Ел мұраты – мәңгілік ел

Тәуелсіздіктің өліара кезеңі­ндегі қиындықтар, тығырыққа тірел­ген тұстар, жеңістер мен жеміс­тер – бәрі-бәрі көз алды­мыз­­да. Еліміз жаңғыртудың үш толқынын бастан кеше отырып, қалыптасқан, дамыған мемлекет деңгейіне жетуі шұрайлы тілмен, нақты мысалдармен баяндалып, қазіргі көпэтносты қазақстандық қоғамды іштей біріктіруші фактор ретіндегі ұлттық идеяның рөлі ерекше атап өтіледі. 

Егемен Қазақстан
05.02.2018 5130
2

Мұны «Тәуелсіздік дәуірі» кітабының негізгі өзегі, басты ұстанымы десе де болады. Өйткені елдік мұрат жолында бабаларымыз әр кез татулықты, бірлікті нысана еткен. «Алтау ала болса, ауыз­дағының кететінін» жақсы түсін­ген. Сын сағатта туған жер­­ге деген перзенттік парызын өтеу­­ді бәрінен биік қойған. Осы се­беп­ті тағылымы мол еңбекте «Мәң­гілік ел» жалпыұлттық қазақ­­стандық идеясының негіз­де­рі жан-жақты сараланады. Жаһан­дану дәуірі кезінде ұлттық идеяның егемендікке қызмет етуі, идеологиялық қауіпсіздікті нығайту айрықша маңызды. Бір сөзбен айтқанда, қазақстандық идея – бұл демократиялық ашық қоғамның, әділеттіліктің идеясы, жа­ңа рухани-игіліктік кеңістіктің қалыптасуы мен соның негізін­де әрбір этностың ұлттық сана­сы­ның қайта түлеуінің, келісім, бей­бітшілік және саламатты өмір­дің кепілі ретіндегі күшті өр­кениетті тәуелсіз мемлекетті құ­ру идеясы екендігі кеңінен ашып көрсетіледі.

Кітапта ұлтты ғұмыр бойы тұ­тас­тырып келген, бола­шақ­қа да тастүйін топ­тас­қан қалпымызда жетуге жәр­дем­де­­сет­ін ұлы тетіктердің бірі – ана тілімізге деген ыстық ықы­лас, жылы сезім самал желдей есіп отырады. «Бүгінгі таңда ана тілін білу әрбір қазақтың па­ра­сат­тылық және ұлттық қа­жет­ті­гіне» айналғаны даусыз. Мем­лекет те қазақ тілін дамыту үшін, ең бастысы, институттанған мүмкіндіктер жасап беріп отыр­ғаны айдай шындық. Ұлт­тық тұтастығымызды, өзін­дік болмыс-бітімімізді сақ­таудың тағы бір кепілі – ұлт­тық мәдениет және қазақ хал­қы­ның мәдениеті еліміздегі бү­кіл мәдениеттерді біріктіруші рөл атқаруға тиіс делінген ең­бек­те. Қазақ мәдениетінің мұн­дай қуатына күмәнмен қарау­шы­лар­дың күдігін нақтылы дәлел­дер­мен сейілте отырып, автор ұлттық мәдениеттің сипатына біліктілікпен талдау жасайды. Расында да әлемдік қауымдастық құрамындағы өзіндік болмыс-біт­імімізді, төл дүниетанымымыз бен ұлттық мәдениетімізді серік етіп қана сақтап қала алатынымыз анық. Ұлттық бірегейлену, негізінен, қазақ ұлтының өз ішін­де өтуі қажет деп есептейді Елбасы. Сонда ғана ұлттық мем­ле­кетін құрып отырған ұлт өзге эт­ностық 135 топты құ­ра­мына кі­ріктіріп, әлемдік қауым­дас­тыққа біртұтас халық ретінде таныла алады.

Тәуелсіздіктің алғашқы жы­лын­да Қазақстандағы өзге ұлт­тар өздерінің тарихи отанына кө­ше бастады. Оны табиғи түсі­ніс­тікпен қабылдасақ та осы тұс­та көптеген ауылдар мен мо­ноқалалар қаңырап бос қалды. Бұл экономикаға кері әсерін тигізді. Бірақ шетелдерде атажұртына келуге ынтығып отырған бес миллионнан астам қандастарымыздың атажұртқа орала бастауы тарих бетіне тең­дес­сіз оқиға ретінде жазыл­ды. Қазақстан Республикасы өзі алғаш құрылған күннен бастап қандай қиын жағдайларға тап болғанына қарамастан, сырттағы қандастарымызға көмек беруді назардан тыс қалдырған емес. Нұрсұлтан Әбішұлы қазақтар тұратын мемлекеттер басшыларымен кездесулерінде олардың хал-жағдайына қатысты мәсе­лелер сан мәрте ресми түрде қоз­ғалды. Қазір атажұртына бір­тіндеп оралуына, азаматтық мәртебе алуына, тұрғын үймен, жұмыспен қамтамасыз етілуіне Үкімет тарапынан жан-жақты қамқорлық жасалуда.

Елбасы өте маңызды елдік мәселелердің бірде-бірін айналып өтпейді. Сол арқылы тақыр жерде мемлекет құрудың қаншалықты ауыр мехнат екенін ұғындырады. Мәселен кітаптың 266-бетінде «Кеңес Одағы ыды­ра­ған сәттен осы күнге дейін шека­расын бекемдеп үлгермеген елдер әлі бар. Ал Қазақстан көр­ші елдермен сызығын нақ­тылап алды. Бұл жұмыс 2005 жыл­ға дейін жүргізілді. Жос­пар­­лаған уақыттан 2-3 жыл бұ­рын аяқталды», деп баяндалады. Бар­лық көрші елдермен шекара мә­селесі оңтайлы шеші­ліп, ха­лық­аралық-құқықтық тұр­ғы­дан ресімделуі бейбітшілік пен тұрақтылықты қамтамасыз ету­­дің іс жүзіндегі нақты құралы бола алды. Осы кезден бастап 14 мың шақырымдық құрлықтық мем­­л­екеттік шекараға ие бол­дық.

«Тәуелсіздік дәуірі» кітабы – дәуір айнасы, жасампаз мем­ле­кеттің жылнамасы, іргелі эн­циклопедиялық еңбек деген пі­кірлерге алып-қосарым жоқ.

Халқымыз ежелден отан­сүй­гіштікті, патриотизмді паш ететін ұят, ар, намыс, рух сияқты асыл қасиеттерді ұрпақтың санасына жасынан сіңіруге күш салған. Қазақтың ұлттық рухының тағы бір биік көрінісі – ата-ананы ардақтау, үлкенді құрметтеу, кішіні қадірлеу. Шынайы патриотизм – жалпыадамзаттық құн­ды­лықтардың шыңы іспеттес, бас­қа халықтарға, ұлттар мен ұлыс­тарға сыйластықпен, адам­гершілікпен қарауды көздейді. Қазақстан сияқты көп ұлтты мем­­лекетте жекелеген этнос өкіл­­дерінің ұлттық патриотизмі ел­де тұратын барлық халықтың ор­­тақ патриотизмімен тұтаса бай­ып отырады. Осы­лайша жал­пы­қазақстандық пат­риотизмнің даму дәрежесі ұлт­аралық қарым-қатынас мәдениетінің деңгейін сипаттайды. Бүгінгі таңда қазақ­стандық патриотизмнің орнықты үлгілері мемлекеттік саясаттың басым бағыты болып табылады. Пре­зидентіміздің қай еңбегін алсақ та, өне бойынан сұңғыла саясаткерге тән парасат-пайым анық аңғарылып отырады.                          

Сағындық САЛМҰРЗИН,

Дүниежүзі қазақтары  қауымдастығы облыстық  филиалының төрағасы

Солтүстік Қазақстан облысы

СОҢҒЫ ЖАҢАЛЫҚТАР

17.01.2019

Жамбылда экономиканың барлық салаларында 4-5 пайыз өсім бар

17.01.2019

Станимир Стоилов ұлттық құрамадан кетті

17.01.2019

19 қаңтарда Оралда 14 ойықта суға түседі

17.01.2019

Маңғыстауда «Қошқар-Ата» қалдық қоймасына қатысты жұмыстары тұрақты жүргізіліп келеді

17.01.2019

Жаңадан ашылған ауданға жастар оралып жатыр

17.01.2019

«Егемен» жазған мақала сенатор сауалына арқау болды

17.01.2019

«Батыс» өңірлік қолбасшылығында сержанттар кеңесі өтті

17.01.2019

113 мыңнан астам отбасы тұрғын үй жағдайын жақсартты - Қ.Өскенбаев 

17.01.2019

Шымбұлақта фристайлдан әлем кубогі өтеді

17.01.2019

Атырау облысында екпе алмаған балалар қызылшаға шалдығып жатыр

17.01.2019

Алматыдағы Баум тоғайы түрлене түспек

17.01.2019

Бокстан Қазақстан әйелдер құрамасы Сербиядағы турнирді сәтті бастады

17.01.2019

Талдықорғанда «ақылды» аялдама салынып жатыр

17.01.2019

Қазақстандық теннисшілер жұбы екінші кезеңге шықты

17.01.2019

Галышева мен Рейхерд АҚШ-тағы әлем кубогі кезеңінде бақ сынайды

17.01.2019

Шайбалы хоккейден әйелдер құрамасы әлемдік сынның финалына өтті

17.01.2019

Батыс Қазақстан ТЖД 17 күнде 43 SMS-хабарлама таратты

17.01.2019

 Қостанайда 867 үкіметтік емес ұйымның 586-ы жұмыс істейді

17.01.2019

ТҮҚЖБ-ның әр төртінші заемы «Нұрлы жер» бағдарламасы бойынша берілген

17.01.2019

Батыс Қазақстанда 256 мемлекеттік қызметкердің орны бос тұр

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу