Автокөлік өндірісі ұлғайды

Өткен жылы елімізде ав­то­көлік өндірісі үш есеге өсіп, 5,8 млрд теңге сома­сын­дағы 1480 техника бірлігі экс­портталған. Бұл туралы қазақстандық авто­кө­лік өнеркәсібінің жұ­мысы мен осы нарықтың 2017 жылғы жылдық қоры­тын­дысына арналған жиында Қазақстан автокөлік биз­несі ассоциациясы (ҚАБА) хабарлады.

Егемен Қазақстан
01.02.2018 9469
2

 

ҚАБА сарапшыларының дерегіне сүйенсек, 2017 жылы алты қазақстандық зауыт жеңіл және жүк автокөліктерін, авто­бустарды қоса алғанда жалпы құны 139,5 млрд теңгеге 19 086 бірлік техника шығарыпты.
Яғ­ни 2016 жылғы көрсеткішпен са­лыс­тырғанда өнім көлемі үш есеге артқан.

Ұлттық экономика минис­тр­лігі Статистика комите­ті­нің дерегінше, машина жасау саласындағы авто­өнер­кә­сіп үлесі ақшалай баламада екі есеге артып, еліміздегі ал­ты кәсіпорынның 2017 жылғы са­лық төлемі 7 млрд теңгені құра­ған. ҚАБА болжауынша, 2018 жылы автонарық өсімі тағы 15-20 пайызға ұлғая түспек.

ҚАБА вице-президенті Анар Мақашеваның айтуынша, мемлекет автокөлікті жылына 4 пайыздық несиемен сату жөніндегі бағдарламаны жүзеге асыру арқылы өндірушілерге қолдау көрсетіп отыр.

– Бұл бағдарлама оң нәтиже көрсеткендіктен, 2018 жылы да жалғасын таппақ. Мемлекет авто­өнеркәсіпті қолдауға 10 млрд теңге көлемінде қаржы бөліп отыр, осы жылдың басында қа­зақ­­стандықтар екінші деңгейлі банк­терден несие алу арқылы тағы да отандық көліктерді 3% жылдық мөлшерлемемен лизингке коммерциялық техникаларды сатып ала алады. Аталмыш бағдарлама коммерциялық техника сегментінде жақсы нәтижеге қол жеткізуге мүмкіндік берді. 3% жылдық мөлшерлемені «БРК Лизинг» АҚ ұсынып отыр. Бағдарлама шарты да көңілге қонымды: шамамен 3% бастапқы жарнасын, лизинг ресімдеуге қажетті аз ғана құжаттар жиын­ты­ғын өткізсе жетіп жатыр. Бұл орта және шағын бизнес үшін коммерциялық техника сатып алудың ең қолайлы тәсілі болмақ, – дейді Анар Мақашева.

Жыл қорытындысы бойынша  елімізде ең көп сатылатын автокөлік брендтерінің үздік бестігін өткен жылғыдай Toyota бастап тұр. Былтыр Toyota-ның 9267 данасы сатылып, нарықтағы үлесі 21 %-ды құраған. Ал 1175 бірлік сатылған Lexus-тың премиум нарықтағы үлесі 40,7 %-ға тең. Аталмыш брендтердің ұзақ жылдар бойы өз сегментінде көш бастап тұруының сырымен бөліскен «Тойота Моторс Қазақстан» компаниясының президенті Кит Симмонс был­тыр­ғымен салыстырғанда нарық­тың әлі де 5-10 мың бірлікке ұлғая түсетінін айта келіп, қазақ­стандық тұтынушылардың біз­дің брендімізге құрметпен қарай­ты­нын барынша бағалаймыз. Былтыр біз дилерлік желілерімізді кү­шей­туге, клиентке қызмет көр­сету мәдениетін жетілдіруге ба­ғыт­талған бірқатар қадам жа­садық. Ондай қадамдар біз үшін қашанда маңызды болып келген, солай болып қала береді де деп атап өтті. «Тойота Моторс Қазақстан» президенті компанияның әлеуметтік бастамаларды, оның ішінде Ұлттық олимпиада комитетімен және паралимпиадалықтарға қолдау көр­­сету мақсатында Ұлттық па­ра­лимпиадалық комитетпен се­ріктестікті дамытуды жалғас­ты­ра беретінін жеткізді.

2017 жылдың қорытындысы бойынша жақын және алыс шетелдерге 1480 қазақстандық автокөлік экспортталған екен. Осылайша 2016 жылғымен салыс­тырғанда 2017 жылы қазақ­стандық автоөнімдердің экспорты төрт есеге ұлғайған.

– Нарық үшін бұл ауыз толтырып айтарлық көрсеткіш болмаса да, Қазақстан шетелге шығаратын техникалар көлемін әжептәуір ұлғайтқанын көрсетеді,– деген Астана Моторс» ҚМК атқа­ру­шы директоры Антон Афонин өткен жылы Қытайға Lada 4x4 үлгісіндегі 1205 көлік құралын, Тәжікстан мен Ресейге JAC S3 үлгісіндегі 66 автокөлік сатылғанын айтады.

– Біздің компаниямыз үшін негізгі экспорттық нарық Ресей болып қала бермек. Ресейлік на­­рық­тың әлеуеті орасан. Был­тыр жыл соңына қарай «Сары­арқаАвтоӨнеркәсіп» зауыты» JAC автокөліктерінің толық топтамасын шығарды. Ол зауыттың Ресейге автокөлік экспорттау жоспары іске асып қалар деген ойдамыз, солай болған жағдайда қазақстандық автокөлік экспорты ондаған мың көлікпен өл­шенер еді. Дегенмен Ресей на­ры­ғына шықпас бұрын, біздің ол жақта көп тараған көлік түр­л­ерін ұсына алмайтынымызды түсініп алу керек. Сондықтан бірінші кезекте, ресейлік нарықта әлі болмаған немесе ресейлік кәсіпорындар шығармайтын үлгілерге үміт артқанымыз жөн. Ал жеңіл автокөліктерге келер болсақ, оларға JAC түріндегі, ал коммерциялық техника бойынша Hyundai Trans Auto шығаратын кейбір үлгілер жатады, – деді Антон Афонин.

Ол, сондай-ақ, қазақстандық авток­өліктерді Қырғызстан мен Тәжікстанға жеткізу арқылы бір­шама табысқа жетуге болатынын айтып өтті.

Қазақстандық автопарктің жанар­майдың балама түріне ауы­суы 2018 жылы да жалғаса бер­мек. Мұндай үрдіс электрмо­би­ль­дерге қызмет көрсету инф­ра­­құрылымын дамытуға мәж­бү­рле­мек. Оған сәйкес жобалар ҚАБА бастамасы бойынша жүзеге асырылатынын айтқан «Mercur Auto» компаниясының бас директоры Қанат Ақышев компанияның биыл Қазақстанға бренд­тік электрмобильдер жет­кі­зуді жоспарлап отырғанын мә­лі­мдеді.

– Яғни ондай автокөліктерді сату­мен айналыспас бұрын, алдымен оларға қызмет көрсететін инфрақұрылым, яғни қуаттайтын бекеттер орнатып алу қажет. Бұл бір ғана брендтің немесе марканың қолынан келетін іс емес, оны шешу үшін барлық дилерлер күш біріктіру керек. Электрмобильмен жүргісі келген клиент көлігін қуаттауды үйренуі тиіс. Жұмысшылар то­бын құру міндетін біз мой­нымызға алмақпыз, өйткені қу­аттау бекеттерін орнату қажет­тігін нарықтың өзі талап етіп отыр. Біз ұсынып жүрген әлемдік дең­гейдегі брендтердің көбісі электрмобиль шығару туралы ше­шімді қабылдап та қойды. Ал көптеген елдерде 2025 жылдан бастап іштен жанатын қоз­ғал­тқышы бар автокөліктер та­сы­малдауға тыйым салынбақ. Сондықтан біз үшін бұл бір жа­ғы­нан, келешегі бар сала болса, екінші жағынан бүгінгі күннің басты мәселесіне айналып келе жатыр, – деді Қанат Ақышев.

2016 жылдың соңында Қазақстанда ескі көліктерді сатып алу бағ­дарламасы іске қосылғаны белгілі. Сол бағдарламаға сәй­кес, қазақстандық автокөлік ие­ле­рі өздерінің ескі көліктерін өт­кі­зіп, ақшалай өтемақы неме­се қазақстандық өндірістің жа­ңа автокөлігін сатып алу­ға жеңілдік беретін сертифи­кат ала алады. Ақшалай өте­ма­қы­ның сомасы тәрізді, серти­фи­кат құны да өткізілген авто­кө­лік жағдайына байланысты. Атал­мыш бағдарлама туралы «Оператор РОП» ЖШС-нің Пай­да­­лануға жарамайтын көлік құ­рал­дары жобасын жүзеге асыру бөлімінің жетекшісі Рыскүл Ес­дәулетова кеңінен әңгімелеп бер­ді. Бағдарлама жұмыс істей бастаған уақыттан бері операторлар 8 мыңға жуық ескі автокөлік жинаған және олардың бәріне жеңілдігі бар сертификаттар берілген. Бүгінгі күні ол сертифи­каттар бойынша Қазақстанда шы­ғарылған 3 мыңнан астам авт­о-
көлік сатып алынған. «Қазір­ше бұл бағдарлама бойынша жеке тұлғалар жеңіл авто­көліктер ғана сатып алуда, дегенмен 2018 жылы коммерциялық техника сатып алғысы келетін заңды тұлғалар да осы бағдарламаға қызығушылық танытып қалар деген ойдамыз», дейді Рыскүл Есдәулетова.

Мира БАЙБЕК,

«Егемен Қазақстан»

АЛМАТЫ

СОҢҒЫ ЖАҢАЛЫҚТАР

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу