Астана – әлем назарында

Егемен Қазақстан
01.02.2018 488

Ядролық қарудан  бас тартқан Қазақстан өз тәжірибесімен бөлісті

Өз еркімен ядролық қарудан бас тартқан мемлекеттер көп емес. Со­лар­дың бірі – ядролық қоры әлем бой­ынша төртінші орында болған Қазақстан. Nikkei басылымына берген сұхбатында Қазақстанның БҰҰ жанындағы тұрақты өкілі Қайрат Омаров уақыт бұл шешімнің дұрыс бол­ғанын дәлелдегенін айтты. «Біз бұл шешімді мақтан тұтамыз», деді ол.

1 қаңтарда Қазақстан Орталық Азия мемлекеттері арасында бірінші болып БҰҰ Қауіпсіздік Кеңесі төрағалығын бас­тады. Бұл Астана үшін үлкен дипломатиялық импульс болды. Бұған дейін Қазақстан Сириядағы мәселеге бай­ланысты келіссөздер жүргізу ала­ңы­на айнал­ғаны белгілі.

Қазақстан 1991 жылы тәуел­сіздігін алғаннан бері жылдам дамуда. Бұл үлкен жетістік, себебі Қайрат Ома­ров­тың айтуынша, ол кездері бюд­­жет­те қаржы болмаған және ин­­фля­ция 200 процентке жеткен. Сон­дай қи­ын­дықтарға қарамастан, мем­лекет яд­ро­лық қарусыз жолды таң­дады. «Нұр­сұл­тан Назарбаев біз әлем­ге ядролық қа­руымызбен емес, эко­номикалық қу­атымызбен көзге тү­су керекпіз деп айт­ты», деді Қайрат Омаров.

18 қаңтарда БҰҰ Қауіпсіздік Кеңесіндегі «Жаппай қырып-жоятын қаруды таратпау: сенім шаралары» тақырыбы бойынша жоғары дең­гей­де­гі пікірталас кезінде Нұрсұлтан Назарбаев Қазақстанның таңдауы басқа мемлекеттерге үлгі бола алатынын айтты. «Қазақстан ядролық қарудан бас тартып, халықаралық аренада жоғары беделге ие болды. Біз Солтүстік Кореяны осы жолды таңдауға шақырамыз», деді ол.

Қазақстандағы жасөспірімдер арасында цифрлы сауаттылық жоғары деңгейде

Қазақстанның Нархоз универ­ситеті технологияға жақын Z ұрпақ туралы әлеуметтік зерттеу жүргізіпті. Олар Астана мен Алматыдан басқа 6 ірі қалада 14-17 жас аралығындағы 1500 жас­өспірімге сауалдама өткіз­ген. Сауалдама нәтижелері бұл ұрпақтың от­басы, денсаулық пен мансапты бас­ты орынға қоятынын көрсетті.

Z ұрпағы дұрыс тамақтану мен саламатты өмір салтына көп көңіл бө­леді. Сондай-ақ жасөспірімдер тех­нологиялардың өз өміріне әсерін то­лықтай біледі. Зерттеу нәтижелері көр­сеткендей, Қазақстандағы цифр­лы сауаттылық пен әлеуметтік же­лілердегі белсенділік жоғары дең­гейде. Сонымен қатар Нархоз сау­ал­­дамасы жастардың университет­ке бар­ғысы келетінін, шәкіртақы алу арқылы шығындарын азайтқысы келетінін көрсетті.

Қазақстан жастары ақпарат қыз­ме­тінің бас директоры Ирина Мед­никова жастардың көбі ата-анасынан да көп ақша таба ала­тын­дарына сенімді екенін айтты. «Олар жаһан­дық ең­бек нарығы экономикаға қарай тез бейім­де­летінін жақсы түсінеді», деді ол The Diplomat-қа берген сұхбатында.

Астанадағы түркі кітапханасында 50 мың кітап бар

Қазақстандағы Түркі кітапха­на­сының қоры он жылдың ішінде 50 мың кітап пен қолжазбаға жетті. Сондықтан да отандық және шетелдік сарап­шылар, түркі тақырыбын зерт­теуші студенттер кітапхана көме­гіне көптеп жүгінетін болған.

 Астанадағы Бейбітшілік және ке­лісім сарайындағы Түркі кітап­х­а­на­сын­да мыңдаған кітап пен қол­жазба кө­шірмесі бар. Бұл кі­тап­ха­наның мақсаты – түркі зерт­теу­шілерінің арнайы қорын құру.

Кітапхана мамандарының айтуынша, кітапханаға Астанадағы мамандар ғана емес, Қазақстанның басқа қалаларында оқитын студенттер, шетелден келген зерттеушілер, әсіресе венгрлер жиі келеді екен.

2010 жылы кітапхана ашылғанда мұнда Қазақстан ғылыми кітап­ха­насынан алынған 1500 кітап, Түр­кия­дан әкелінген 850 кітап қана бол­ған. Қазір ол 50 мыңға жетті.

 

Дайындаған

Гүлнұр ҚУАНЫШБЕКҚЫЗЫ, 

«Егемен Қазақстан»

СОҢҒЫ ЖАҢАЛЫҚТАР

23.05.2018

Жаңа технологиялар өміріміздің ажырамас бөлігіне айналды - Дариға Назарбаева

23.05.2018

Ақтаудағы «Оңалту және әлеуметтендіру орталығына» жаңа ғимарат қажет

23.05.2018

Семей орманын тәулік бойы қадағалайтын жаңа жүйе орнатылмақ

23.05.2018

Курчатовта «Токамак ITER» құрылысын бастау үшін жаңа жобалар ашылмақ

23.05.2018

Веложарыстың жеңімпаздары «Вуэльта» көпкүндігіне барады

23.05.2018

Ертіс өзенінің жағасында көне күн обсерваториясы болған

23.05.2018

«Нұршашу» би ансамблі Еуропадан жүлдемен оралды

23.05.2018

Астанада дауыл ескертуі жарияланды

23.05.2018

«Хат қоржын»

23.05.2018

Астанада «Ұйғыр мұқамының сарыны» атты еске алу кеші өтті

23.05.2018

«Шолпан» хореографиялық ансамблінің құрылғанына 25 жыл

23.05.2018

Мақатаевтың поэзиясына жазылған әндер: «Мұқаң тірі болса, не айтар еді?»

23.05.2018

Жаңартылған білім жүйесінің артықшы­лы­ғы неде?

23.05.2018

Қостанайдың кей аудандарында түлектердің ҰБТ-ға қатысуы 50 пайыздан аспайды

23.05.2018

Марк Цукерберг Еуропарламент алдында есеп берді

23.05.2018

Есімі елдің есінде: Әбубәкір Әлиұлы

23.05.2018

Мектеп вальсі туралы ой

23.05.2018

Ахмет Бай­тұр­сынұлының балалық шағы өткен үйі қалпына келтіріледі

23.05.2018

Алматыда дәстүрлі «Фа­раби оқулары» өтті

23.05.2018

«Рухани қазына» фестивалінің үздіктері анықталды

ТАҒЫ ЖҮКТЕУ
КОЛУМНИСТЕР

Думан АНАШ, «Егемен Қазақстан»

Мектеп вальсі туралы ой

Соңғы қоңырау – мектеп бітіруші түлектердің жанын тербететін аяулы сәт. Алабұртқан сезім, алып-ұшқан арман, үміт пен күдік. Одан өзге? Мектеп вальсі. Иә, мектеп вальсі туралы әр жүрек түкпірінде жазылмаған бір-бір шығарма бар шығар. Бұл – мектеп қабырғасымен, дос-құрбылармен ғана қоштасу емес, іште бұғып жатқан мөлдір, алғашқы алақұйын сезімдермен де қоштасу.

Қорғанбек АМАНЖОЛ, «Егемен Қазақстан»

Қызғаныш деген қызыл ит

Заты адам баласымен бірге жасасып келе жатқан, көнермес те көгер­мес сезімдердің бірі – қызғаныш. Адам­ның көзіне шел қапта­та­тын қара қыз­ға­ныштардан кекшілдік пен күн­шілдік, бақас­тық пен бақталастық қоз­дап, неше түрлі қылмыстар жасалып жата­ты­ны да ешкімге құпия емес. 

Талғат СҮЙІНБАЙ, «Егемен Қазақстан»

Алматының алмасы. Шырын қайда?..

Алматы жұрты күнде жауған жауын­мен, түнде ұрған суықпен жағаласып жүріп Алатаудың бөктеріндегі биылғы алма бақ гүл шашқан көркем шақтан көз жазып қалған сыңайлы. Содан ба екен, біреу «Биыл алма гүлдеді ме?» десе, біреу «Биыл өзі алма бола ма?» дейді қамығып. 

Қарашаш ТОҚСАНБАЙ, «Егемен Қазақстан»

Рух көтерудің жолы

Кейінгі өскелең жас ұрпақты патриот­тық рухта қалай тәрбиелейміз, ертеңгі ел қорғар өрендеріміздің бойына отаншылдық пен патриотизмді, елге, жерге деген сүйіс­пен­шілік сезімін  қалыптастырып, келешекте ержүрек, батыл болып өсулері үшін не істеуіміз керек деп,  жастардың ертеңгі тағдыры мен таңдауына жиі бас ауыртып, жанымыздың жабырқап жататыны рас.

Қамбар Ахмет,

Каспий мен Қара теңіздерді жалғау кімге тиімді?

Мамырдың екінші онкүндігінде ақпарат һәм саясат алаңында қызу тал­қыланған тақырыптың бірі – Қазақ­стан Президенті Нұрсұлтан Назарбаевтың Каспий мен Қара теңіздің арасын жал­ғайтын «Еуразия» каналын салу жөніндегі пікірі болды. 

Тағы да оқу

Пікірлер(0)

Пікір қосу