өнертапқыш ағаш түйіршектерін жағу арқылы жеңіл автокөлік қозғалтқышын іске қосатын құрылғы ойлап тапқаны жөнінде бір қызықты хабар көрдім. Бір салғаннан елу шақырымды еңсеретін әлгі авто көлік иесінің өнертапқыштығына таңдай қаққанымыз да рас. Сөйтсек, таланттар өзімізде де жетіп артылады екен. Ағаш ұңтақтарын өндірістік көлемде өндіріп келе жатқан «Орман аймағы» ЖШС еліміздегі экологиялық таза отын өндіретін бірден бір кәсіпорын. 

Негізінен алғашқы зауыт Петропавловск қаласында іске қосылыпты. Ал Бурабай ауданындағы зауыт тек 2017 жылдың қарашасында ашылған. Дей тұрғанмен, кәсіпорын осыншама аз ғана уақыт ішінде салмағы 500 тоннаға жететін ағаш ұңтақтарын өндіріп үлгерді. Жалпы зауыттың жылдық қуаты 3000 тонна отын өндіруге жететіндігін айта кеткен орынды. Компания басшысы Андрей Петроченконың сөзіне қарағанда, ағаш қалдықтарын отын ретінде пайдалану еуропалық елдерде, АҚШ, Жапония және Ресейде кеңінен қолданылса, оның пайда болғанына да 60 жылдан асыпты.

– Ағаш ұңтағы – ол құнарлылығы жоғары отын. Оның пайдалы әрекет коэффициенті 95 пайызға жетеді, бұл ретте көмірдікі шамамен 50 пайыз болса, газ небәрі 30 пайызға бара бар. Негізінен ағаш ұңтағының екі тоннасын жаққандағы жылулығы көмірге сәйкес келетін болса, сол сияқты ағаш отын қымбат тұратын дизелдік отынның тоннасын немесе сығымдалған газды алмастыра алады, – деп атап өтті А.Петроченко. Қазіргі таңда бір тонна биоотынның құны 35 мың теңгені құрап отыр. Компания басшысының айтуынша, аталған отынға деген сұраныс күн сайын артып келеді. Экологиялық таза өнімнің еліміз аумағында ғана емес, сонымен бірге Қытай рыногына көптеп шығарылуы сөзімізге нақты дәлел бола алса керек. Оның үстіне баламалы отын өндіру жобасын жүрзеге асыру құрылтайшының өз қаржысы есебінен жүргізілуде. Ақмола облысында зауыт ашып, жұмысын жүргізуге 120 миллион теңге жұмсалғандығы белгілі болып отыр. Ерекше атап кетерлігі, бұл Елбасының биылғы «Төртінші өнеркәсіптік революция жағдайындағы дамудың жаңа мүмкіндіктері» атты халыққа арнаған Жолдауымен астасып жатыр. Өйткені онда ХХІ ғасырда әлемнің табиғи ресурстарға деген мұқтаждығы жалғасуда екендігі ерекше аталған. Олай болса, табиғи ресурстар болашақта жаһандық және еліміз экономикасын дамытуда ерекше маңызға ие. Жолдауда «Кәсіпорындардың энергия тиімділігі мен энергия үнемдеуге, сондай-ақ энергия өндірушілердің өз жұмыстарының экологиялық тазалығы мен тиімділігіне қойылатын талаптарды арттыру керек», деген жолдар қазіргі әлемде қалыптасқан жағдайға байланысты екендігімен түсіндіріледі. Осы тұрғыдан алғанда «Орман аймағы» ЖШС сияқты кәсіпорындарға мемлекет тарапынан қолдау көрсетіліп, ғылыми институттармен тығыз байланыстар орнату уақыт талабы деуге толық негіз бар. Мемлекет пен жеке меншік серіктестігін арттыру арқылы еліміз экономикасын айтарлықтай алға жылжытуға болатынын уақыттың өзі дәлелдеп отыр. Сондықтан «Орман аймағы» ЖШС бұл бастамасы осы бағыттағы қарышты қадамы болуға тиіс.

Асқар ТҰРАПБАЙҰЛЫ,

«Егемен Қазақстан»

Ақмола облысы

СОҢҒЫ ЖАҢАЛЫҚТАР

24.01.2019

Ольга Довгун Токио олимпиадасы қарсаңындағы басты міндеттерді атады

24.01.2019

Басқа басылымдардан: Қазақстанда Жастар жылы ашылды

24.01.2019

Астананың инвесторлар үшін тартымдылығы артты

24.01.2019

Астана экономика құрылымында ШОБ үлесі бойынша көш бастап тұр

24.01.2019

Елбасы Рольф Драакпен және Мехран Эфтехармен кездесті

24.01.2019

Ақтөбе облысында «7-20-25» бағдарламасы бойынша 202 өтінім мақұлданды

24.01.2019

Астық пен ұн тасымалдауды қамтамасыз ету – «ҚТЖ» ҰК» АҚ ерекше бақылауында

24.01.2019

Қызылордада балық өсіруге субсидия бөлінді

24.01.2019

«Жастар жылындағы жетістігің» акциясы желтоқсанға дейін жалғасады

24.01.2019

Жетісу университетінде Жастар орталығы құрылды

24.01.2019

Өткен тәулікте елордадан 17 мың текше метрден астам қар шығарылды

24.01.2019

Елордаға 2 мың тонна көмір жеткізілді

24.01.2019

Франция елшісінің кеңесшісі Лор Кастен: «Мен үшін Қазақстан – Абай!»

24.01.2019

Астана қалалық ЖИТС орталығында жыл сайын 300 мыңнан астам зерттеу жүргізіледі

24.01.2019

Өрт каскаларын жинаумен айналысатын подполковник

24.01.2019

Семей жастары сенімді ақтайды

24.01.2019

Венесуэладағы шеру соңы биліктің ауысуына әкелді

24.01.2019

Атырау әлеуметтік мекемелерінде ай сайын ашық есік күні өтеді

24.01.2019

Ақын Оразақын Асқар өмірден озды

24.01.2019

«Шымбұлақ» пен «Роза Хутор» тау курорттары арасындағы ынтымақтастық келісімге қол қойылды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу