Тұрақтылық пен тұтастық – Мәңгілік Елдің тірегі

Жалпы, мемлекетіміздің тәуел­­сіздік алғаннан бергі кезе­ңіне көз жүгіртіп қарай­тын бол­сақ, небір күрделі жағдаят­тар­ды бастан өткергенін, талай қиын-қыстау күндерді, сын-сынақтарды сүрінбей еңсергенін көреміз. 

Егемен Қазақстан
05.02.2018 1078

Тоқсаныншы жылдар­дың басында Кеңес Одағы құрамынан шыққан республикалар «балапан – басына, тұрымтай – тұсына» дегендей, өз күнін өзі көруге әрекет жасады. Жоспарлы экономикаға негіз­­делген мемлекетаралық бай­ланыс­тар үзіліп қалды. Зауыт-фабрикалар, өзге де өнеркәсіп ошақтары, ауыл шаруашылығы тұралап, қайраңда қалған кемедей дәрменсіз күйге түсті. Ел-жұрт жалақысын ала алмай, күнкөрістің қиындаған өліара кезеңі орнаған еді сол шақта. Скептик сәуегейлер сол тұста-ақ «Қазақстан Орталық Азиядағы қақтығыс ошақтарының біріне айналады» деп жорамалын жасап, «болашағын» болжап та тастаған еді. Бірақ тариxтың өрнегі өзгеше өрілді. Сын кезеңде ел тізгінін ұстаған Елбасымыз тәуелсіз Қазақстанды әлемдік аренаға шығарып, терезесін теңестіріп, шекарасын шегендеп, дамудың даңғыл жолына салғаны әмбеге аян.

Дегенмен уақыт бір орында тұрмайды. Жағамыз жайлауда деп жайбарақаттыққа салынуды ол шіркін көтермейді де, күтіп те тұрмайды. Бүгінгі заман – өзгерістің заманы. Жасам­паз жаңалықтың дәуірі. Дүйім дүние дидары көз ілеспес шап­шаң­дықпен дамып, ілгері басып келеді. Сондықтан да тариxтың шаңына көміліп қалмаймыз, үздік отыздықтың ортасынан ойып орын аламыз десек, қи­мыл­дауымыз керек.

Міне, Мемлекет басшысы «Төртінші өнеркәсіптік революция жағдайындағы дамудың жаңа мүмкіндіктері» атты биылғы Жолдауында осыны ескерте отырып, жүйелі жаңғыртудың нақты 10 міндетін атап көрсетті. Ел дамуы үшін аса маңызды стра­тегиялық құжаттың алтын арқауы ретінде цифрлы техно­логияларды өмірдің бар­лық салаларына енгізу талабын қойды. Өнеркәсіп, ауыл шаруа­шылығы, көліктік-логис­ти­калық инфрақұрылым, тұрғын үй құрылысы мен коммунал­дық сала, қаржы секторы, мем­ле­кеттік басқару саласына ай­рықша мән берілді. Сонымен қатар адами капиталды дамы­ту­дың ең басты шарттары – озық білім беру жүйесін қалып­тастыру, денсаулық сақтау және жұмыс­пен қамту салаларына баса назар аударылды.

Елбасы өз Жолдауында «мем­ле­кеттік органдар азаматтар­дың ес­кертулері мен ұсыныстарын нақты уақыт режімінде ескеруі және жедел әрекет етуі үшін заманауи цифрлы технологияларды қолдануы тиіс», деп атап көрсетеді. Иә, бүгінде дамыған мем­лекеттер инновациялық ин­­­дус­­­трия, digitalization, smart technology, smart nation, Big Data, жа­санды интеллект, блок­чейн және өзге де тың теxноло­гия­лар­мен жұмыс істеп, өміршең жоба­лар­­ды жүзеге асырып, соның игі­­лі­гін көріп отыр. Бірер мысал келтірейін.

Данияда әрбір азамат­тың, әрбір бизнестің жеке электронды бөлмесі бар, сол арқылы онлайн режімде мемлекеттік органдармен тікелей байланыса алады. 2015 жылдан бастап бар­лық азаматты мемлекеттік орган­дармен тек интернет арқы­лы тілдесуге міндеттеп қой­ған. Әр азамат цифрлы пас­порт­қа (digital ID) ие, ал мем­ле­кет­тік органдар мен муниципалитеттер бірыңғай кабинет арқылы барлық ведомствомен өзара іс-қимыл жасауға мүмкіндік беретін ортақ желімен байланыстырылған. Немесе халқының саны аздау, шағын Эсто­нияны алып қараңыз. Бүкіл ақпа­раттық базасын бірыңғай цифрлы жүйеге кіріктіре алған. Бүгін­де бұл мемлекет дәл осы электронды үкімет бойынша әлемдегі үздік елдер қатарында. Әлбетте, мұның барлығы ең алдымен, азаматтарға көрсетілетін барлық қызмет түрлерінің сапасын арттыруға, сыбайлас жем­қорлыққа жол бермеуге, уақыт­ты, бюджет қаражатын бір­не­ше есе үнемдеуге, айналып кел­генде халықтың әл-ауқатын арттыруға тікелей ықпал ететін факторлар.

Әрине бұл бағытта елімізде алғышарттар жасалып, бірқатар кешенді шаралардың қолға алынғаны белгілі. Қазақстанда электронды үкіметті құру идеясы 2004 жылғы Жолдауда мәлім­денген болатын. Содан бергі уақыт ішінде басқарушылық үрдіс­тердің бүкіл жиынтығын автоматтандыруға негізделген және мемлекеттік басқарудың тиімділігін жоғарылату, қоғам­ның әрбір мүшесіне көрсетілетін қызмет түрлерінің сапасын арттыру мақсатына қызмет ететін мемлекеттік басқарудың жаңа жүйесін құру жұмысы жүзеге асырылып келеді. Бұл кешенді бағыт «100 нақты қадам» Ұлт жоспарында да одан әрі нақты­ланып, жүйелене түсті. Ауыз толтырып айтарлықтай жетіс­тіктеріміз де аз емес. Атап айтқанда, 2013 жылы бекітілген «Ақпаратты Қазақстан-2020» мемлекеттік бағдарламасы табыс­ты жүзеге асырылуда. Елі­міздегі ересектердің төрттен үші цифрлық сауаттылықтың ба­за­лық деңгейіне ие, интернетке қолжетімділік деңгейі де жылдан-жылға арта түсуде.

Жалпы алғанда, биылғы Жол­дау өткен жылы елімізде бас­талған қоғамдық сананы жаң­ғыр­ту бағдарламасының, Ұлт жос­парының, сондай-ақ кейінгі жыл­дары Елбасы бастамасымен жүзеге асырылып жатқан кешенді жұмыстардың заңды жалғасы, нақты іс-қимыл жоспары деп айтуға болады.

Алдымызға кеуделі  міндет­тер қойылып отыр. Оны жүзеге асыру үшін бізде әлеует те бар, ресурстарымыз да жеткілікті. Елбасы «Көл-көсір мұнайдың» дәуірі аяқталып келеді. Елімізге дамудың жаңа сапа­сы қажет», дей келе ұлт та­бы­сының басты факторы ми­не­ралд­ы ресурстар емес, адам екендігін айрықша атап өтті.

«Өзінің тарихын, тілін, мәде­ниетін білетін, сондай-ақ заманына лайық, шет тілдерін меңгерген, озық әрі жаһандық көз­қарасы бар қазақстандық біз­дің қоғамымыздың идеалына ай­налуға тиіс. Рухани жаң­ғы­ру­дың мән-маңызы да нақ осында», деді Мемлекет басшысы. Яғни басқаға емес, өзінің адами ресурстарын, адами капиталын дамытуға күш салған мемлекеттер ғана жаһандану дәуірінің асау толқындарына жұтылып кет­пей, өзіндік дербестігін сақ­тай алады. Бұл – өмірдің өзі дә­лел­деген шындық, айналып өте алмайтын ақиқат.

Ал ең бастысы, тәуелсіздік алғалы өткен ширек ғасырдан аса уақыт ішінде талай сын-қатерлерден шыңдалып, шыны­ғып шыққан тұрақтылық пен тұтас­тығымызды, бейбіт өмір мен ымыралы ынтымағымызды көз­дің қарашығындай сақтауы­мыз керек.

Ерлан ҚҰСАЙЫН,

Қарағанды облыстық Қазақстан халқы Ассамблеясы хатшылығының меңгерушісі

СОҢҒЫ ЖАҢАЛЫҚТАР

19.08.2018

Маңғыстауда мемлекеттік органдардағы кадр қызметінің сапасы қандай?

19.08.2018

Азиада-2018: Дмитрий Алексанин Қазақстан қоржынына алғашқы алтынды салды

19.08.2018

Өскеменде Құрбан айтта 300 адамға ет таратылады

19.08.2018

Австралияда орман өртенді

19.08.2018

Головкин - «Канело» рематчын британ телевидениесі көрсетеді

19.08.2018

Отгонцэцэг Галбадрах Еуропа кубогында чемпион атанды

19.08.2018

Экс-депутат жас мемлекеттік қызметшілерге дәріс оқыды

19.08.2018

«Алтын Тобылғы» әдебиет жүлдесіне өтініштерді қабылдау басталды

19.08.2018

Маңғыстаулық құрылысшылар төл мерекесін атап өтті

19.08.2018

Барлық жағдай жасалатын солтүстік аймаққа көбірек келіңіздер – Мемлекет басшысы

19.08.2018

Теміржолда сыбайлас жемқорлықты болдырмау жайы айтылды

19.08.2018

Астанада жол ақыны SMS арқылы төлеуге болады

19.08.2018

Зерендіде жастардың жазғы білім лагерінің екінші маусымы жұмысын жалғастыруда

19.08.2018

Азиада-2018: Бүгін қазақстандық спортшылар жарыс жолына шығады

19.08.2018

Елордада автобус жүргізушілері 400 мың теңгеге дейін жалақы алуы мүмкін

19.08.2018

Жакартада жанған жұлдыз

19.08.2018

Ауа райы болжамы: Ақмола облысы мен Астана аумағында дауыл тұрады

18.08.2018

Жакартада Жазғы Азия ойындарының ашылу салтанаты өтті

18.08.2018

БҰҰ-ның бұрынғы Бас хатшысы Кофи Аннан қайтыс болды

18.08.2018

Мемлекеттік хатшының қатысуымен Бұқар жыраудың 350 жылдық мерейтойы өтті

ТАҒЫ ЖҮКТЕУ
КОЛУМНИСТЕР

Қорғанбек АМАНЖОЛ, «Егемен Қазақстан»

Тілтолғақ пен тілтұтқа

Әлеуметтік желіден «Астана қаласы­ның қаракөз балдырғандары қазақша сөй­лемейтіні несі?» деген сыңайдағы сұрау­лы сөйлем, қобалжулы пікірді көзіміз шалып ойланып қалдық, қапаландық. 

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу